ബെംഗളൂരു: കന്നുകാലികളുടെ ക്ഷേമത്തിനായി സർക്കാർ പ്രഖ്യാപിച്ച ‘പുണ്യകോടി ദത്തു യോജന’ പദ്ധതിക്കായി ജീവനക്കാരുടെ ശമ്പളം പിടിക്കുന്നു.
ഒറ്റത്തവണ സംഭാവന എന്ന രീതിയിൽ 80- 100 കോടി രൂപയോളം സ്വരൂപിക്കലാണ് ലക്ഷ്യം. ഈ മാസം 25-നകം ബന്ധപ്പെട്ട വകുപ്പുകളിലെ ശമ്പള വിതരണ അതോറിറ്റികളെ രേഖാമൂലം അറിയിക്കണം.
ഗ്രൂപ്പ്-എ ജീവനക്കാർ 11,000 രൂപ, ഗ്രൂപ്പ്-ബി 4,000 രൂപ, ഗ്രൂപ്പ്-സി 400 രൂപ എന്നിങ്ങനെയാണ് നൽകേണ്ടത്. ഡി വിഭാഗത്തെ ഒഴിവാക്കി. തുക മൃഗസംരക്ഷണ, വെറ്ററിനറി സേവന വകുപ്പിന് കൈമാറും. കർണാടക സ്റ്റേറ്റ് ഗവൺമെന്റ് എംപ്ലോയീസ് അസോസിയേഷൻ പ്രസിഡന്റ് എസ്.എസ്. ഷഡാക്ഷരി ഈ വിഷയത്തിൽ സർക്കാറിന് പൂർണ പിന്തുണ പ്രഖ്യാപിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
