ബെംഗളൂരു: വിവിധ കോടതികളും കേന്ദ്ര–സംസ്ഥാന സർക്കാരുകളും ദീപാവലിയോടനുബന്ധിച്ച് പുറപ്പെടുവിച്ച മാർഗ്ഗനിർദ്ദേശങ്ങൾ പൗരന്മാർ കർശനമായി പാലിക്കണമെന്ന് ബൃഹത് ബെംഗളൂരു മഹാനഗര പാലികെ(ബിബിഎംപി) ചീഫ് കമ്മീഷണർ ഗൗരവ് ഗുപ്ത ചൊവ്വാഴ്ച പറഞ്ഞു.
പുതിയ മാർഗനിർദേശങ്ങൾ പുറപ്പെടുവിക്കുന്നതിനുപകരം നിലവിലുള്ള എല്ലാ മാനദണ്ഡങ്ങളും ജനങ്ങൾപാലിക്കുന്നുണ്ടെന്ന് പാലികെ ഉറപ്പാക്കുമെന്നും അദ്ദേഹം മാധ്യമങ്ങളോട് പറഞ്ഞു. “ഞങ്ങൾ പുതിയ മാർഗ്ഗനിർദ്ദേശങ്ങളൊന്നും പുറപ്പെടുവിക്കുന്നില്ല. എന്നാൽ പകരം, ഇതിനകം നിലവിലുള്ള നിയമങ്ങൾ ആളുകൾ ലംഘിക്കുന്നില്ലെന്ന് ഉറപ്പാക്കും. രണ്ട് വാക്സിൻ ഡോസുകൾ എടുത്തതിനാൽ തങ്ങൾ സുരക്ഷിതരാണെന്ന് പലരും കരുതുന്നു. എന്നാൽ അങ്ങനെയല്ല. ആളുകൾ ഇനിയും മാസ്ക് ധരിക്കണം, സാമൂഹിക അകലം പാലിക്കണം, തിരക്കേറിയ സ്ഥലങ്ങൾ ഒഴിവാക്കണം, എല്ലാ കോവിഡ് -19 മാനദണ്ഡങ്ങളും പാലിക്കണം, ” എന്ന്അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
