ബെംഗളൂരു: ബെംഗളൂരുവിലെ കുമ്പഗോഡ്, കലാസിപാളയ, രാജരാജേശ്വരി നഗർ എന്നിവിടങ്ങളിലെ സ്കൂളുകൾക്ക് ബോംബ് ഭീഷണി സന്ദേശം ലഭിച്ചു. ഇ-മെയിൽ വഴിയാണ് ഭീഷണി സന്ദേശം ലഭിച്ചത്, ഉടൻ തന്നെ ലോക്കൽ പോലീസ് സ്കൂളുകളിൽ എത്തി പരിശോധന നടത്തി.
വിദ്യാസൗധയുടെ കീഴിലുള്ള സ്ഥാപനങ്ങളിൽ തിങ്കളാഴ്ച ഉച്ചയ്ക്ക് ഒന്നിന് സ്ഫോടനം നടക്കുമെന്നായിരുന്നു ഭീഷണി., ഞായറാഴ്ച രാത്രി 11-ഓടെയാണ് പ്രിൻസിപ്പലിന് അജ്ഞാത ഉറവിടത്തിൽനിന്ന് മെയിൽ സന്ദേശം ലഭിച്ചത്.
ഇതനുസരിച്ചാണ് സ്കൂൾ മാനേജ്മെന്റ് പോലീസിൽ പരാതി നൽകിയത്. പോലീസും ഡോഗ് സ്ക്വാഡും സ്കൂളുകൾ സന്ദർശിച്ച് പരിശോധന നടത്തി.
