Day: 2 August 2026

ബെംഗളൂരു: നഗരത്തിലെ ചില പ്രദേശങ്ങളിൽ കാവേരി കുടിവെള്ളത്തിൽ മലിനജലം കലരുന്നത് വ്യാപക പരാതിക്കിടയാക്കിയ പശ്ചാത്തലത്തിൽ, പ്രശ്‌നപരിഹാരത്തിനായി നൂതന സാങ്കേതികവിദ്യ പരീക്ഷണാടിസ്ഥാനത്തിൽ നടപ്പിലാക്കാൻ ബെംഗളൂരു ജലസേചന-മലിനജല ബോർഡ് (ബി.ഡബ്ല്യു.എസ്.എസ്.ബി) തീരുമാനിച്ചു. കൃത്രിമ ബുദ്ധിയും (എ.ഐ) റോബോട്ടിക്സും ഉപയോഗിച്ച് കുടിവെള്ള പൈപ്പ്‌ലൈനുകളിലെ ചോർച്ചയും കേടുപാടുകളും മലിനീകരണവും തുടക്കത്തിൽ തന്നെ കണ്ടെത്തുന്ന പൈലറ്റ് പദ്ധതിക്കാണ് ബോർഡ് തുടക്കമിടുന്നത്. കത്രിഗുപ്പെ, യെലഹങ്ക തുടങ്ങിയ പ്രദേശങ്ങളിൽ കാവേരി കുടിവെള്ള പൈപ്പ് ലൈനിലേക്ക് ഡ്രെയിനേജ് വെള്ളം കലരുന്നത് മൂലം ജനങ്ങൾ കടുത്ത ദുരിതത്തിലായിരുന്നു. ഇത് പരിഹരിക്കുന്നതിന്റെ ഭാഗമായി തെക്കൻ ബെംഗളൂരുവിൽ 18 മാസം…

ബെംഗളൂരു: നഗരത്തിൽ ഏറെ നാളായി നീണ്ടുപോകുന്ന പ്രധാന അടിസ്ഥാന സൗകര്യ വികസന പദ്ധതികളുടെ നിർമ്മാണം അതിവേഗം പൂർത്തിയാക്കാൻ ഗ്രേറ്റർ ബെംഗളൂരു അതോറിറ്റി (GBA) നിർദേശം നൽകി. ഈജിപുര ഫ്ലൈഓവർ, യെലഹങ്ക ഫ്ലൈഓവർ, വിൻഡ് ടണൽ അണ്ടർപാസ്, ഒകാലിപുരം സിഗ്നൽ ഫ്രീ ഇടനാഴി തുടങ്ങിയ വൻകിട പദ്ധതികളുടെ പുരോഗതി നേരിട്ടെത്തി വിലയിരുത്തിയ ശേഷമാണ് ജി.ബി.എ ചീഫ് കമ്മീഷണർ എം. മഹേശ്വർ റാവു ഉദ്യോഗസ്ഥർക്ക് ഈ കർശന നിർദേശം നൽകിയത്. ഈജിപുര ഫ്ലൈഓവറിന്റെ നിർമ്മാണം വേഗത്തിലാക്കും ഈജിപുര ഫ്ലൈഓവർ സ്ഥലം സന്ദർശിച്ച ചീഫ് കമ്മീഷണർ, ഇന്ദിരാനഗർ റാംപിലെ…

ബെംഗളൂരു: ഓൺലൈൻ ഭക്ഷ്യവിതരണ പ്ലാറ്റ്‌ഫോമുകളുടെ ചൂഷണത്തിനെതിരെ ബംഗളൂരുവിൽ വൻ പ്രക്ഷോഭത്തിന് വഴിയൊരുങ്ങുന്നു. നഗരത്തിലെ ഹോട്ടലുടമകൾ നടത്തുന്ന പ്രതിഷേധങ്ങൾക്ക് പിന്തുണ പ്രഖ്യാപിച്ച് പണിമുടക്കാനൊരുങ്ങുകയാണ് ഗിഗ് തൊഴിലാളികൾ (ഡെലിവറി പാർട്ണർമാർ). ഇതോടെ ആപ്പ് അധിഷ്ഠിത ഭക്ഷ്യവിതരണ ശൃംഖല കടുത്ത പ്രതിസന്ധിയിലാകും. കമ്മീഷൻ നിരക്കുകളിലെ വർധനവ്, പ്ലാറ്റ്‌ഫോമുകൾ ഏകപക്ഷീയമായി നടപ്പിലാക്കുന്ന വൻ ഡിസ്‌കൗണ്ടുകൾ, തുക കൈമാറ്റത്തിലെ സുതാര്യതയില്ലായ്മ എന്നിവ ഉയർത്തിക്കാട്ടിയാണ് ഹോട്ടൽ ഉടമകളുടെ സംഘടനകൾ രംഗത്തെത്തിയത്. ഇതിന് പിന്നാലെയാണ് ഡെലിവറി തൊഴിലാളികളും ഇവർക്ക് പിന്തുണയുമായി പണിമുടക്കിലേക്ക് നീങ്ങുന്നത്. പ്ലാറ്റ്‌ഫോം കമ്പനികളുടെ നിലപാടുകൾക്കെതിരെ വ്യാപാരികളും തൊഴിലാളികളും ഒന്നിച്ച് കൈകോർക്കുന്നത് ഭക്ഷ്യവിതരണ…

ബെംഗളൂരു : ബെംഗളൂരു നഗരത്തിലെ റെയിൽവേ പാളങ്ങൾക്ക് സമീപം നിയമവിരുദ്ധമായി മാലിന്യം തള്ളുന്നവർക്കെതിരെ കർശന നടപടിയുമായി കർണാടക സർക്കാരും ദക്ഷിണ പശ്ചിമ റെയിൽവേയും. മാലിന്യപ്രശ്നം പരിഹരിക്കുന്നതിനായി ഗ്രേറ്റർ ബംഗളൂരു അതോറിറ്റിയും (ജി.ബി.എ) റെയിൽവേയും കൈകോർത്ത് സംയുക്ത പരിശോധനകളും കർശന നിയമനടപടികളും നടപ്പിലാക്കാൻ തീരുമാനിച്ചു. കേന്ദ്രമന്ത്രി വി. സോമണ്ണയുടെ അധ്യക്ഷതയിൽ ജി.ബി.എ, റെയിൽവേ ഉദ്യോഗസ്ഥർ പങ്കെടുത്ത കോഓർഡിനേഷൻ യോഗത്തിലാണ് ഈ വിഷയം പ്രധാനമായും ചർച്ച ചെയ്തത്. തുടർന്ന് ബംഗളൂരു വികസന മന്ത്രി കൃഷ്ണ ബൈറെ ഗൗഡയും വിഷയം വിലയിരുത്തുകയും കുറ്റക്കാർക്കെതിരെ ശക്തമായ നടപടിയെടുക്കാൻ അന്തിമ തീരുമാനമെടുക്കുകയുമായിരുന്നു.…

ബെംഗളൂരു: പരിസ്ഥിതി സൗഹൃദപരമായ അടിസ്ഥാന സൗകര്യ വികസനത്തിന്റെ ഭാഗമായി ബെംഗളൂരു ക്രാന്തിവീര സംഗൊള്ളി രായണ്ണ (കെ.എസ്.ആർ) റെയിൽവേ സ്റ്റേഷനിൽ മഴവെള്ള സംഭരണ പദ്ധതി നടപ്പിലാക്കാൻ ഒരുങ്ങി ദക്ഷിണ പശ്ചിമ റെയിൽവേ. ഇതിനായി ദക്ഷിണ പശ്ചിമ റെയിൽവേയും റോട്ടറി ഇന്റർനാഷണൽ ഡിസ്ട്രിക്റ്റ് 3191-ഉം തമ്മിൽ ധാരണാപത്രത്തിൽ (MoU) ഒപ്പുവെച്ചു. പ്രതിവർഷം 75 ലക്ഷം ലിറ്റർ മഴവെള്ളം ശേഖരിക്കാൻ ലക്ഷ്യമിടുന്ന ഈ പദ്ധതിയിലൂടെ വെള്ളത്തിനായുള്ള ചെലവിൽ നിന്ന് വർഷത്തിൽ ഏകദേശം ഒരു കോടി രൂപയോളം ലാഭിക്കാൻ സാധിക്കുമെന്നാണ് പ്രതീക്ഷിക്കുന്നത്. ബെംഗളൂരു ഡിവിഷണൽ റെയിൽവേ മാനേജർ അശുതോഷ് കുമാർ…