ബെംഗളൂരു: കര്ണാടക നിയമസഭയില് ആർഎസ്എസ് ഗാനം ആലപിച്ച സംഭവത്തില് ക്ഷമ ചോദിച്ച് കർണാടക ഉപ മുഖ്യമന്ത്രി ഡി കെ ശിവകുമാർ.
ഗാനം ആലപിച്ചത് ആർക്കെങ്കിലും ബുദ്ധിമുട്ടുണ്ടാക്കിയിട്ടുണ്ടെങ്കിൽ മാപ്പ് ചോദിക്കുന്നതായും ഡി കെ ശിവകുമാർ. ആർഎസ്എസിനെ പുകഴ്ത്തൽ ആയിരുന്നില്ല തന്റെ ലക്ഷ്യം.
ജനിച്ചപ്പോൾ മുതൽ കോൺഗ്രസുകാരൻ. കോൺഗ്രസുകാരനായി തന്നെ മരിക്കുമെന്നും ശിവകുമാർ പറഞ്ഞു.
ആർഎസ്എസ് ഗാനം ആലപിച്ചതിന് പിന്നാലെ ഡികെ ശിവകുമാറിന് പാർട്ടിയിൽ നിന്ന് തന്നെ വിമർശനം ഉയർന്നിരുന്നു.
ബിജെപിയെ ലക്ഷ്യം വെച്ച് താനൊരു തമാശക്കാണ് ആര്എസ്എസ് ഗാനം ആലപിച്ചതെന്നും എന്നാല് ചിലരത് രാഷ്ട്രീയ നേട്ടങ്ങള്ക്കായി ദുരുപയോഗം ചെയ്യുകയാണെന്നും ശിവകുമാര് മാധ്യമങ്ങളോട് പറഞ്ഞു.
ചിലരിതുവഴി പൊതുജനങ്ങൾക്കിടയിൽ ആശയക്കുഴപ്പം സൃഷ്ടിക്കാനും ശ്രമിച്ചു. ആരുടെയും വികാരങ്ങള് വ്രണപ്പെടുത്താന് തനിക്ക് ഉദ്ദേശ്യമില്ലെന്നും തന്റെ പരാമര്ശങ്ങള് സഹപ്രവര്ത്തകരെ വ്രണപ്പെടുത്തിയെങ്കില് ഖേദം പ്രകടിപ്പിക്കുന്നതായും ശിവകുമാര് പറഞ്ഞു.
