ബെംഗളൂരു: ഈസ്റ്റ് ബെംഗളൂരുവിൽ 15 കോടി രൂപ ചെലവ് കണക്കാക്കുന്ന രണ്ട് റെയിൽവേ അടിപ്പാതകളുടെ നിർമ്മാണത്തിന് ബിഎംആർസിഎൽ ധനസഹായം നൽകും. കൂടാതെ ദിന്നൂർ മെയിൻ റോഡിൽ ബ്രുഹത് ബെംഗളൂരു മഹാനഗര പാലികേ (ബിബിഎംപി) മൂന്നാമത്തെ റെയിൽവേ അടിപ്പാതയും നിർമ്മിക്കും. ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) മെട്രോ ലൈനുകൾ നിർമ്മിക്കുന്നത് ഒഴികെയുള്ള നിർമ്മാണ പ്രവർത്തനങ്ങളാണ് നടത്തുന്നത്.
ചീഫ് സെക്രട്ടറി പി രവികുമാറിന്റെ അധ്യക്ഷതയിൽ ചേർന്ന ഉന്നതാധികാര സമിതി യോഗത്തിലാണ് തീരുമാനം. വിവിധ ഏജൻസികൾ തമ്മിലുള്ള ഏകോപനക്കുറവ് മൂലം ഉണ്ടാകുന്ന അഭിപ്രായവ്യത്യാസങ്ങൾ പരിഹരിക്കാൻ യോഗങ്ങൾ പതിവായി വിളിച്ചുകൂട്ടിയിട്ടുണ്ട്. സൗത്ത് വെസ്റ്റേൺ റെയിൽവേ, ബിഎംആർസിഎൽ ധനസഹായം നൽകുന്ന അടിപ്പാതകളുടെ വിശദമായ പ്രോജക്ട് റിപ്പോർട്ട് (ഡിപിആർ) തയ്യാറാക്കിക്കൊണ്ടിരിക്കുകയാണ്. ഒന്ന് ഫ്രേസർ ടൗണിന് സമീപം വരാൻ നിർദ്ദേശിക്കുമ്പോൾ (പോട്ടറി റോഡിനെ നേതാജി റോഡുമായി ബന്ധിപ്പിക്കുന്നു), മറ്റൊന്ന് പോട്ടറി ടൗൺ മെട്രോ സ്റ്റേഷന് സമീപം ആണ് നിർദേശിക്കുന്നത് (നേതാജി റോഡിനെ ബോർ ബാങ്ക് റോഡുമായി ബന്ധിപ്പിക്കുന്നു).
രണ്ട് അടിപ്പാതകളുടെ പ്രവൃത്തി ഉടൻ ആരംഭിക്കുമെന്നും ഡിപിആർ ഏറെക്കുറെ തയ്യാറാണ്. പദ്ധതിക്കാവശ്യമായ തുക ഒരാഴ്ചയ്ക്കുള്ളിൽ നിക്ഷേപിക്കുമെന്നും ബിഎംആർസിഎൽ മാനേജിംഗ് ഡയറക്ടർ അഞ്ജും പർവേസ് പറഞ്ഞു. ദിന്നൂർ മെയിൻ റോഡിൽ നിലവിലുള്ള റെയിൽവേ ലെവൽ ക്രോസിന് പകരം ഒരു റെയിൽവേ അടിപ്പാത കൂടി നിർമിക്കുന്നതിന് കർണാടക റെയിൽവേ ഇൻഫ്രാസ്ട്രക്ചർ ഡെവലപ്മെന്റ് എന്റർപ്രൈസുമായി (കെ-റൈഡ്) ഫണ്ട് പങ്കിടാൻ ബിബിഎംപി സമ്മതിച്ചിട്ടുണ്ട്. എന്നാൽ ഭൂമി ഏറ്റെടുക്കൽ ആവശ്യമായതിനാൽ പദ്ധതിക്ക് കൂടുതൽ സമയമെടുത്തേക്കാം.
റെയിൽവേ ലെവൽ ക്രോസുകൾ ഒഴിവാക്കുന്നതിനുള്ള ഏതൊരു നിക്ഷേപവും സ്വാഗതാർഹമാണെന്ന് നഗരത്തിന്റെ റെയിൽവേ അടിസ്ഥാന സൗകര്യ ആവശ്യകതകളെക്കുറിച്ച് നന്നായി അറിയാവുന്ന സഞ്ജീവ് ദ്യമന്നവർ പറഞ്ഞു. നഗരത്തിലുടനീളം ഇത്തരത്തിലുള്ള 30-ഓളം ക്രോസിംഗുകളാണ് ഉള്ളതെന്നും അവയിൽ ഭൂരിഭാഗവും യശ്വന്ത്പൂർ, ഹൊസൂർ റെയിൽവേ ലൈനിലാണെന്നും ഈ പോയിന്റുകൾ വലിയ ഗതാഗത തടസ്സമായി മാറുന്നതിനാൽ അടിപ്പാതകളോ മേൽപ്പാലങ്ങളോ നിർമ്മിക്കാൻ സംസ്ഥാന സർക്കാരും ബിബിഎംപിയും ഫണ്ട് അനുവദിക്കണമെന്നും അദ്ദേഹം കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
