ബെംഗളൂരു: നടനും ഫോട്ടോഗ്രാഫറുമായ ഉദയ് ഹുത്തിനഗഡ്ഡെ (61) ബെംഗളൂരുവില് അന്തരിച്ചു. നാഡീസംബന്ധമായ അസുഖത്തെത്തുടര്ന്ന് ഏറെ നാളുകളായി ചികിത്സയിലായിരുന്നു.
ബെംഗളൂരു രാജാജി നഗറിലെ വസതിയിലായിരുന്നു അന്ത്യം. ചിക്കമഗളൂരു ബസരിക്കരെ സ്വദേശിയാണ്.
1987-ല് ‘ആരംഭ’ എന്ന സിനിമയിലൂടെയാണ് അദ്ദേഹത്തിന്റെ വെള്ളിത്തിരയിലേക്കുള്ള പ്രവേശനം. പിന്നീട് രാജ്കുമാര്, വിഷ്ണുവര്ധന്, അനന്ത്നാഗ്, അംബരീഷ് തുടങ്ങിയ കന്നഡ സിനിമയിലെ പ്രതിഭകള്ക്കൊപ്പം അഭിനയിച്ചു. ഉദ്ഭവ, അമൃതബിന്ദു, കര്മ, അഗ്നിപര്വ്വ, ടൈഗര് പ്രഭാകര് തുടങ്ങിയ സിനിമകളില് ശ്രദ്ധേയമായ വേഷങ്ങളാണ് കൈകാര്യം ചെയ്തിരുന്നത്.
ഏതുവേഷവും അനായാസമായി കൈകാര്യം ചെയ്യുന്ന നടനാണ് ഉദയ്. അഭിനയത്തോടൊപ്പം ഫോട്ടോഗ്രാഫറെന്ന നിലയിലും ഏറെ ശ്രദ്ധേയനായിരുന്നു. ബെംഗളൂരുവിലെ രാജാജി നഗറില് പ്രവര്ത്തിച്ചിരുന്ന ഇദ്ദേഹത്തിന്റെ സ്റ്റുഡിയോ പ്രസിദ്ധമാണ്.
ജീവകാരുണ്യ പ്രവര്ത്തനങ്ങളിലും ഉദയ് സജീവമായിരുന്നു. തീരദേശ ജില്ലകള് കേന്ദ്രീകരിച്ച് ഒട്ടേറെ സന്നദ്ധ സേവനപ്രവര്ത്തനങ്ങള്ക്ക് അദ്ദേഹം നേതൃത്വം നല്കിയിട്ടുണ്ട്. ജീവകാരുണ്യ രംഗത്തെ പ്രവര്ത്തനങ്ങള്ക്ക് ഒട്ടേറെ പുരസ്കാരങ്ങളും ഇദ്ദേഹത്തിന് ലഭിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
