ബെംഗളൂരു: നഗരത്തിലെ ഉത്തരഹള്ളിക്ക് സമീപം രാജകലുവയിലെ (രാജകനാൽ) സുരക്ഷാ ഗ്രില്ലിൽ കയറി യുവാവ് ആത്മഹത്യാ ഭീഷണി മുഴക്കിയത് പ്രദേശത്ത് വലിയ പരിഭ്രാന്തി പരത്തി. ചൊവ്വാഴ്ചയാണ് സംഭവം. അക്രമാസക്തനായ യുവാവ് രാജകലുവയ്ക്ക് മുകളിലെ ഗ്രില്ലിൽ കയറി താഴേക്ക് ചാടുമെന്ന് ഭീഷണി മുഴക്കുകയായിരുന്നു.
യുവാവിന്റെ അപകടകരമായ നീക്കം ശ്രദ്ധയിൽപ്പെട്ട നാട്ടുകാർ ഉടൻ തന്നെ ഇടപെടുകയും സാഹസികമായി ഇയാളെ പിടികൂടി താഴെയിറക്കുകയും ചെയ്തു. നാട്ടുകാർ തടഞ്ഞുവെച്ച യുവാവിനെ പിന്നീട് വിവരമറിഞ്ഞെത്തിയ പോലീസിന് കൈമാറി.
നിലവിൽ സുബ്രഹ്മണ്യപുര പോലീസ് സ്റ്റേഷൻ കസ്റ്റഡിയിലുള്ള യുവാവിനെ ചോദ്യം ചെയ്തുവരികയാണ്. ഇയാൾ ഇത്തരത്തിൽ പെരുമാറാനുണ്ടായ കാരണത്തെക്കുറിച്ച് വ്യക്തതയില്ലെന്നും മാനസികാസ്വാസ്ഥ്യം ഉണ്ടോ എന്നതടക്കമുള്ള കാര്യങ്ങൾ അന്വേഷിക്കുമെന്നും പോലീസ് അറിയിച്ചു. യുവാവിന്റെ പ്രവൃത്തി കുറച്ചുനേരം പ്രദേശത്ത് സംഘർഷാവസ്ഥ സൃഷ്ടിച്ചെങ്കിലും നാട്ടുകാരുടെ സമയോചിതമായ ഇടപെടൽ വൻ ദുരന്തം ഒഴിവാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
