ബെംഗളൂരു : നഗരത്തിൽ ഒരു നഴ്സിംഗ് കോളേജ് കൂടി കോവിഡ് ക്ലസ്റ്ററായി മാറി, തുടർന്ന് ഇവിടെ കണ്ടെയിൻമെൻ്റ് സോൺ ആയി പ്രഖ്യാപിച്ചു.
ചിക്കബാന വാരയിലെ ധന്വന്തരി നഴ്സിംഗ് കോളേജിലെ 3 അധ്യാപകർക്കും 21 വിദ്യാർത്ഥികൾക്കുമാണ് കോവിഡ് സ്ഥിരീകരിച്ചത്.
ഏതാനും ദിവസങ്ങൾക്ക് മുൻപ് ഹൊറമാവു ക്രിസ്ത്യൻ കോളേജ് ഓഫ് നഴ്സിംഗിലെ 34 വിദ്യാർത്ഥികൾക്ക് കോവിഡ് പിടിപെട്ടിരുന്നു.
ഇവരുമായുള്ള സമ്പർക്കത്തിലൂടെയാണ് ധന്വന്തരി കോളേജിലെ വിദ്യാർത്ഥികൾക്കും കോവിഡ് ബാധിച്ചത് എന്നാണ് ബി.ബി.എം.പി.ദാസറഹള്ളി സോൺ അധികൃതർ പറയുന്നത്.
അധ്യാപകരെ ഹോം ക്വാറൻറീനിലേക്കും വിദ്യാർത്ഥികളെ കോവിഡ് കെയർ സെൻ്ററുകളിലേക്കും മാറ്റിയിട്ടുണ്ട്.
ഈ കോളേജിലെ 90% പേരും കോവിഡ് വാക്സിൻ്റെ ആദ്യ ഡോസ് സ്വീകരിച്ചവരാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
