ബെംഗളൂരു : കർണാടകയിലെ ഹൊലൽകെരെക്ക് സമീപം ലോറിയും ജീപ്പും കൂട്ടിയിടിച്ച് നവദമ്പതികൾ മരിച്ചു. ഞായറാഴ്ച വൈകിട്ട് നഗരപ്രാന്തത്തിലുള്ള ദേശീയപാത 13-ലെ ഹനുമന്ത് ദേവര കനിവെയിലാണ് ദാരുണമായ ഈ അപകടം സംഭവിച്ചത്.
ചിത്രദുർഗ്ഗയിലെ മാരുതി ഗ്യാസ് ഏജൻസി ഉടമ പ്രഭു പ്രസാദിന്റെ മകൻ ലോഹിത് പ്രസാദ് (30), ഭാര്യ നിത്യശ്രീ (28) എന്നിവരാണ് മരണപ്പെട്ടത്. ആറ് മാസം മുൻപായിരുന്നു ഇവരുടെ വിവാഹം നടന്നത്. ശിവമൊഗ്ഗയിൽ നിന്ന് ചിത്രദുർഗ്ഗയിലേക്ക് മടങ്ങുന്നതിനിടെ രാത്രി 11.30-ഓടെയാണ് അപകടമുണ്ടായത്.
ശക്തമായ കൂട്ടിയിടിക്ക് പിന്നാലെ നിയന്ത്രണം വിട്ട ജീപ്പും ലോറിയും റോഡ് ഡിവൈഡറിലിടിച്ച് സമീപത്തെ അടയ്ക്ക തോട്ടത്തിലേക്ക് മറിഞ്ഞു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
