Day: 19 June 2019

ബെംഗളൂരു : നിരവധി ദിവസത്തെ രാഷ്ട്രീയ അനിശ്ചിതത്വങ്ങൾക്കൊടുവിൽ കർണാടകയിലെ പ്രദേശ് കോൺഗ്രസ് കമ്മിറ്റി പിരിച്ചു വിട്ടതായി ഹൈക്കമാന്റ് അറിയിച്ചു. സംസ്ഥാനത്തിന്റെ ചുമതലയുള്ള മലയാളിയായ കെ സി വേണുഗോപാൽ പത്രസമ്മേളനത്തിൽ അറിയിച്ചതാണ് ഇക്കാര്യം. അദ്ധ്യക്ഷനായ ദിനേശ് ഗുണ്ടു റാവുവും വർക്കിംഗ് പ്രസിഡന്റും തുടരും.കർണാടക കോൺഗ്രസിൽ പടലപ്പിണക്കങ്ങൾക്ക് ഒരു കുറവുമില്ല. മുൻ മുഖ്യമന്ത്രി സിദ്ധരാമയ്യയുടെ നേതൃത്വത്തിലും ഉപമുഖ്യമന്ത്രി ജി പരമേശ്വരയുടെ നേതൃത്വത്തിലും രണ്ട് ഗ്രൂപ്പുകളാണ് പ്രബലമായി നിലവിലുള്ളത്. ലോക്സഭാ തെരഞ്ഞെടുപ്പിൽ പ്രതിപക്ഷ നേതാവ് ആയിരുന്ന മല്ലികാർജുൻ ഖർഗെ ക്ക് വരെ സംസ്ഥാനത്ത് തോൽവി അറിയേണ്ടി വന്നു. ബെംഗളൂരു…

ബെംഗളൂരു: കഴിഞ്ഞ വർഷകാലത്ത് കർണാടകയിൽ ഏറ്റവും കൂടുതൽ നാശനഷ്ടമുണ്ടായ ജില്ലയാണ് കുടക്. മണ്ണിടിച്ചിൽ രൂക്ഷമായ ഇവിടെ നൂറുകണക്കിന് വീടുകളാണ് തകർന്നിരുന്നത്. 147 പേർ മരിക്കുകയുമുണ്ടായി. വ്യാഴാഴ്ചയോടെ  കാലവർഷം കനക്കുമെന്ന കാലാവസ്ഥാനിരീക്ഷണകേന്ദ്രത്തിന്റെ മുന്നറിയിപ്പിനെത്തുടർന്ന് കുടകിൽ മുൻകരുതലുകൾ കർശനമാക്കാൻ ഡെപ്യൂട്ടി കമ്മിഷണർ ആന്നീസ് കെ.ജോയ് നിർദേശിച്ചു. പ്രകൃതിക്ഷോഭമുണ്ടാവാൻ സാധ്യതയുള്ള സ്ഥലങ്ങളിൽ വാടകവീടുകളിൽ താമസിക്കുന്നവരെ സുരക്ഷിതകേന്ദ്രങ്ങളിലേക്ക് മാറ്റാനും അവർക്ക് മൂന്നുമാസത്തെ വാടക നൽകാനും തീരുമാനിച്ചതായി ഡെപ്യൂട്ടി കമ്മിഷണർ വ്യക്തമാക്കി. ഇതിനായി ബന്ധപ്പെട്ട വകുപ്പധികൃതരോട് റിപ്പോർട്ട് നൽകാനും നിർദേശിച്ചിട്ടുണ്ട്. അസുഖബാധിതരെ ജില്ലാ ആസ്പത്രിയിലേക്ക് മാറ്റാനും നിർദേശം നൽകിയിട്ടുണ്ട്. ദുരന്തബാധിതപ്രദേശങ്ങളിൽനിന്ന് ജനങ്ങളെ…

ബെംഗളൂരു : ലോക് സഭാ തെരഞ്ഞെടുപ്പിലേറ്റ പരാജയത്തെ തുടർന്ന് കർണാടകയുടെ ചുമതലയുള്ള ദേശീയ നേതാവ് കെ.സി.വേണുഗോപാലിനെ ബഫൂൺ എന്ന് വിശേഷിപ്പിക്കുകയും സഖ്യ സർക്കാറിന്റെ എകോപന സമിതി അദ്ധ്യക്ഷൻ സിദ്ധരാമയ്യയെയും കെപിസിസി പ്രിസിഡൻറ് ദിനേഷ് ഗുണ്ടുറാവുവിനേയും വിമർശിക്കുകയും ചെയ്ത ശിവാജി നഗർ എം എൽ എ റോഷൻ ബേഗിന് പാർട്ടിയിൽ നിന്ന് സസ്പെൻഷൻ ലഭിച്ചു. കാരണം കാണിക്കൽ നോട്ടീസിന് മറുപടി നൽകാതിരുന്നതിനാലാണ് സസ്പെൻഷൻ.ന്യൂനപക്ഷങ്ങൾ കോൺഗ്രസിനെ വിശ്വസിക്കുന്നത് നിർത്തണം, കഴിഞ്ഞ തെരഞ്ഞെടുപ്പിൽ ഒരു ന്യൂനപക്ഷ സ്ഥാനാർത്ഥിയെ മാത്രമാണ് കോൺഗ്രസ് മൽസരിപ്പിച്ചത് തുടങ്ങിയ പ്രസ്താവനക്ക് ഒപ്പം പ്രധാനമന്ത്രി നരേന്ദ്ര…