Month: August 2026

ബെംഗളൂരു: യെലഹങ്കയ്ക്ക് സമീപം മഡനഹള്ളിയിൽ തിങ്കളാഴ്ച പുലർച്ചെ നാല് മണിയോടെ നിയന്ത്രണം വിട്ട മണൽ ലോറി വീടിലേക്ക് മറിഞ്ഞ് അപകടം. അപകടത്തിൽ ലോറി ഡ്രൈവർ വാഹനത്തിനുള്ളിൽ കുടുങ്ങുകയും വീടിനുള്ളിലുണ്ടായിരുന്ന മൂന്ന് പേർക്ക് നിസ്സാര പരുക്കേൽക്കുകയും ചെയ്തു. യെലഹങ്ക ഭാഗത്ത് നിന്ന് വരികയായിരുന്ന ലോറി ശിവകോട്ടെയ്ക്ക് സമീപമുള്ള വീടിന്റെ മതിലിലേക്ക് ഇടിച്ചുകയറിയ ശേഷം മറിയുകയായിരുന്നുവെന്ന് യെലഹങ്ക ട്രാഫിക് പോലീസ് അറിയിച്ചു. ഇടിയുടെ ആഘാതത്തിൽ വീടിന്റെ മതിലിനും ഉള്ളിലെ വീട്ടുസാധനങ്ങൾക്കും കടുത്ത നാശനഷ്ടം സംഭവിച്ചു. ലോറി ഡ്രൈവറായ നവീനാണ് അപകടത്തിന് പിന്നാലെ വാഹനത്തി അടിയിൽ കുടുങ്ങിയത്. വിവരമറിഞ്ഞെത്തിയ…

ബംഗളൂരു: കർണാടക ഫുഡ് സേഫ്റ്റി ആൻഡ് ഡ്രഗ് അഡ്മിനിസ്ട്രേഷൻ (FSDA) വൻകിട വാണിജ്യ അടുക്കളകളിൽ പരിശോധനയും നിയന്ത്രണങ്ങളും ശക്തമാക്കുമ്പോഴും, നിയമങ്ങൾ പാലിക്കാൻ കഴിയാതെ വിഷമിക്കുകയാണ് തലസ്ഥാനത്തെ തെരുവ് ഭക്ഷണക്കച്ചവടക്കാർ. കച്ചവടക്കാർ നിർബന്ധമായും കയ്യുറകളും (gloves) ആപ്രണും ധരിക്കണമെന്നാണ് നിയമമെങ്കിലും ഭൂരിഭാഗം പേരും ഇത് പാലിക്കുന്നില്ല. എന്നാൽ, വലിയ കോൾഡ് സ്‌റ്റോറേജ് സൗകര്യങ്ങളുള്ള നക്ഷത്ര ഹോട്ടലുകളിൽ നിന്ന് വ്യത്യസ്തമായി, ദിവസേന ആവശ്യമുള്ള പച്ചക്കറികളും ഇറച്ചിയും വാങ്ങി അപ്പപ്പോൾ പാകം ചെയ്തു നൽകുന്നതിനാൽ ദീർഘനേരം ഭക്ഷണം സൂക്ഷിച്ചുവെക്കേണ്ടി വരുന്നില്ലെന്നും ഇത് അശുചിത്വത്തിനുള്ള സാധ്യത കുറയ്ക്കുമെന്നുമാണ് ചെറുകിട കച്ചവടക്കാരുടെ…

ബെംഗളൂരു: കർണാടകയ്ക്ക് പുറത്തും വിദേശത്തും താമസിക്കുന്ന നോൺ-റെസിഡന്റ് ഇന്ത്യക്കാർക്കും (എൻ.ആർ.ഐ) നിയമപരമായ അവകാശികൾക്കും, പാരമ്പര്യമായി ലഭിച്ച കൃഷിഭൂമി സ്വന്തം പേരിലേക്ക് മാറ്റുന്നതിനുള്ള നടപടിക്രമങ്ങൾ കർണാടക സർക്കാർ ലളിതമാക്കി. കൃഷിഭൂമിയുടെ ഉടമ മരണപ്പെട്ടാൽ നിയമപരമായ അവകാശികളുടെ പേരിലേക്ക് ഭൂമി മാറ്റുന്നതിനുള്ള (പോക്കുവരവ്) ‘പൗതി ഖാത’ (Pauti Khata) മാർഗ്ഗനിർദ്ദേശങ്ങളിലാണ് റവന്യൂ വകുപ്പ് ഭേദഗതി വരുത്തിയത്. പുതിയ നിയമപ്രകാരം, മറ്റ് സംസ്ഥാനങ്ങളിൽ സ്ഥിരതാമസമാക്കിയ അവകാശികൾക്ക് യോഗ്യതയുള്ള അതോറിറ്റിയോ സിവിൽ കോടതിയോ നൽകിയ ഡിജിറ്റൽ ഫാമിലി ട്രീ സർട്ടിഫിക്കറ്റ്, ലീഗൽ ഹെയർ സർട്ടിഫിക്കറ്റ് അല്ലെങ്കിൽ സക്സഷൻ സർട്ടിഫിക്കറ്റ് എന്നിവ…

ബെംഗളൂരു: നഗരത്തിലെ മാലിന്യ ശേഖരണ വാഹനങ്ങളുടെ പ്രവർത്തനം കൃത്യമായി നിരീക്ഷിക്കുന്നതിനായി ജി.പി.എസ് (GPS) ട്രാക്കിംഗ് സംവിധാനം ഏർപ്പെടുത്തി ബെംഗളൂരു സൗത്ത് സിറ്റി കോർപ്പറേഷൻ. ബൊമ്മനഹള്ളി മേഖലയിലാണ് ഈ പൈലറ്റ് പദ്ധതിക്ക് തുടക്കമിട്ടത്. എച്ച്.എസ്.ആർ ലെഔട്ടിലെ അടൽ ബിഹാരി വാജ്‌പേയി സ്റ്റേഡിയത്തിൽ നടന്ന ചടങ്ങിൽ കോർപ്പറേഷൻ കമ്മീഷണർ കെ.എൻ. രമേഷ്, ബൊമ്മനഹള്ളി എം.എൽ.എ എം. സതീഷ് റെഡ്ഡി എന്നിവർ ചേർന്ന് പദ്ധതിയുടെ ഉദ്ഘാടനം നിർവ്വഹിച്ചു. സിറ്റി കോർപ്പറേഷൻ, ബെംഗളൂരു സോളിഡ് വേസ്റ്റ് മാനേജ്‌മെന്റ് ലിമിറ്റഡ് (BSWML), ‘ലെറ്റ്‌സ് ബി ദി ചേഞ്ച്’ എന്ന സന്നദ്ധ സംഘടന,…

ബെംഗളൂരു: പാകിസ്ഥാൻ ആർമിക്കെതിരെ ആക്രമണത്തിന് പദ്ധതിയിടുകയും നിരോധിത ഭീകര സംഘടനയായ തെഹ്രീകെ താലിബാൻ പാകിസ്ഥാന് (TTP) പിന്തുണ നൽകുകയും ചെയ്ത കേസിൽ പശ്ചിമ ബംഗാൾ സ്വദേശിയായ യുവാവിനെ ബെംഗളൂരു പോലീസ് അറസ്റ്റ് ചെയ്തു. പശ്ചിമ ബംഗാളിലെ നോർത്ത് 24 പർഗാനാസ് ജില്ലയിലെ നൗപാറ ഗ്രാമത്തിൽ നിന്നുള്ള അസഫൂൾ മല്ലിക് (25) ആണ് പിടിയിലായത്. കഴിഞ്ഞ ഓഗസ്റ്റ് 11-ന് ബൊമ്മസന്ദ്ര ഇൻഡസ്ട്രിയൽ ഏരിയയിൽ നിന്നാണ് പോലീസിന്റെ പിടിയിലാകുന്നത്. 2025 ഡിസംബർ മുതൽ ജിഗണി ഇൻഡസ്ട്രിയൽ ഏരിയയിലെ സ്വകാര്യ സ്ഥാപനത്തിൽ സുരക്ഷാ ജീവനക്കാരനായി ജോലി ചെയ്തു വരികയായിരുന്നു…