ബെംഗളൂരു : പാർക്കിനു സമീപത്തെ റോഡിൽ വനിതാ മാധ്യമ പ്രവർത്തകയോട് ലൈംഗികാതിക്രമം നടത്തിയെന്ന പരാതിയിൽ കോളജ് വിദ്യാർഥികൾ ഉൾപ്പെടെ മൂന്നുപേർ പിടിയിൽ. ലക്കസന്ദ്ര സ്വദേശി നിഖിൽ (22), വിദ്യാർഥികളായ ബിജിത് (20), മിഥുൻ (19) എന്നിവരെയാണ് കബൺപാർക്ക് പൊലീസ് അറസ്റ്റ് ചെയ്തത്. കഴിഞ്ഞ ദിവസം പുലർച്ചെ യുവതി രണ്ടു സുഹൃത്തുക്കൾക്കൊപ്പം കബൺപാർക്കിനു സമീപത്തെ എച്ച്ആർപി റോഡിലൂടെ പോകവെ ബൈക്കിലെത്തിയ മൂന്നുപേർ ഇവർക്കെതിരെ മോശം പരാമർശം നടത്തി.
ഇതു ചോദ്യം ചെയ്തതോടെ ഇവർ മൂന്നുപേരും യുവതിയോട് മോശമായി പെരുമാറിയെന്നാണു പരാതി. മാധ്യമപ്രവർത്തക ഉടൻ പൊലീസ് കൺട്രോൾ റൂമിൽ ബന്ധപ്പെട്ടു. ഇതിനിടെ ബഹളം കേട്ടെത്തിയ ചിലർ യുവാക്കളിൽ ഒരാളെ പിടികൂടി പൊലീസിൽ ഏൽപിക്കുകയും ചെയ്തു. കേസെടുത്ത പൊലീസ് മറ്റു രണ്ടുപേരെ പിന്നീട് അറസ്റ്റ് ചെയ്തു. കോടതിയിൽ ഹാജരാക്കിയ പ്രതികളെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
