പ്രയാഗ്രാജ്: മഹാകുംഭമേളയില് പങ്കെടുക്കുക എന്നത് നിരവധി പേരുടെ ആഗ്രഹമാണ്.
കുംഭമേള അവസാനഘട്ടത്തിലേക്ക് കടക്കുമ്പോള് കുംഭമേളയില് പങ്കെടുക്കാൻ കഴിയാത്തതിന്റെ നിരാശ പങ്കുവയ്ക്കുന്നവർ നിരവധിയാണ്.
കുംഭമേളയില് നേരിട്ട് പങ്കെടുക്കാൻ കഴിയാതിരുന്ന ഭർത്താവിന് പുണ്യം ലഭിക്കുവാനായി വീഡിയോ കോള് ചെയ്ത് സ്മാർട് ഫോണ് ഗംഗയില് മുക്കിയെടുക്കുന്ന പെണ്കുട്ടിയുടെ വീഡിയോയാണ് ഇപ്പോള് ഇൻസ്റ്റയില് വൈറലാകുന്നത്.
ഗംഗയില് ഒറ്റയ്ക്കെത്തുന്ന പെണ്കുട്ടിയാണ് ഭർത്താവിനു വേണ്ടി സ്മാർട് ഫോണിനെ ഗംഗയില് കുളിപ്പിച്ചെടുത്തത്. രസകരമായ കമന്റുകളാണ് വീഡിയോക്ക് താഴെ നിറയുന്നത്.
മൊബൈല് വെള്ളത്തില് വീണു പോയിരുന്നെങ്കില് ഭർത്താവിന് എന്നെന്നേക്കുമായി മോക്ഷം ലഭിച്ചേനെയെന്നാണ് ഒരാള് കുറിച്ചിരിക്കുന്നത്.
