Day: 1 September 2019

ബെംഗളൂരു: സാമ്പത്തിക പ്രതിസന്ധിയെത്തുടർന്ന് ആത്മഹത്യചെയ്ത ഉടമ വി.ജി. സിദ്ധാർഥയുടെ കത്തിനെക്കുറിച്ച് ‘കഫേ കോഫി ഡേ’ കമ്പനി അന്വേഷിക്കും. ഇതിനായി സി.ബി.ഐ. മുൻ ഡി.ഐ.ജി. അശോക് കുമാർ മൽഹോത്രയെ നിയോഗിച്ചു. സിദ്ധാർഥയുടെ കത്തിൽ സാമ്പത്തികബുദ്ധിമുട്ടിനെക്കുറിച്ചും ആദായനികുതി റെയ്ഡിനെക്കുറിച്ചും പരാമർശിച്ചിരുന്നു. കമ്പനിയുടെ സാമ്പത്തിക ഇടപാടുകളെക്കുറിച്ച് അന്വേഷിക്കാൻ നേരത്തേ രാജ്യാന്തര കമ്പനിയെ ഏൽപ്പിച്ചിരുന്നു. ഇതൊഴിവാക്കിയാണ്, സി.ബി.ഐ.യിലിരിക്കെ നിരവധി സാമ്പത്തികകുറ്റകൃത്യങ്ങൾ അന്വേഷിച്ച മുൻ ഉദ്യോഗസ്ഥനെ കമ്പനി അന്വേഷണച്ചുമതല ഏൽപ്പിച്ചത്. ജൂലായ് 31-നാണ് സിദ്ധാർഥയെ പുഴയിൽ ചാടിമരിച്ചനിലയിൽ കണ്ടെത്തിയത്. സിദ്ധാർഥയെ കാണാതായതിന് പിന്നാലെയാണ് കത്ത് പുറത്തായത്. കമ്പനി ഡയറക്ടർബോർഡ് അറിയാതെ ചില സാമ്പത്തിക…

ബെംഗളൂരു: സംസ്ഥാനത്ത് ഗുല്‍ബര്‍ഗയില്‍ ഡിഫ്തീരിയ രോഗലക്ഷണങ്ങളോടെ 21 വിദ്യാർത്ഥികളെ ആശുപത്രിയില്‍ പ്രവേശിപ്പിച്ചു. ഗുല്‍ബര്‍ഗ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലെ വിദ്യാര്‍ത്ഥികളെയാണ് ആശുപത്രിയില്‍ പ്രവേശിപ്പിച്ചിരിക്കുന്നത്. ഹോസ്റ്റലില്‍ താമസിക്കുന്ന പെണ്‍കുട്ടികളാണ് ഇവര്‍. വിദ്യാര്‍ത്ഥികള്‍ക്ക് ചികിത്സ ആരംഭിച്ചെന്നും ഹോസ്റ്റലില്‍ താമസിക്കുന്ന 110 വിദ്യാര്‍ഥികളെയും 30 ജീവനക്കാരെയും പരിശോധിച്ചെന്നും ഡോക്ടര്‍മാര്‍ അറിയിച്ചു.

ബെംഗളൂരു:കർണാടക മുഖ്യമന്ത്രി ബി. എസ്. യെദ്യൂരപ്പ വൈരാഗ്യ രാഷ്ട്രീയത്തിന് വിത്തിട്ടതായി കോൺഗ്രസ് നേതാവും മുൻ മന്ത്രിയുമായ ഡി. കെ. ശിവകുമാർ. സഖ്യസർക്കാർ കൊണ്ടുവന്ന പദ്ധതികൾ വൈരാഗ്യ ബുദ്ധിയോടെ മുഖ്യമന്ത്രി റദ്ദാക്കുകയാണ്. ഇതിൽനിന്ന് പിൻമാറിയില്ലെങ്കിൽ ശക്തമായ പ്രതിഷേധം സംഘടിപ്പിക്കുമെന്നും ശിവകുമാർ പറഞ്ഞു. ‘ എന്റെ അടുത്ത സുഹൃത്താണ് യെദ്യൂരപ്പ. മുഖ്യമന്ത്രിയായ അദ്ദേഹത്തെ അഭിനന്ദിക്കുന്നു’ ശിവകുമാർ പറഞ്ഞു. യെദ്യൂരപ്പ വൈരാഗ്യത്തോടെ പെരുമാറുമെന്ന് പ്രതീക്ഷിച്ചിരുന്നില്ല. തനിക്കെതിരേയുള്ള നീക്കങ്ങളെ നേരിടാൻ കഴിയുമെന്നും അദ്ദേഹം പറഞ്ഞു. വിവരമറിഞ്ഞ് സദാശിവ നഗറിലെ വീട്ടിൽ തടിച്ചുകൂടിയ പ്രവർത്തകരുമായി ശിവകുമാർ സംസാരിച്ചു. രാവിലെ മുതൽ അനുയായികൾ…

ബെംഗളൂരു:പ്രധാനമന്ത്രി നരേന്ദ്രമോദി സെപ്റ്റംബർ ഏഴിന് ബെംഗളൂരുവിലെത്തും. രാജ്യത്തിന്റെ രണ്ടാമത്തെ ചന്ദ്രപര്യവേഷണ ദൗത്യമായ ചന്ദ്രയാൻ-2 ചന്ദ്രന്റെ ഉപരിതലത്തിൽ ഇറങ്ങുന്നതിന് സാക്ഷ്യം വഹിക്കാനായാണ് ബെംഗളൂരുവിലെത്തുന്നത്. കർണാടകത്തിലെ മഴക്കെടുതിയും വിലയിരുത്തും. കനത്ത മഴയിലും മണ്ണിടിച്ചിലിലും 30000 കോടിയുടെ നഷ്ടമുണ്ടായെന്നാണ് കണക്ക്. മഴക്കെടുതി പ്രധാനമന്ത്രിയുടെ ശ്രദ്ധയിൽപ്പെടുത്തുമെന്ന് മുഖ്യമന്ത്രി ബി. എസ്. യെദ്യൂരപ്പ പറഞ്ഞു. ദുരിതബാധിത പ്രദേശങ്ങൾ പ്രധാനമന്ത്രി സന്ദർശിക്കണമെന്നും അടിയന്തര സഹായമായി 5000 കോടി അനുവദിക്കണമെന്നും കോൺഗ്രസ് ആവശ്യപ്പെട്ടു.