Category: SPORTS

കൊല്‍ക്കത്ത: മുൻ ഇന്ത്യൻ ഫുട്ബോൾ ക്യാപ്റ്റൻ സമർ ബാനർജി (92) അന്തരിച്ചു. 1956 ലെ മെൽബൺ ഒളിമ്പിക്സിൽ ഇന്ത്യയെ നാലാം സ്ഥാനത്തേക്ക് നയിച്ചത് അദ്ദേഹമാണ്. വാർദ്ധക്യസഹജമായ അസുഖങ്ങളെ തുടർന്നാണ് അദ്ദേഹം മരിച്ചത്. ബദ്രു ദാ എന്നറിയപ്പെടുന്ന സമർ ബാനർജി അൽഷിമേഴ്സ് ഉൾപ്പെടെയുള്ള രോഗങ്ങളുടെ പിടിയിലായിരുന്നു. കോവിഡ്-19 സ്ഥിരീകരിച്ചതിനെ തുടർന്ന് ജൂലൈ 27നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. 

ഹരാരെ: ഇന്ത്യയ്‌ക്കെതിരായ രണ്ടാം ഏകദിന മത്സരത്തില്‍ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ സിംബാബ്‌വെയ്ക്ക് ബാറ്റിങ് തകര്‍ച്ച. സിംബാബ്‌വെയ്ക്ക് 31 റൺസിന് നാല് വിക്കറ്റ് നഷ്ടമായി. ടോസ് നേടിയ ഇന്ത്യൻ ക്യാപ്റ്റൻ കെഎൽ രാഹുൽ ആദ്യം ഫീൽഡിംഗ് തിരഞ്ഞെടുക്കുകയായിരുന്നു. സഞ്ജു സാംസണെ ഇത്തവണയും ടീമിൽ ഉൾപ്പെടുത്തിയിട്ടുണ്ട്. കഴിഞ്ഞ മത്സരത്തിൽ ശ്രദ്ധേയനായ ദീപക് ചഹർ ഈ മത്സരത്തിൽ കളിക്കില്ല. ദീപക് ചഹറിന് പകരം ശാര്‍ദൂല്‍ ഠാക്കൂർ ടീമിലെത്തി. ആദ്യ ഏകദിനത്തിൽ സിംബാബ്‌വെയെ 10 വിക്കറ്റിനാണ് ഇന്ത്യ പരാജയപ്പെടുത്തിയത്. രണ്ടാം ഏകദിനത്തിൽ ഇന്ത്യ ജയിച്ചാൽ പരമ്പര വിജയം ഉറപ്പാണ്.

ന്യൂഡൽഹി: ഇന്ത്യൻ വനിതാ ക്രിക്കറ്റ് താരം ജുലൻ ഗോസ്വാമി അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. സെപ്റ്റംബർ 24ന് ലോർഡ്സിൽ അവസാന മത്സരം കളിക്കുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇംഗ്ലണ്ടിനെതിരായ പരമ്പരയിലെ മൂന്നാം ഏകദിനമാണിത്. വെള്ളിയാഴ്ച ഇംഗ്ലണ്ടിനെതിരായ പരമ്പരയ്ക്കുള്ള ടീമിനെ പ്രഖ്യാപിച്ചപ്പോൾ ജുലനെയും ടീമിൽ ഉൾപ്പെടുത്തിയിരുന്നു. ഏകദിന ലോകകപ്പിന് ശേഷം ജുലന് ബിസിസിഐ വിശ്രമം അനുവദിച്ചിരുന്നു. ശ്രീലങ്കയ്ക്ക് എതിരായ പരമ്പരയിലും അവർ കളിച്ചിരുന്നില്ല. വനിതാ ക്രിക്കറ്റിലെ എല്ലാ ഫോർമാറ്റുകളിലും ഏറ്റവും കൂടുതൽ വിക്കറ്റുകൾ വീഴ്ത്തിയ താരമെന്ന വിശേഷണത്തോടെയാണ് ജുലൻ കരിയർ അവസാനിപ്പിക്കുന്നത്. ഇതുവരെ…

ഹരാരെ: സിംബാബ്‌വെയ്ക്കെതിരായ പരമ്പരയിലെ രണ്ടാം ഏകദിനത്തിൽ ടോസ് നേടിയ ഇന്ത്യ ആദ്യ ഏകദിനത്തിലെന്നപോലെ ബോളിങ് തിരഞ്ഞെടുത്തു. ആദ്യ ഏകദിനം കളിച്ച ഇലവനില്‍ നിന്ന് ഒരു മാറ്റത്തോടെയാണ് ഇന്ത്യ ഇന്ന് ഇറങ്ങുന്നത്. ദീപക് ചഹറിന് പകരം ശാര്‍ദുല്‍ താക്കൂര്‍ പ്ലേയിങ് ഇലവനിലേക്ക് എത്തി. രണ്ടാം ഏകദിനത്തില്‍ ടോസ് നേടിയാല്‍ ഇന്ത്യ ബാറ്റിങ് തെരഞ്ഞെടുത്തേക്കും എന്നാണ് വിലയിരുത്തപ്പെട്ടിരുന്നത്. കെ എല്‍ രാഹുല്‍ ഉള്‍പ്പെടെയുള്ള ബാറ്റേഴ്‌സിന് കൂടുതല്‍ സമയം ലഭിക്കേണ്ടത് കാരണമായിരുന്നു ഇത്. എന്നാല്‍ ഇന്ത്യ ബൗളിങ് തെരഞ്ഞെടുക്കുകയാണ് ചെയ്തത്

ലണ്ടന്‍: വിരാട് കോഹ്ലിയുടെ ക്യാപ്റ്റൻസിക്ക് കീഴിലാണ് ഇന്ത്യ ടെസ്റ്റ് ക്രിക്കറ്റിനെ പുരോഗതിയിലേക്ക് നയിച്ചതെന്ന് മുൻ ദക്ഷിണാഫ്രിക്കൻ ക്യാപ്റ്റൻ ഗ്രെയിം സ്മിത്ത്. ഇന്ത്യ ടെസ്റ്റ് ക്രിക്കറ്റിനെ ഗൗരവമായെടുത്തത് കോഹ്ലിയുടെ ക്യാപ്റ്റന്‍സിക്ക് കീഴിലാണെന്നും അദ്ദേഹം അഭിപ്രായപ്പെട്ടു. നിലവില്‍ വമ്പന്‍ ടെസ്റ്റ് രാജ്യങ്ങളാണ് ടെസ്റ്റ് ക്രിക്കറ്റിന് സംഭാവന നല്‍കുന്നത്. ടെസ്റ്റില്‍ കരുത്തരായ ടീമുകള്‍ അധികം ഉണ്ടാവാന്‍ പോകുന്നില്ല. ഈ ലെവലില്‍ ടെസ്റ്റ് ക്രിക്കറ്റ് കളിക്കുന്ന അഞ്ചോ ആറോ രാജ്യങ്ങള്‍ മാത്രമാണ് ഉണ്ടാവുക എന്നും അദ്ദേഹം പറഞ്ഞു.  ടെസ്റ്റ് ക്രിക്കറ്റിന്റെ കാലം അവസാനിക്കുന്നു എന്ന ചര്‍ച്ചകള്‍ ശക്തമായ സമയം ടെസ്റ്റിനായി…

ഗുവാഹത്തി: സമനിലയോടെയാണ് കേരള ബ്ലാസ്റ്റേഴ്സ് ഡ്യുറണ്ട് കപ്പ് ആരംഭിച്ചത്. ഇന്ന് നടന്ന ഗ്രൂപ്പ് ഡി മത്സരത്തിൽ ഐ ലീഗ് ക്ലബ് സുദേവ ഡൽഹി കേരള ബ്ലാസ്റ്റേഴ്സിനോട് സമനിലയിൽ പിരിഞ്ഞു. ഇരുടീമുകളും ഓരോ ഗോൾ വീതം നേടി. ബ്ലാസ്റ്റേഴ്സിനായി റിസർവ് ടീമാണ് ടൂർണമെന്റിൽ പങ്കെടുക്കുന്നത്. ഗുവാഹത്തിയിൽ നടന്ന മത്സരത്തിൽ കേരള ബ്ലാസ്റ്റേഴ്സ് ആദ്യം ലീഡ് നേടി. 42-ാം മിനിറ്റിൽ ബ്ലാസ്റ്റേഴ്സ് ലീഡെടുത്തു.മുഹമ്മദ് അജ്സലാണ് സുദേവയുടെ വലകുലുക്കിയത്. എന്നാൽ മൂന്ന് മിനിറ്റിനകം സു​ദേവ ഒപ്പമെത്തി. സുദേവയ്ക്ക് വേണ്ടി വലകുലുക്കിയത് മം​ഗു കുക്കിയാണ്. രണ്ടാം പകുതിയിൽ ഇരുടീമുകളും പരമാവധി…

ദോ​ഹ: ഖത്തർ ലോകകപ്പ് ഫുട്ബോൾ മത്സരങ്ങൾക്കുള്ള ടിക്കറ്റ് ഇതുവരെ ലഭിക്കാത്തവർക്ക് സന്തോഷവാർത്ത. അവസാന മി​നി​റ്റ്​ ടിക്കറ്റ് വിൽപ്പന പ്രഖ്യാപിച്ച് ഫിഫ. ലോകകപ്പ് ഫൈനൽ വരെ വിൽപ്പന തുടരുമെന്ന് അധികൃതർ അറിയിച്ചു. ഈ ഘട്ടത്തിൽ ദോഹയിലെ ഫിഫ കൗണ്ടർ വഴിയും ആരാധകർക്ക് ടിക്കറ്റുകൾ ലഭ്യമാകും. തീയതി പിന്നീട് അറിയിക്കും. അവസാന മിനിറ്റ് വിൽപ്പന ഫ​സ്റ്റ്​ കം ​ഫ​സ്റ്റ്​ രൂപത്തിലായിരിക്കും. സെപ്റ്റംബർ അവസാനം ആരംഭിക്കുന്ന അവസാന മിനിറ്റ് വിൽപ്പന ലോകകപ്പ് ഫൈനൽ വരെ നീണ്ടുനിൽക്കും, ഇത് കൂടുതൽ ആളുകൾക്ക് ടിക്കറ്റ് വാങ്ങാൻ വഴിയൊരുക്കും. നവംബർ 20ന് ആരംഭിക്കുന്ന…