ബെംഗളൂരു: കർണാടകയിലെ ചാമരാജനഗർ ജില്ലയിൽ നിന്നുള്ള ഒൻപതാം ക്ലാസ് വിദ്യാർത്ഥിനി തന്റെ സ്‌കൂളിൽ ഒരു ടോയ്‌ലറ്റ് നിർമ്മിക്കണമെന്ന് ആവശ്യപ്പെട്ട് മുഖ്യമന്ത്രി ബസവരാജ് ബൊമ്മൈക്ക് കത്തെഴുതി.
തന്റെ സ്‌കൂളിൽ 132 വിദ്യാർത്ഥികൾക്ക് ഒരു ശൗചാലയം മാത്രമാണുള്ളതെന്നും വിദ്യാർത്ഥി കത്തിൽ സൂചിപ്പിച്ചു. ഇത് വളരെ ലജ്ജാകരമാണെന്നും ദയവായി എന്നെ നിങ്ങളുടെ മകളായി കണക്കാക്കി സ്കൂൾ വളപ്പിൽ ഒരു ടോയ്‌ലറ്റ് സൗകര്യം കൂടി നിർമ്മിച്ചു നൽകണമെന്നും ഞാൻ എനിക്കായി സ്വരൂപിച്ച 25 രൂപ ഈ ആവശ്യത്തിനായി സംഭാവന ചെയ്യാൻ തയ്യാറാണെന്നും വിദ്യാർത്ഥിനി പറഞ്ഞു.
പവിത്ര മാത്രമല്ല, അതിർത്തി ജില്ലയിലെ സ്‌കൂളിലെ നിരവധി വിദ്യാർത്ഥികളും അധിക ടോയ്‌ലറ്റ് സൗകര്യം ആവശ്യപ്പെട്ടുകൊണ്ട് മുഖ്യമന്ത്രിക്ക് കത്ത് നൽകിയിട്ടുണ്ട്.
നേരത്തെ, തന്റെ ഗ്രാമം റോഡുമായി ബന്ധിപ്പിക്കുന്നത് വരെ താൻ വിവാഹം കഴിക്കില്ലെന്ന് മുഖ്യമന്ത്രിക്ക് കത്തെഴുതിയ ഒരു പെൺകുട്ടിയോട് ബൊമ്മൈ പ്രതികരിച്ചിരുന്നു. താമസിയാതെ റോഡ് പണിതു നൽകുകയും ചെയ്തു എന്നാൽ, ഒരു സ്കൂൾ വിദ്യാർത്ഥിനിയുടെ ഈ കത്തിനോട് ബൊമ്മൈ ഇതുവരെ പ്രതികരിച്ചിട്ടില്ല.
