ബെംഗളൂരു: ആൾമാറാട്ടം നടത്തി സ്കൂൾ അധ്യാപകൻ ആയി ജോലി ചെയ്ത ആൾ 26 വർഷങ്ങൾക്ക് ശേഷം പിടിക്കപ്പെട്ടു. മൈസൂരു ജില്ലയിലെ കെ ആർ നാഗറിലെ ഹെബ്ബാർ നിവാസിയായ ലക്ഷ്മണ ഗൗഡയാണ് പോലീസ് പിടിയിൽ ആയത്.
വർഷങ്ങളോളം തട്ടിപ്പ് നടത്തി വന്ന ഗൗഡ അധ്യാപനത്തിൽ മികച്ച അധ്യാപകനുള്ള അവാർഡും കരസ്ഥമാക്കിയിരുന്നു. മരിച്ചു പോയ സഹോദരന്റെ പേരിലുള്ള ഉത്തരവുമായാണ് ഗൗഡ ജോലിയിൽ പ്രവേശിച്ചത്. വർ ഷങ്ങളോളം പല സ്കൂളുകളിൽ ജോലി ചെയ്തിട്ടും തട്ടിപ്പ് മനസിലാക്കാൻ വിദ്യാഭ്യാസ വകുപ്പിന് സാധിച്ചില്ല.
ഇയാളുടെ മൂത്ത സഹോദരൻ ലോകേഷ് ഗൗഡ ജോലിയിൽ പ്രവേശിക്കാനുള്ള ഉത്തരവ് കിട്ടിയതിനു ശേഷമാണ് മരണപ്പെട്ടത്. തുടർന്ന് സർക്കാർ ജോലി നേടാമായി ലക്ഷ്മണ ഗൗഡ സഹോദരൻ ലോകേഷ് എന്ന വ്യാജേന ജോലിയിൽ പ്രവേശിച്ചു.
തട്ടിപ്പ് പുറത്തറിഞ്ഞതോടെ പോലീസ് ഇയാളെ അറസ്റ്റ് ചെയ്തു.
