Day: 1 December 2019

ബെംഗളൂരു: മന്ത്രിയാകുന്നതിന് മുമ്പ് സോമണ്ണ ജനത ബസാറിൽനിന്ന് പതിവായി തുണികൾ മോഷ്ടിക്കുമായിരുന്നുവെന്നും സോമണ്ണയുടെ പശ്ചാത്തലം എല്ലാവർക്കും അറിയാമെന്നും കുമാരസ്വാമി. മഹാലക്ഷ്മി ലേഔട്ടിൽ തിരഞ്ഞെടുപ്പു റാലിയിൽ സംസാരിക്കവേ ആണ് കുമാരസ്വാമി ആരോപണമുന്നയിച്ചത്. സ്ഥാനമാനങ്ങൾ ലഭിക്കാൻവേണ്ടി നേതാക്കളുടെ കാലുകളിൽ വീഴുന്നതിൽ പ്രശസ്തനാണ് സോമണ്ണയെന്നും കുമാരസ്വാമി പറഞ്ഞു. അതേസമയം, ആരോപണം നിഷേധിച്ച് സോമണ്ണ രംഗത്തെത്തി. കുമാരസ്വാമി ആരോപണം തെളിയിക്കുകയാണെങ്കിൽ മരിക്കാൻ തയ്യാറാണെന്നും ഒരു തുണിക്കടയിലും ജോലി ചെയ്തിട്ടില്ലെന്നും സോമണ്ണ പറഞ്ഞു. സത്യത്തോട് അകന്നുനിൽക്കുന്ന ഇത്തരം പ്രസ്താവനകൾ കുമാരസ്വാമി നടത്തരുതെന്നും സോമണ്ണ ആവശ്യപ്പെട്ടു.

ബെംഗളൂരു : കുരങ്ങുകളുടെ ശല്യം രൂക്ഷമായതിനെ തുടർന്ന് അറ്റകൈ പ്രയോഗിച്ചിരിക്കുകയായാണ് ഷിവമോഗയിലെ ഈ കർഷകൻ. വളർത്തു നായയുടെ ശരീരത്തിൽ കറുത്ത നിറത്തിൽ വരകൾ വരച്ച് കടുവയാക്കിയാണ് കർഷകൻ കുരങ്ങുകളെ തുരത്തുന്നത്. കൃഷിയിടത്തിലെ വിളകളെല്ലാം തുടർച്ചയായി കുരങ്ങുകൾ നശിപ്പിച്ചതോടെയാണ് വളർത്തുപട്ടിയെ ചയമടിച്ച് കടുവയാക്കി രംഗത്തിറക്കിയത്. ഷിവമോഗയിലെ കർഷകനായ ശ്രീകാന്ത് ഗൗഡയുടേതാണ് ഈ ആശയം. വർഷങ്ങൾക്ക് മുൻപ് കർണാടകയുടെ വടക്കൻ പ്രദേശങ്ങൾ സന്ദർശിച്ചപ്പോൾ അവിടുത്തെ കർഷകർ കടുവകളുടെ പാവകളെ ഉപയോഗിച്ച് കുരങ്ങുകളെ തുരത്തുന്നത് ശ്രദ്ധയിൽ പെട്ടിരുന്നു. അതിൽ നിന്ന് ഉരുത്തിരിഞ്ഞതാണ് ഈ ആശയം. പാവകളെ കൃഷിയിടത്തിൽ കൊണ്ടുവച്ചാൽ കുറച്ചു…