Day: 5 April 2019

ബെംഗളൂരു : സൂപ്പര്‍ താര പോരാട്ടം നടക്കുന്ന മണ്ഡ്യയിൽ ബി.ജെ.പി പിന്തുണയോടെ മത്സരിക്കുന്ന സ്വതന്ത്ര സ്ഥാനാര്‍ഥിക്ക് പിന്തുണയുമായി മൈസുരു വോഡയാര്‍ രാജകുടുംബത്തിലെ നിലവിലെ കിരീടാവകാശി യദുവീര്‍ കൃഷ്ണദത്ത ചാമരാജ വോഡയാര്‍. സുമലതയുടെ ഭര്‍ത്താവും മുന്‍ മന്ത്രിയും നടനും ആയിരുന്ന അന്തരിച്ച അംബരീഷുമായി അടുത്ത ബന്ധമാണ് വോഡയാര്‍ കുടുംബത്തില്‍ ഉള്ളത്.എന്നാല്‍ പരസ്യ പ്രചാരണത്തിന് പോകില്ല.മണ്ഡലത്തില്‍ ഉചിതമായ സ്ഥാനാര്‍ഥിയെ വിജയിപ്പിക്കും എന്നാണ് താന്‍ കരുതുന്നത് എന്നും അദ്ദേഹം പറഞ്ഞു. സൂപ്പര്‍ താരങ്ങള്‍ ആയ ദര്‍ശനും യഷും മുന്‍പ് തന്നെ സുമലതക്ക് പിന്തുണ പ്രഖ്യാപിക്കുകയും പ്രചാരണ പരിപാടികളില്‍ പങ്കെടുക്കുകയും ചെയ്തിരുന്നു.

ബെംഗളൂരു: വോട്ടർമാരുടെ എണ്ണത്തിൽ ദക്ഷിണേന്ത്യയിൽ കൂടുതൽ വർധനവുണ്ടായത് കർണാടകയിൽ. 1999 മുതൽ 2014-വരെയുള്ള കാലയളവിൽ കർണാടകത്തിൽ വോട്ടർമാരുടെ എണ്ണത്തിൽ 35 ശതമാനം വർധനവുണ്ടായി. വോട്ടർമാരുടെ എണ്ണം 1999-ൽ 3. 42 കോടിയായിരുന്നു. 2014-ൽ ഇത് 4. 62കോടിയായി വർധിച്ചു. രണ്ടാം സ്ഥാനത്തുള്ള ആന്ധ്രയിൽ ഈ കാലയളവിൽ വോട്ടർമാരുടെ എണ്ണത്തിൽ 30 ശതമാനം വർധനവുണ്ടായി. തമിഴ്‌നാട്ടിലെ വർധന 15 ശതമാനവും കേരളത്തിൽ 10 ശതമാനവുമാണ് . 15 വർഷത്തിനുള്ളിൽ രാജ്യത്ത് വോട്ടർമാരുടെ എണ്ണത്തിലുണ്ടായ ശരാശരി വർധന 34 ശതമാനമാണ്. എന്നാൽ തിരഞ്ഞെടുപ്പ് ചെലവിലുണ്ടായ വർധന 308 ശതമാനമാണ്.…

ബെംഗളൂരു : കഴിഞ്ഞ ദിവസം രാത്രി മജെസ്റ്റിക് ബസ് ടെര്‍മിനലില്‍ ബസ് നിര്‍ത്തിയതിനു ശേഷം നോക്കുമ്പോള്‍ ഒരാള്‍ സമീപത്ത് മൂത്രമൊഴിക്കുന്നത് കണ്ടു,ഇത് ചോദ്യം ചെയ്ത ബി.എം.ടി.സി കണ്ടക്ടര്‍ ജയണ്ണ,ഡ്രൈവര്‍ സുരേഷ് മൂര്‍ത്തി എന്നിവരെ മൂന്നംഗ സംഘം അക്രമിക്കുകയായിരുന്നു. രണ്ടു പേരെയും പരിക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു,പോലീസില്‍ പരാതി നല്‍കി.