ഹൈദരാബാദ്: ഹുസൈൻ സാഗർ തടാകത്തിൽ ചാടി സോഫ്റ്റ്വെയർ എൻജിനീയർ ജീവനൊടുക്കിയ സംഭവത്തിൽ ഭാര്യയ്ക്കെതിരെ ഗുരുതര ആരോപണങ്ങളുമായി കുടുംബം. ഹൈദരാബാദിൽ ജോലി ചെയ്തിരുന്ന സീതാറാം (36) ആണ് മരിച്ചത്. തന്റെ മരണത്തിന് ഉത്തരവാദി ഭാര്യ രേണുകയാണെന്ന് ആരോപിക്കുന്ന 19 പേജുള്ള ആത്മഹത്യാക്കുറിപ്പ് സീതാറാം എഴുതിയിരുന്നതായി കുടുംബം വെളിപ്പെടുത്തി.
രഹസ്യബന്ധങ്ങളും വീഡിയോ പ്രചരണവും കഴിഞ്ഞ ഒന്നര വർഷമായി ഭാര്യയ്ക്ക് മൂന്ന് പുരുഷന്മാരുമായി രഹസ്യബന്ധമുണ്ടായിരുന്നുവെന്ന് സീതാറാമിന്റെ ആത്മഹത്യാക്കുറിപ്പിൽ പറയുന്നു. ഇതിൽ ഒരാൾ ഭാര്യയ്ക്കൊപ്പമുള്ള സ്വകാര്യ നിമിഷങ്ങൾ മൊബൈൽ ഫോണിൽ പകർത്തി. ‘രമണ’ എന്ന പേരുള്ള ഇൻസ്റ്റാഗ്രാം അക്കൗണ്ട് വഴി ഈ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിപ്പിച്ചതായും കുറിപ്പിലുണ്ട്.
മാനസിക തകർച്ച ഭാര്യയുടെ സ്വകാര്യ വീഡിയോകൾ ഇന്റർനെറ്റിൽ കണ്ടതോടെയാണ് ഈ ബന്ധങ്ങളെക്കുറിച്ച് താൻ അറിയുന്നതെന്ന് സീതാറാം വ്യക്തമാക്കുന്നു. ഈ സംഭവങ്ങൾ തന്നെ മാനസികമായി തളർത്തിയെന്നും അപമാനം സഹിക്കവയ്യാതെയാണ് ജീവനൊടുക്കുന്നതെന്നും കുറിപ്പിൽ പറയുന്നു. തന്റെ മരണത്തിന് പൂർണ്ണ ഉത്തരവാദി ഭാര്യയാണെന്നും അദ്ദേഹം എഴുതിയിട്ടുണ്ട്.
സംഭവത്തിൽ കുടുംബത്തിന്റെ പരാതിയുടെ അടിസ്ഥാനത്തിൽ ഹൈദരാബാദ് പോലീസ് അന്വേഷണം ആരംഭിച്ചു. ആത്മഹത്യാക്കുറിപ്പ് പോലീസ് വിശദമായി പരിശോധിച്ചു വരികയാണ്. ദൃശ്യങ്ങൾ പ്രചരിപ്പിച്ച ഇൻസ്റ്റാഗ്രാം അക്കൗണ്ടിനെക്കുറിച്ചും ഇതിൽ ഉൾപ്പെട്ട വ്യക്തികളെക്കുറിച്ചും സൈബർ പോലീസിന്റെ സഹായത്തോടെ അന്വേഷണം പുരോഗമിക്കുന്നു. സീതാറാമിന്റെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
