September 2021 – Page 35 – BengaluruVartha

നഗരത്തിലെ തൊഴിലാളി ക്യാമ്പുകളിൽ സൗജന്യ വാക്‌സിനേഷൻ ആരംഭിച്ചു

ബെംഗളൂരു: ബെംഗളൂരു നഗരത്തിലും അതിന്റെ പരിസര പ്രദേശങ്ങളിലുമായി ഏകദേശം 135 ഓളം തൊഴിലാളി ക്യാമ്പുകളിൽ സംസ്ഥാന തൊഴിൽ വകുപ്പിന്റെ നേതൃത്വത്തിൽ പ്രതിരോധ കുത്തിവെപ്പാരംഭിച്ചു. സംസ്ഥാനത്തെ സ്വകാര്യ ആശുപത്രികളിൽ ഇനിയും ഉപയോഗിക്കാത്ത വാക്സിൻ മേടിച്ചാണ് ഈ തൊഴിലാളി ക്യാമ്പുകളിൽ കുത്തിവെപ്പ് നടത്തുന്നത്. മുഴുവൻ തൊഴിലാളികൾക്കും ഒരു ഡോസ് വാക്സിനെങ്കിലും നൽകുകയെന്നതാണ് പദ്ധതിയുടെ ലക്ഷ്യം.നഗരത്തിലുടനീളമുള്ള പല സർക്കാർ ആശുപത്രികളിലും വാക്സിൻ ക്ഷാമം ഇല്ലാതായതോടെ സ്വകാര്യ ആശുപത്രികളിൽ ഉപയോഗിക്കാതെ വന്ന വാക്‌സിനുകൾ സർക്കാർ ശേഖരിച്ചു തുടങ്ങി.

ആഡംബരത്തിൻ്റെ അവസാനം!ഐഫോണുമായി പിറന്നാൾ കേക്കുമുറിച്ച് എം.എൽ.എയുടെ മകൻ..

5 yearsago സ്വന്തം ലേഖകന്‍

ബെംഗളൂരു: വടിവാൾ ഉപയോഗിച്ച് പിറന്നാൾ കേക്കു മുറിക്കുന്ന ഗുണ്ടകളുടെ വാർത്ത ഇടക്കിടക്ക് പുറത്തു വരാറുണ്ട്, എന്നാൽ ആഡംബരം അധികമായതിനാൽ തൻ്റെ പേരിൻ്റെ അക്ഷരങ്ങൾ എഴുതിയ വ്യത്യസ്തമായ കേക്കുകൾ ഐ.ഫോൺ ഉപയോഗിച്ച് മുറിക്കുന്ന ബി.ജെ.പി. എം.എൽ.എ.യുടെ മകന്റെ ചിത്രമാണ് വൈറലാകുന്നത്. നിരത്തിവെച്ച കേക്കുകൾ ഐ ഫോൺ ഉപയോഗിച്ച് മുറിക്കുന്നതിന്റെ വീഡിയോ സാമൂഹിക മാധ്യമങ്ങളിൽ പ്രചരിക്കുന്നുണ്ട്. എം.എൽ.എ.യുടെ മകന്റെ ആർഭാട ജീവിതത്തിനെതിരെ വിമർശനങ്ങളും വരുന്നുണ്ട്. കൊപ്പാളിലെ കനകഗിരി എം.എൽ.എ. ബസവരാജ് ദാഡെസുഗൂറിന്റെ മകൻ സുരേഷിന്റെ ജന്മദിനാഘോഷത്തിനിടയിലാണ് സംഭവം. അതേ സമയം മകൻ ചെയ്തതിനെ എം.എൽ.എ.ന്യായീകരിച്ചു. മകൻ അധ്വാനിച്ചുണ്ടാക്കിയ…

ബെംഗളൂരു: രാജ്യത്ത് ഭാഷാപരമായി ഏറ്റവും വൈവിധ്യമാർന്ന ജില്ല.

5 yearsago WEB TEAM

ബെംഗളൂരു: രാജ്യത്ത് ഭാഷാപരമായി ഏറ്റവും വൈവിധ്യമാർന്ന ജില്ലയാണ് ബെംഗളൂരു എന്ന് വെളിപ്പെടുത്തൽ. നഗരത്തിന്റെ വളരുന്ന സമ്പദ്‌വ്യവസ്ഥയും സാംസ്കാരിക സഹിഷ്ണുതയും മെച്ചപ്പെട്ട ജീവിതം ആഗ്രഹിക്കുന്ന ആളുകളെ നഗരത്തിലേക്ക് ആകർഷിക്കുന്നതായും ഡാറ്റ വെളിപ്പെടുത്തുന്നു. 2011 ലെ സെൻസസിൽ നിന്ന് ശേഖരിച്ച ഡാറ്റ പ്രകാരം, നഗരത്തിൽ 107 ഷെഡ്യൂൾ ചെയ്തതും ഷെഡ്യൂൾ ചെയ്യാത്തതുമായ ഭാഷകൾ ഉണ്ട്. എന്നാൽ അടിസ്ഥാനസൗകര്യ പ്രശ്‌നങ്ങളാൽ വലയുന്ന സംസ്ഥാന തലസ്ഥാനത്തിന് ഒരു ബദൽ സൃഷ്ടിക്കുന്നതിൽ കർണാടക സർക്കാരിന്റെ കഴിവില്ലായ്മയും ഒരു വിദഗ്ദ്ധൻ ചൂണ്ടിക്കാണിച്ചു. രണ്ടാം സ്ഥാനത്ത് പൂനെ ആണ്. 90 മുതൽ 100 വരെ ഭാഷകൾ ഇവിടെ സംസാരിക്കുന്നു. വടക്കുകിഴക്കൻ സംസ്ഥാനങ്ങളാണ്…

നഗരത്തിൽ വീണ്ടും കോടികളുടെ മയക്കുമരുന്ന് വേട്ട; 2 പേർ അറസ്റ്റിൽ

5 yearsago WEB DESK

ബെംഗളൂരു: നഗരത്തിലെ മയക്കുമരുന്ന് വിതരണക്കാരെ കുറിച്ച് ബെംഗളൂരു സെൻട്രൽ ക്രൈം ബ്രാഞ്ചിലെ ആന്റി നർക്കോട്ടിക്ക് വിഭാഗത്തിനു ലഭിച്ച രഹസ്യ വിവരത്തെത്തുടർന്ന് ഇന്ന് രാവിലെ 2 മയക്കുമരുന്ന് വിതരണം ചെയ്യുന്ന ഇടനിലക്കാരെ അറസ്റ്റ് ചെയ്യുകയും ഏകദേശം 2 കോടിയോളം രൂപയുടെ മയക്കുമരുന്ന് ഇവരിൽ നിന്ന് പിടിച്ചെടുക്കുകയും ചെയ്തു. ബെംഗളൂരു വൈറ്റ്ഫീൽഡ് പട്ടാണ്ടൂരിൽ താമസിക്കുന്ന വികാസ്, ശിവം എന്നിവരാണ് അറസ്റ്റിലായത്. ആവശ്യക്കാരായ ഉപഭോക്താക്കൾക്ക് മയക്കുമരുനുകൾ ഡാർക്ക് വെബ്ബിലൂടെയാണ് ഇവർ ഡോർ ഡെലിവറി ചെയ്തിരുന്നത്. പിടിച്ചെടുത്ത മയക്കുമരുന്നിൽ 150 ഗ്രാം എംഡിഎംഎ (എക്സ്റ്റസി) ഗുളികകൾ, 400 ഗ്രാം ചരസ്,…

സിനിമ താരങ്ങൾക്ക് ലഹരി വസ്തുക്കൾ എത്തിക്കുന്ന ഒരാളെ കൂടി അറസ്റ്റ് ചെയ്തു.

5 yearsago5 yearsago WEB DESK

ബെംഗളൂരു: സംസ്ഥാനത്തെ നിരവധി സിനിമ താരങ്ങൾക്ക് ലഹരി വസ്ത്തുക്കൾ എത്തിക്കുന്ന ഒരാളെക്കൂടി ബെംഗളൂരു സെൻട്രൽ ക്രൈംബ്രാഞ്ച് (സി.സി.ബി) പിടികൂടി. മിക്ക താരങ്ങളും പങ്കെടുക്കാറുള്ള നിരവധി നിശാ പാർട്ടികളിൽ ലഹരി വസ്തുക്കളെത്തിക്കാറുള്ള ഭട്കൽ സ്വദേശി ഷെരീഫ് ഹസൻ മസൂരിയാണ് പോലീസ് പിടിയിലായത്. ഏകദേശം ഒരു വർഷത്തിനു മുകളിലായി പോലീസ് ഇയാൾക്കു വേണ്ടിയുള്ള തിരച്ചിലിലായിരുന്നു. നഗരത്തിലെ കോട്ടൻപേട്ട്, ബാനസവാടി എന്നീ പോലീസ് സ്റ്റേഷനുകളിൽ രജിസ്റ്റർ ചെയ്ത മയക്കുമരുന്ന് കേസുകളിൽ പ്രതിയാണിയാൾ. ഡൽഹിയിൽ ഒളിവിൽ കഴിയുകയായിരുന്ന ഇയാളെ പോലീസിന് ലഭിച്ച രഹസ്യ വിവരത്തെത്തുടർന്നാണ് പിടികൂടിയത്. കോടതിയിൽ ഹാജരാക്കിയ പ്രതിയെ…

നിംഹാൻസ് ആശുപത്രി ജീവനക്കാർ പ്രതിഷേധിച്ചു.

5 yearsago5 yearsago WEB DESK

ബെംഗളൂരു: യാതൊരുവിധ മുന്നറിയിപ്പുമില്ലാതെ ആശുപത്രി ജീവനക്കാരെ പിരിച്ചുവിട്ട നടപടിക്കെതിരെ നിംഹാൻസ് ആശുപതിയിലെ കരാർ ജീവനക്കാർ പ്രതിഷേധിച്ചു. ഏകദേശം 19 ഓളം വരുന്ന ജീവനക്കാരാണ് ഇന്നലെ പ്രതിഷേധിച്ചത്. പ്രതിഷേധത്തിൽ പങ്കെടുത്തതിൽ ഏറിയ പങ്കും വനിതകളാണ്. രാത്രികാല കർഫ്യൂ നിലവിലുള്ളസാഹചര്യത്തിലും ജീവനക്കാരുടെ ജോലിസമയം അവരോടു ആലോചിക്കാതെ രാത്രിവരെ വരെ നീട്ടിയതിലുള്ള ബുദ്ധിമുട്ട് അറിയിച്ച കരാറുകാരുടെ കരാറാണ് റദ്ദാക്കിയതെന്നും ജീവനക്കാർ ആരോപിച്ചു. സ്ത്രീകൾ അടക്കമുള്ള നിരവധി ജീവനക്കാർക്ക് രാത്രിയിൽ അവരുടെ വീടെത്താൻ ഏറെ പ്രയാസം ആണെന്നുള്ള വിവരം അധികൃതരെ അറിയിച്ചിരുന്നതായി ജീവനക്കാർ പറഞ്ഞു. എന്നാൽ യാതൊരുവിധ ചർച്ചകൾക്കും മുതിരാതെ…

കർണാടകയിൽ ഇന്ന് 1220 പേർക്ക് കോവിഡ്; വിശദമായ റിപ്പോർട്ട് ഇവിടെ വായിക്കാം

5 yearsago WEB DESK

ബെംഗളൂരു: സംസ്ഥാന ആരോഗ്യ വകുപ്പ് പുറത്തിറക്കിയ ബുള്ളറ്റിന്‍ പ്രകാരം സംസ്ഥാനത്ത് ഇന്ന് 1220 കോവിഡ് കേസുകൾ റിപ്പോർട്ട് ചെയ്തു. 1175 പേരെ ഡിസ്ചാര്‍ജ് ചെയ്തു. ടെസ്റ്റ്‌ പോസിറ്റീവിറ്റി 0.68%. കൂടുതൽ വിവരങ്ങള്‍ താഴെ. കര്‍ണാടക : ഇന്ന് ഡിസ്ചാര്‍ജ് : 1175 ആകെ ഡിസ്ചാര്‍ജ് : 2897254 ഇന്നത്തെ കേസുകള്‍ : 1220 ആകെ ആക്റ്റീവ് കേസുകള്‍ : 18404 ഇന്ന് കോവിഡ് മരണം : 19 ആകെ കോവിഡ് മരണം : 37380 ആകെ പോസിറ്റീവ് കേസുകള്‍ : 2953064 ഇന്നത്തെ പരിശോധനകൾ…

ബെംഗളൂരു മെട്രോ: കെങ്കേരിയിലെ ഭൂമി പ്രശ്നം ചല്ലഘട്ടയ്ക്ക് അനുഗ്രഹമായി.

5 yearsago WEB TEAM

ബെംഗളൂരു: രണ്ടാം ഘട്ട നമ്മ മെട്രോ വിപുലീകരണ പദ്ധതിയുടെ ഭാഗമാക്കാൻ തുടക്കത്തിൽ ഒരിക്കലും ഉദ്ദേശിച്ചിട്ടില്ലായിരുന്ന, പശ്ചിമ ബെംഗളൂരുവിലെ ചല്ലഘട്ടയിൽ ഒടുവിൽ മെട്രോ എത്തുന്നു. കെങ്കേരി സാറ്റലൈറ്റ് ബസ് സ്റ്റാൻഡിന് സമീപമുള്ള ഭൂമി ഏറ്റെടുക്കൽ പ്രശ്നങ്ങൾ കാരണം, ചല്ലഘട്ടയ്ക്ക് സമീപമാണ് ഇപ്പോൾ ഡിപ്പോ നിർമ്മിക്കുന്നത്. “2011 സെപ്റ്റംബറിൽ ഞങ്ങൾ വിശദമായ പ്രോജക്ട് റിപ്പോർട്ട് (ഡിപിആർ) തയ്യാറാക്കിയപ്പോൾ, കെങ്കേരി സാറ്റലൈറ്റ് ബസ് സ്റ്റാൻഡിന് സമീപത്താണ് ഡിപ്പോ ആസൂത്രണം ചെയ്തത്. എന്നിരുന്നാലും, പിന്നീട് ഈ പ്രദേശം വിലയിരുത്തിയപ്പോൾ, മലിനജല ശുദ്ധീകരണ പ്ലാന്റ് സ്ഥാപിക്കുന്നതിനായി ബാംഗ്ലൂർ ജലവിതരണ, മലിനജല ബോർഡ് (BWSSB) ഭൂമി ഏറ്റെടുത്തതായി ഞങ്ങൾ കണ്ടെത്തി,“ എന്ന് ഒരു മുതിർന്ന മെട്രോ ഉദ്യോഗസ്ഥൻ പറഞ്ഞു.…

കേരളത്തിൽ ഇന്ന് 29,322 പേര്‍ക്ക് കോവിഡ്-19 സ്ഥിരീകരിച്ചു; 22,938 പേര്‍ രോഗമുക്തി നേടി

5 yearsago WEB DESK

തിരുവനന്തപുരം: കേരളത്തിൽ ഇന്ന് 29,322 പേര്‍ക്ക് കോവിഡ്-19 സ്ഥിരീകരിച്ചു. തൃശൂര്‍ 3530, എറണാകുളം 3435, കോഴിക്കോട് 3344, കൊല്ലം 2957, മലപ്പുറം 2736, പാലക്കാട് 2545, ആലപ്പുഴ 2086, തിരുവനന്തപുരം 1878, കോട്ടയം 1805, കണ്ണൂര്‍ 1490, പത്തനംതിട്ട 1078, വയനാട് 1003, ഇടുക്കി 961, കാസര്‍ഗോഡ് 474 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,63,691 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 17.91 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി.…

2025 ഓടെ ക്ഷയരോഗം ഇല്ലാതാക്കുന്നതിൽ സംസ്ഥാനം പ്രതിജ്ഞാബദ്ധമാണ്

5 yearsago WEB TEAM

ബെംഗളൂരു: കോവിഡ് 19 അണുബാധയിൽ സുഖം പ്രാപിച്ച 29 ലക്ഷത്തിലധികം ആളുകൾക്കും അവരുടെ കുടുംബാംഗങ്ങൾക്കുമിടയിൽ സജീവമായ ക്ഷയരോഗബാധിതരെ കണ്ടെത്തുന്നതിനുള്ള ആദ്യ പ്രചാരണം ആരംഭിച്ച സംസ്ഥാനമാണ് കർണാടക. ഇതുവരെ, ഏകദേശം 7 ലക്ഷം ആളുകളെ പരിശോധിക്കുകയും 157 സജീവ ക്ഷയരോഗ കേസുകൾ റിപ്പോർട്ട് ചെയ്യുകയും ചെയ്തിട്ടുണ്ടെന്ന് ആരോഗ്യ, മെഡിക്കൽ വിദ്യാഭ്യാസ മന്ത്രി ഡോ. സുധാകർ വ്യാഴാഴ്ച പറഞ്ഞു. ക്ഷയരോഗത്തിനെതിരായ പോരാട്ടത്തിലെ പുരോഗതി അവലോകനം ചെയ്യുന്നതിനായി എല്ലാ സംസ്ഥാന ആരോഗ്യ മന്ത്രിമാരുമായും കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ നടത്തിയ വീഡിയോ കോൺഫറൻസിൽ പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. 2025 ഓടെ ക്ഷയരഹിത ഇന്ത്യയെക്കുറിച്ചുള്ള പ്രധാനമന്ത്രി നരേന്ദ്ര മോദിയുടെ…