Day: 12 December 2025

ബെംഗളൂരു : കെംപെഗൗഡ അന്താരാഷ്ട്ര വിമാനത്താവളത്തിൽ യാത്രക്കാരെ കൂട്ടിക്കൊണ്ടുപോകാൻ എത്തുന്ന വാഹനങ്ങൾക്ക് പാർക്കിങ് ഫീസ് ഏർപ്പെടുത്താനുള്ള തീരുമാനം പ്രാബല്യത്തിൽ വന്നു. നിശ്ചിത സമയത്തിൽ കൂടുതൽ സമയം വിമാനപരിസരത്ത് വാഹനം തുടർന്നാലാണ് പാർക്കിങ് ഫീസ് ഏർപ്പെടുത്തുന്നത്. ടെർമിനൽ രണ്ടിൽ വ്യാഴാഴ്ച മുതൽ ഇത് പ്രാബല്യത്തിൽ വന്നു. ടെർമിനൽ ഒന്നിൽ ശനിയാഴ്ച മുതലായിരിക്കും പാർക്കിങ് ഫീസ് ഈടാക്കും.എട്ടിന് നിലവിൽ വരുമെന്നായിരുന്നു നേരത്തേ അറിയിച്ചതെങ്കിലും പിന്നീട് നീട്ടുകയായിരുന്നു. സ്വകാര്യ കാറുകൾക്ക് എട്ട് മിനിറ്റ് വരെ സൗജന്യമാണ്. എട്ട് മിനിറ്റിൽ കൂടിയാൽ 13 മിനിറ്റ് വരെ 150 രൂപയും 13…

‌ബെംഗളൂരു : ലൈംഗികാതിക്രമം നേരിട്ടുവെന്ന് വിദ്യാർഥിനി പരാതിനൽകിയതിനെ തുടർന്ന് അധ്യാപകൻ ജീവനൊടുക്കി. തുമകൂരു ജില്ലയിലെ ചിന്നനഹള്ളി സർക്കാർ സ്കൂളിലെ അധ്യാപകൻ ദേവരാജുവാണ് (56) ജീവനൊടുക്കിയത്. ദേവരാജു പഠിപ്പിച്ചിരുന്ന സ്കൂളിലെ വിദ്യാർഥിനികളിൽ ഒരാളാണ് അദ്ദേഹത്തിനുനേരേ പരാതിപ്പെട്ടത്. വിദ്യാർഥിനി വീട്ടുകാരെ വിവരമറിയിച്ചതിനെത്തുടർന്ന് ഇവർ പോലീസിൽ പരാതിനൽകിയിരുന്നു. കഴിഞ്ഞദിവസം വീടിന് സമീപമുള്ള മരത്തിൽ ദേവരാജുവിനെ തൂങ്ങിമരിച്ചനിലയിൽ കണ്ടെത്തുകയായിരുന്നു.

ബെംഗളൂരു : മദ്യലഹരിയിൽ സുഹൃത്തിനെ തലയ്ക്കടിച്ചു കൊലപ്പെടുത്തിയ ശേഷം മൃതദേഹത്തിനൊപ്പംനിന്ന് സെൽഫി വീഡിയോയെടുത്ത യുവാവ് അറസ്റ്റിൽ. ഹാസൻ ജില്ലയിലെ ദൊഡ്ഡകനാഗലു ഗ്രാമത്തിൽ ഉല്ലാസ് (21) എന്നയാളാണ് സുഹൃത്ത് കീർത്തിയെ കൊലപ്പെടുത്തിയത്. ഉല്ലാസും കീർത്തിയും മറ്റ് സുഹൃത്തുകളും ഒന്നിച്ചാണ്‌ മദ്യപിച്ചത്. ഇതിനിടെ ഇരുവരും തമ്മിൽ തർക്കമാകുകയും ഉല്ലാസ് കല്ലുകൊണ്ട് കീർത്തിയുടെ തലയ്ക്കടിക്കുകയുമായിരുന്നു. കീർത്തി സംഭവസ്ഥലത്തുതന്നെ മരിച്ചു. തുടർന്ന് ഇതിന്റെ ഉത്തരവാദിത്വം ഏറ്റെടുക്കുന്നെന്ന് പറഞ്ഞ് മൃതദേഹത്തിനൊപ്പംനിന്ന് സെൽഫി വീഡിയോ ചിത്രീകരിച്ചു. ഇത് ഓൺലൈനിൽ പ്രചരിപ്പിക്കുകയും ചെയ്തു. സംഭവത്തിൽ കേസെടുത്ത പോലീസ് ഇയാളെ അറസ്റ്റു ചെയ്യുകയായിരുന്നു.