Day: 14 July 2026

ബെംഗളൂരു: ഫുട്ബോൾ ലോകകപ്പ് സെമിഫൈനൽ, ഫൈനൽ മത്സരങ്ങൾ പ്രമാണിച്ച് ബെംഗളൂരുവിൽ ബാറുകളുടെയും റെസ്റ്റോറൻ്റുകളുടെയും പബ്ബുകളുടെയും ഹോട്ടലുകളുടെയും പ്രവർത്തന സമയം നീട്ടി. ബെംഗളൂരു സിറ്റി പൊലീസ് കമ്മീഷണറേറ്റ് പരിധിയിലുള്ള സ്ഥാപനങ്ങൾ പുലർച്ചെ 3:30 വരെ പ്രവർത്തിക്കാൻ അനുമതി നൽകി സിറ്റി പൊലീസ് കമ്മീഷണർ സീമന്ത് കുമാർ സിങ് ഉത്തരവിറക്കി. ജൂലൈ 14-15, ജൂലൈ 15-16, ജൂലൈ 19-20 എന്നീ ദിവസങ്ങളിലാണ് സ്ഥാപനങ്ങളുടെ പ്രവർത്തന സമയം നീട്ടിയത്. നാഷണൽ റെസ്റ്റോറൻ്റ് അസോസിയേഷൻ ഓഫ് ഇന്ത്യ (എൻആർഎഐ), ബെംഗളൂരു ചാപ്റ്റർ എന്നീ സംഘടനകളുടെ അഭ്യർത്ഥനപ്രകാരം 1963ലെ കർണാടക പൊലീസ്…

ബെംഗളൂരു: നഗരത്തിലെ വിവിധയിടങ്ങളിൽ ജൂലൈ 16 വ്യാഴാഴ്ച ജലവിതരണം പൂർണ്ണമായും തടസ്സപ്പെടുമെന്ന് ബാംഗ്ലൂർ വാട്ടർ സപ്ലൈ ആൻഡ് സ്വീവറേജ് ബോർഡ് (BWSSB) അറിയിച്ചു. കാവേരി ജലവിതരണ പദ്ധതി ഘട്ടം 4, ഫേസ് 2 പരിധിയിൽ വരുന്ന പ്രദേശങ്ങളിലാണ് കുടിവെള്ള വിതരണം മുടങ്ങുന്നത്. വ്യാഴാഴ്ച രാവിലെ 6 മണി മുതൽ വൈകുന്നേരം 6 മണി വരെയുള്ള 12 മണിക്കൂർ സമയമാണ് ജലവിതരണം നിർത്തിവെക്കുക. 2,700 മില്ലിമീറ്റർ വ്യാസമുള്ള പ്രധാന പൈപ്പ് ലൈനിലെ സ്കോർ വാൽവിലുണ്ടായ (Scour Valve) ചോർച്ച പരിഹരിക്കുന്നതിനുള്ള അടിയന്തര അറ്റകുറ്റപ്പണികൾ നടക്കുന്നതിനാലാണ് ഈ…

ബെംഗളൂരു: ബെംഗളൂരു നെലമംഗലയ്ക്ക് സമീപം 31-കാരിയായ നവവധു വിഷം കഴിച്ച് മരിച്ച നിലയിൽ കണ്ടെത്തി. ഗൗരിബിദന്നൂർ ബീരമ്മനഹള്ളി സ്വദേശിനിയായ തനൂജയാണ് നെലമംഗല സർക്കാർ ആശുപത്രിയിൽ ചികിത്സയിലിരിക്കെ മരിച്ചത്. ഭർത്താവുമായി ഫോണിൽ സംസാരിച്ചതിന് പിന്നാലെയുണ്ടായ മാനസികവിഷമത്തെത്തുടർന്നാണ് യുവതി തീവ്രനടപടിയിലേക്ക് കടന്നതെന്നാണ് പൊലീസിന്റെ പ്രാഥമിക നിഗമനം. നെലമംഗലയിലെ ബസവനഹള്ളിയിലാണ് സംഭവം. വർഷങ്ങളായി പ്രണയത്തിലായിരുന്ന തനൂജയും യെലഹങ്ക മായസന്ദ്ര സ്വദേശിയായ രവീന്ദ്രയും അടുത്തിടെയാണ് ധർമ്മസ്ഥലയിൽ വെച്ച് വിവാഹിതരായത്. ജോലിസ്ഥലത്തേക്കുള്ള യാത്രയ്ക്കിടയിലാണ് ഇരുവരും പരിചയപ്പെടുന്നതും പിന്നീട് പ്രണയത്തിലാകുന്നതും. എന്നാൽ വിവാഹശേഷം സ്വന്തം വീട്ടുകാരെ കാര്യങ്ങൾ ബോധ്യപ്പെടുത്താൻ രവീന്ദ്ര കുറച്ചു സമയം…

ബെംഗളൂരു : ഗിഗ് തൊഴിലാളികൾ (ഡെലിവറി ജീവനക്കാർ, ക്യാബ്-ബൈക്ക് ടാക്സി ഡ്രൈവർമാർ എന്നിവർ) ഉൾപ്പെടുന്ന കുറ്റകൃത്യങ്ങളുടെ കൃത്യമായ വിവരശേഖരണം (ഡാറ്റാബേസ്) തയാറാക്കാനുള്ള ബംഗളൂരു പോലീസിന്റെ ശ്രമങ്ങൾ വൈകുന്നു. ലഭ്യമായ വിവരങ്ങളിലെ അപര്യാപ്തതയാണ് ഇതിന് കാരണമെന്ന് സിറ്റി പോലീസ് കമ്മീഷണർ സീമന്ത് കുമാർ സിംഗ് വ്യക്തമാക്കി. സ്ത്രീകൾക്കെതിരെയുള്ള അതിക്രമങ്ങൾ തടയുന്നതിന് മുന്നോടിയായി, ഡെലിവറി ഏജന്റുമാർ ഉൾപ്പെട്ടിട്ടുള്ള കേസുകൾ സ്റ്റേഷൻ തിരിച്ച് അവലോകനം ചെയ്യാനും വിവരങ്ങൾ ക്രോഡീകരിക്കാനും 2025 ഒക്ടോബറിൽ കമ്മീഷണർ ഉത്തരവിട്ടിരുന്നു. ഒരു ബ്രസീലിയൻ മോഡൽ സ്വന്തം വീട്ടിൽ വെച്ച് ഡെലിവറി ജീവനക്കാരനാൽ പീഡിപ്പിക്കപ്പെട്ട സംഭവത്തെ…

ബെംഗളൂരു: ലോകത്തെ ഒന്നടങ്കം ഭീതിയിലാഴ്ത്തിയ കൊറോണ വൈറസ് വീണ്ടും തലപൊക്കുന്നുവെന്ന വാർത്തകൾ അതിർത്തി സംസ്ഥാനങ്ങളിൽ ആശങ്ക പരത്തുന്നു. അയൽ സംസ്ഥാനമായ ആന്ധ്രാപ്രദേശിൽ കോവിഡ് കേസുകൾ റിപ്പോർട്ട് ചെയ്ത പശ്ചാത്തലത്തിൽ കർണാടകയിലും ജാഗ്രതാ നിർദ്ദേശം നൽകിയിട്ടുണ്ട്. ഇതിനകം കർണാടകയിൽ മുപ്പതിലധികം പേർക്ക് രോഗബാധ സ്ഥിരീകരിച്ചത് ആശങ്കയ്ക്ക് കാരണമായിട്ടുണ്ട്. വർഷങ്ങൾക്ക് മുമ്പ് ലോകത്തെ പിടിച്ചുകുലുക്കിയ വുഹാൻ വൈറസിന്റെ പുതിയ വകഭേദങ്ങളെക്കുറിച്ചുള്ള ഭീതിയാണ് ഇപ്പോൾ വീണ്ടും ഉയർന്നിരിക്കുന്നത്. ആന്ധ്രാപ്രദേശിൽ കോവിഡ് ഭീതി ആരംഭിച്ചുവെന്ന അഭ്യൂഹങ്ങൾ പരന്നതിന് പിന്നാലെ കർണാടകയിലും പുതിയ പോസിറ്റീവ് കേസുകൾ റിപ്പോർട്ട് ചെയ്യപ്പെട്ടു തുടങ്ങുകയായിരുന്നു. കർണാടകയിൽ…

ബെംഗളൂരു: സിലിക്കൺ സിറ്റിയിൽ മഴ മാറിനിൽക്കുന്നതോടെ വേനൽക്കാലത്തിന് സമാനമായ കടുത്ത ചൂട് അനുഭവപ്പെടുന്നു. കഴിഞ്ഞ ഞായറാഴ്ച നഗരത്തിൽ രേഖപ്പെടുത്തിയത് 32 ഡിഗ്രി സെൽഷ്യസ് പരമാവധി താപനിലയാണ്. ഇത് ജൂലൈ മാസത്തിൽ അനുഭവപ്പെടാറുള്ള സാധാരണ താപനിലയേക്കാൾ 3.7 ഡിഗ്രി സെൽഷ്യസ് കൂടുതലാണ്. 2021-ൽ രേഖപ്പെടുത്തിയ 32.7 ഡിഗ്രി സെൽഷ്യസിന് ശേഷം ജൂലൈ മാസത്തിൽ രേഖപ്പെടുത്തുന്ന ഏറ്റവും ഉയർന്ന താപനിലയാണിത്. കഴിഞ്ഞ ഒരു പതിറ്റാണ്ടിനിടയിലെ ഏറ്റവും ചൂടേറിയ രണ്ടാമത്തെ ജൂലൈ മാസമായാണ് ഈ വർഷത്തേത് വിലയിരുത്തപ്പെടുന്നത്. ഇന്ത്യൻ കാലാവസ്ഥാ വകുപ്പിൻ്റെ (IMD) വിശകലനമനുസരിച്ച്, ജൂലൈ മാസത്തിലെ സാധാരണ…