ബെംഗളൂരു: ബൃഹത് ബെംഗളൂരു മഹാനഗര പാലകെ നഗരത്തിലെ അനധികൃത ഒപ്റ്റിക്കൽ ഫൈബർ കേബിൾ (ഒഎഫ്‌സി) കണക്ഷനുകൾ ഏതെല്ലാമാണെന്ന് കണ്ടെത്തണമെന്ന് ഇൻറർനെറ്റ് സേവന ദാതാക്കൾക്ക് (ഐഎസ്പി) നിർദേശം നൽകാൻ നോട്ടീസ് നൽകിയിട്ട് ആറ് മാസം കഴിഞ്ഞു.
എന്നാൽ ഇവ ക്രമപ്പെടുത്താനുള്ള നടപടികളൊന്നും കാണാത്തതിനു പുറമെ താഴ്ന്ന കേബിളുകൾ പൗരന്മാർക്ക് പ്രശ്‌നങ്ങൾ സൃഷ്ടിക്കുന്നത് തുടരുകയാണ്.
ഈ കണക്ഷനുകൾ ക്രമപ്പെടുത്തുന്നതിനായി ബി ബി എം പിയുടെ ഭാഗത്തു നിന്നുള്ള സമഗ്രമായ മാർഗ്ഗനിർദ്ദേശങ്ങളുടെ അഭാവവും ഔദ്യോഗിക നടപടികൾ വൈകുന്നതിന് കാരണമായി.
താഴ്ന്ന ഒഎഫ്‌സികൾ യാത്രക്കാർക്കും കാൽനടയാത്രക്കാർക്കും ഗുരുതരമായ ഭീഷണിയാ ണ് ഉണ്ടാക്കുന്നതെന്ന് മാധ്യമങ്ങളോട് പൗരന്മാർ പറയുന്നു .
കഴിഞ്ഞയാഴ്ച, സർജാപൂർ റോഡിലെ വിപ്രോ കോർപ്പറേറ്റ് ഓഫീസിന് സമീപം തൂക്കിയിട്ടിരുന്ന കേബിൾ സ്‌കൂട്ടറിൻ്റെ ഹാൻഡിൽബാറിൽ കുടുങ്ങി റോഡിലേക്ക് വീണതിനെ തുടർന്ന് 40 കാരിയായ ജയശ്രീ വിയുടെ ഇടതു കൈത്തണ്ടയ്ക്ക് ഒടിവുണ്ടായി.
രാവിലെ 10 മണിയോടെ ജയശ്രീ ഇലക്‌ട്രോണിക് സിറ്റിയിലെ ഓഫീസിലേക്ക് പോകുമ്പോഴായിരുന്നു സംഭവം. അനധികൃത കണക്ഷനുകൾ ക്രമപ്പെടുത്തുന്നതിനുള്ള മാർഗനിർദേശങ്ങൾ രൂപീകരിക്കുകയാണ് മുന്നോട്ടുള്ള വഴിയെന്ന് ബിബിഎംപി ഉദ്യോഗസ്ഥർ പറഞ്ഞു.
പൗരസമിതി ഇതുവരെ, ഒരു അഡ്-ഹോക്ക് പ്രവർത്തന മാതൃകയാണ് പിന്തുടരുന്നത്. താഴ്ന്നുകിടക്കുന്ന കേബിളുകൾ ശ്രദ്ധയിൽപ്പെടുമ്പോൾ അവ നീക്കം ചെയ്യുന്നുണ്ടെന്ന് മഹാദേവപുര സോണിലെ ബിബിഎംപി ചീഫ് എഞ്ചിനീയർ എം ലോകേഷ് പറഞ്ഞു.
“ഐഎസ്‌പികളിൽ നിന്ന് പ്രതികരണമൊന്നും ഇല്ലാത്തതിനാൽ, ഈ കണക്ഷനുകൾ ക്രമപ്പെടുത്താൻ കഴിയില്ലന്നും അഥവാ ഈ കേബിളുകൾ നീക്കം ചെയ്‌താൽ തന്നെ, എല്ലാ ദിവസവും ഇൻ്റർനെറ്റ് ആവശ്യമുള്ളവരെ അസൗകര്യത്തിലാക്കാൻ സാധ്യതയുണ്ട്, എന്നും ബിബിഎംപി ചീഫ് എഞ്ചിനീയർ (OFC) യമുന പറഞ്ഞു.
2023 ഡിസംബർ 20നകം അനധികൃത കണക്ഷനുകൾ പ്രഖ്യാപിക്കണമെന്നാണ് ബിബിഎംപി ഐഎസ്പികളോട് നിർദേശിച്ചിരുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
