Year: 2026

ബെംഗളൂരുവിലെ പ്രശസ്ത വിനോദസഞ്ചാര കേന്ദ്രമായ ശിവഗംഗെ കുന്നിലേക്ക് ട്രെക്കിംഗിന് പോയ പ്രമുഖ ബിസിനസുകാരന്റെ മകനും ഐടി ജീവനക്കാരനുമായ യുവാവിനെ സംശയാസ്പദമായ സാഹചര്യത്തിൽ കാണാതായി. വൈറ്റ്ഫീൽഡ് സ്വദേശിയായ പ്രതീക് ഉപാധ്യായയെ (31) ആണ് കാണാതായത്. സംഭവം കുടുംബത്തിലും നാട്ടുകാരിലും വലിയ ആശങ്ക സൃഷ്ടിച്ചിട്ടുണ്ട്. ദക്ഷിണകാശി എന്നറിയപ്പെടുന്ന ശിവഗംഗെ കുന്നിന്റെ അടിവാരത്ത് പ്രതീക് വാടകയ്‌ക്കെടുത്ത ബുള്ളറ്റ് ബൈക്ക് പാർക്ക് ചെയ്ത നിലയിൽ പോലീസ് കണ്ടെത്തി. അഞ്ച് ദിവസം മുമ്പാണ് വൈറ്റ്ഫീൽഡിൽ നിന്ന് ഇയാൾ ഈ ബൈക്ക് വാടകയ്‌ക്കെടുത്തത്. തുടർന്ന് ഇന്നലെ രാവിലെ ശിവഗംഗെ കുന്നിൽ കയറിയ ഇയാൾ…

ബെംഗളൂരു: ഗാർഹിക എൽപിജി കണക്ഷനുള്ള എല്ലാ ഉപഭോക്താക്കളും ഓഗസ്റ്റ് 15-നകം ഇ-കെവൈസി പ്രക്രിയ പൂർത്തിയാക്കണമെന്ന് എണ്ണക്കമ്പനികളും ഗ്യാസ് വിതരണക്കാരും നിർദ്ദേശിച്ചു. ഉപഭോക്തൃ വിവരങ്ങൾ കൃത്യമാണെന്ന് ഉറപ്പുവരുത്താനും വ്യാജ കണക്ഷനുകൾ തടഞ്ഞ് യഥാർത്ഥ ഗുണഭോക്താക്കൾക്ക് ആനുകൂല്യം ലഭിക്കുന്നുണ്ടെന്ന് ഉറപ്പാക്കാനുമാണ് ഈ നടപടി. നിർദ്ദിഷ്ട തീയതിക്കുള്ളിൽ ഇ-കെവൈസി പൂർത്തിയാക്കാത്തവരുടെ ഗാർഹിക സിലിണ്ടർ വിതരണം തടസ്സപ്പെടാൻ സാധ്യതയുണ്ട്. ചെയ്യേണ്ടത് വാണിജ്യ നിരക്ക് നൽകേണ്ടി വരും; കണക്ഷൻ നിർജ്ജീവമായേക്കാം സമയബന്ധിതമായി ഇ-കെവൈസി നടത്താത്തപക്ഷം ഗാർഹിക സിലിണ്ടറുകൾ ലഭിക്കാതെ വരികയും, പകരം 2,108 രൂപ നിരക്കിൽ വാണിജ്യ സിലിണ്ടറുകൾ വാങ്ങേണ്ടി വരികയും…

ബെംഗളൂരു : കർണാടകയിലെ ബിഡദിയിൽ കോഴിക്കോട് ഡിപ്പോയിലെ കെഎസ്ആർടിസി ഡീലക്സ് ബസ് അപകടത്തിൽപ്പെട്ട സംഭവത്തിൽ അധികൃതരുടെ വീഴ്ചകൾക്കെതിരെ വ്യാപക പ്രതിഷേധം. ഡ്രൈവർമാർക്ക് ആവശ്യത്തിന് വിശ്രമം നൽകാത്തതും കാലപ്പഴക്കം ചെന്ന ബസുകൾ സർവീസിന് ഉപയോഗിക്കുന്നതുമാണ് അപകടങ്ങൾക്ക് വഴിവെക്കുന്നതെന്ന ആരോപണവുമായി ജീവനക്കാരുടെ സംഘടനകൾ രംഗത്തെത്തി. അപകടത്തിനിടെ യാത്രക്കാരന്റെ ഒന്നരലക്ഷം രൂപ മോഷണം പോയതായും പരാതിയുണ്ട്. അപകടസ്ഥലത്ത് കവർച്ച: ഒന്നരലക്ഷം രൂപ നഷ്ടമായി അപകടത്തിൽപ്പെട്ട വയനാട് വൈത്തിരി സ്വദേശിയും വസ്ത്രവ്യാപാരിയുമായ ഷാഫിയുടെ ഒന്നരലക്ഷം രൂപയാണ് നഷ്ടപ്പെട്ടത്. റെഡിമെയ്ഡ് വസ്ത്രങ്ങൾ വാങ്ങാനായി കരുതുകയും പാന്റ്സിന്റെ പോക്കറ്റിൽ സൂക്ഷിക്കുകയും ചെയ്തിരുന്ന തുകയാണ്…

ബെംഗളൂരു: ബെംഗളൂരു പോലുള്ള വൻനഗരങ്ങളിൽ ജീവിക്കുമ്പോൾ ഉണ്ടാകുന്ന സാമ്പത്തിക പ്രതിസന്ധിക്ക് കാരണം കുറഞ്ഞ ശമ്പളമല്ല, മറിച്ച് ദിനംപ്രതി നാം അറിയാതെ ചെയ്തുപോകുന്ന ചെലവഴിക്കൽ ശീലങ്ങളാണെന്ന് ചൂണ്ടിക്കാട്ടി ശ്രദ്ധ നേടുകയാണ് ഒരു കണ്ടന്റ് ക്രിയേറ്റർ. ‘ബെംഗളൂരു വൈറൽ’ എന്ന ഇൻസ്റ്റാഗ്രാം പേജ് നടത്തുന്ന അക്ഷയ് സി.എൻ എന്ന യുവാവാണ് മാസാന്ത്യത്തിൽ പോക്കറ്റ് കാലിയാക്കുന്ന അഞ്ച് പ്രധാന കാര്യങ്ങൾ പങ്കുവെച്ച് രംഗത്തെത്തിയത്. ഓൺലൈൻ ഭക്ഷണ വിതരണം, തുടർച്ചയായ ടാക്സി യാത്രകൾ, ആവശ്യമില്ലാത്ത സാധനങ്ങൾ വാങ്ങിക്കൂട്ടൽ, ഉപയോഗിക്കാത്ത ആപ്പ് സബ്‌സ്‌ക്രിപ്‌ഷനുകൾ, കൃത്യമായ ബജറ്റില്ലാത്ത വാരാന്ത്യ ആഘോഷങ്ങൾ എന്നിവയാണ് സാമ്പത്തിക…