ബെംഗളൂരു : കർണ്ണാടകയിൽ 161 അടി ഉയരമുള്ള പഞ്ചമുഖി ആഞ്ജനേയ സ്വാമിയുടെ പ്രതിമ അനാച്ഛാദനം ചെയ്ത് മുഖ്യമന്ത്രി ബസവരാജ് ബൊമ്മൈ. കുനിഗൽ താലൂക്കിലെ ബിഡനഗരെയിൽ ബിദനഗരെ ബസവേശ്വര മഠത്തിലാണ് 161 അടി ഉയരമുള്ള പഞ്ചമുഖി ആഞ്ജനേയ സ്വാമി പ്രതിമ സ്ഥാപിച്ചത്. അനാച്ഛാദനം ചെയ്ത് കൊണ്ട് കർണാടക മുഖ്യമന്ത്രി ബസവരാജ് ബൊമ്മൈ സംസ്ഥാനത്തിന് നല്ല നാളുകൾ വരുമെന്ന് പറഞ്ഞു.
മേഖലയിൽ രാമനവമിയുടെ പുണ്യവേളയിൽ നിരവധി പുണ്യകർമ്മങ്ങൾ ഏറ്റെടുക്കുന്നു. വരും ദിവസങ്ങളിൽ ഈ മേഖലയിൽ വൻ വികസനമുണ്ടാകുമെന്നും ബൊമ്മൈ പറഞ്ഞു.
“രാമായണത്തിൽ പരാമർശമുള്ള ഹനുമാന്റെ പ്രത്യേക രൂപമാണ് പഞ്ചമുഖി ആഞ്ജനേയ. ലോകക്ഷേമത്തിനായാണ് ഹനുമാൻ ഈ രൂപം സ്വീകരിച്ചത്. 161 അടി ഉയരമുള്ള പ്രതിമ കർണാടകയിൽ സ്ഥാപിക്കണമെന്നത് ഹനുമാന്റെ ദിവ്യാഭിലാഷമാണ്. ശിൽപികൾ ഒരു അത്ഭുതകരമായ ജോലി ചെയ്തു,” ബൊമ്മൈ യോഗത്തിൽ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
