ബെംഗളൂരു : സംസ്ഥാനത്തെ പി.യു.കോളേജുകളിൽ തുടർച്ചയായി 21 ദിവസം സൂര്യ നമസ്കാരം നടത്തണമെന്ന് കർണാടക പി.യു.ബോർഡിൻ്റെ ഉത്തരവ്.
ജനുവരി ഒന്ന് മുതൽ ഫെബ്രുവരി 7 വരെയുള്ള പ്രവൃത്തി ദിവസങ്ങളിലെ അസംബ്ലികളിൽ വിദ്യാർത്ഥികൾക്കൊപ്പം അധ്യാപകരും അനധ്യാപകരും പങ്കെടുക്കണമെന്ന നിർദ്ദേശം ഉത്തരവിൽ ഉണ്ട്.
ഈ 21 ദിവസങ്ങളിലായി 273 സൂര്യനമസ്കാരം പൂർത്തിയാക്കുന്നവർക്ക് നാഷണൽ യോഗാസന സ്പോർട്ട്സ് ഫെഡറേഷൻ്റെ സർട്ടിഫിക്കറ്റ് ലഭിക്കും.
റിപ്പബ്ലിക് ദിനത്തിൽ ആഘോഷമായി പശ്ചാത്തല സംഗീതത്തിൻ്റെ അകമ്പടിയോടെ പരിപാടി സംഘടിപ്പിക്കണം.
രാജ്യത്തിൻ്റെ 75 മത് സ്വാതന്ത്ര്യ ദിനാഘോഷത്തിൻ്റെ ഭാഗമായി 75 കോടി സൂര്യനമസ്കാരം ചെയ്യിക്കാനാണ് ഫെഡറേഷൻ ലക്ഷ്യമിടുന്നത്.
ഇതിൽ 30000 വിദ്യാഭ്യാസ സ്ഥാപനങ്ങളിലെ 3 ലക്ഷം വിദ്യാർത്ഥികൾ പങ്കെടുക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
