തിരുവനന്തപുരം: വാഹനാപകടത്തില് പരിക്കേറ്റ് ചികിത്സയിലായിരുന്ന വയലിനിസ്റ്റ് ബാലഭാസ്കര്(40)അന്തരിച്ചു. ഹൃദയസ്തംഭനത്തെ തുടര്ന്ന് തിങ്കളാഴ്ച രാത്രി 12.50 ഓടെ തിരുവനന്തപുരത്ത് സ്വകാര്യ ആശുപത്രിയിലായിരുന്നു അന്ത്യം.
കഴിഞ്ഞ ചൊവ്വാഴ്ച പുലര്ച്ചെയായിരുന്നു തിരുവനന്തപുരം പള്ളിപ്പുറത്തുവെച്ച് ബാലഭാസ്കറും കുടുംബവും സഞ്ചരിച്ചിരുന്ന വാഹനം അപകടത്തില്പ്പെട്ടത്. തൃശ്ശൂരില് ക്ഷേത്രദര്ശനത്തിനു ശേഷം മടങ്ങുന്ന വഴിയായിരുന്നു അപകടം.
രണ്ടുവയസ്സുകാരി മകള് തേജസ്വിനിബാലയെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ബാലഭാസ്കര്, ഭാര്യ ലക്ഷ്മി, ഡ്രൈവര് അര്ജുന് എന്നിവരെ ഗുരുതരമായ പരിക്കുകളോടെ ആശുപത്രിയിലെത്തിക്കുകയായിരുന്നു. ലക്ഷ്മി ഇപ്പോഴും ചികിത്സയില് തുടരുകയാണ്.
നിയന്ത്രണം വിട്ട കാര് വഴിയരികിലെ മരത്തിൽ ഇടിച്ചായിരുന്നു അപകടമുണ്ടായത്. മുന്സീറ്റിലായിരുന്നു മകളും ബാലഭാസ്കറും ഇരുന്നിരുന്നത്. വാഹനത്തിന്റെ മുന്ഭാഗം അപകടത്തില് പൂര്ണമായി തകര്ന്നിരുന്നു.
സഹപാഠികളായിരുന്ന ബാലഭാസ്കറും ലക്ഷ്മിയും 2000ലാണ് വിവാഹിതരായത്. പതിനാറു വര്ഷത്തെ കാത്തിരിപ്പിനു ശേഷമാണ് ഇവര്ക്ക് തേജസ്വിനി പിറന്നത്. തേജസ്വനിയുടെ പേരിലുള്ള വഴിപാട് നടത്താനായിരുന്നു ഇവര് തൃശ്ശൂരിലേക്ക് പോയത്.
ഫ്യൂഷന് സംഗീതപരിപാടികളിലൂടെ ചെറുപ്രായത്തില് തന്നെ ശ്രദ്ധേയനായ ബാലഭാസ്കര് ചലച്ചിത്രങ്ങള്ക്കും ആല്ബങ്ങള്ക്കും സംഗീതസംവിധാനവും നിര്വഹിച്ചിട്ടുണ്ട്. കേന്ദ്ര സാഹിത്യ അക്കാദമിയുടെ ബിസ്മില്ല ഖാന് യുവ സംഗീത്കാര് പുരസ്കാര് 2008ല് ഇദ്ദേഹത്തിന് ലഭിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
