യൂറോപ്യന് ടീമായ പോളണ്ട് ആഫ്രിക്കയില് നിന്നുള്ള സെനഗലിനോട് ഒന്നിനെതിരേ രണ്ടു ഗോളുകള്ക്ക് തോറ്റു. ഗ്രൂപ്പിലെ ആദ്യ മത്സരത്തിൽ കൊളംബിയയ്ക്കെതിരേ ജപ്പാൻ നേടിയ ആവേശ ജയത്തിന്റെ ചുവട് പിടിച്ച് സെനഗലും തകർത്തുകളിച്ചതോടെ പോളണ്ട് 2-1നു തോറ്റു.
റഷ്യൻ ലോകകപ്പിൽ ജയിക്കുന്ന ആദ്യത്തെ ആഫ്രിക്കൻ ടീമാണ് സെനഗൽ. 2002 ലോകകപ്പിൽ ഫ്രാൻസിനെ തോൽപ്പിച്ചുകൊണ്ട് ആദ്യ മത്സരം തുടങ്ങിയ സെനഗൽ അന്ന് ക്വാർട്ടർ വരെയെത്തി. അതിനുശേഷം ഇത്തവണയാണ് സെനഗൽ ലോകകപ്പിന് എത്തുന്നത്. 2002 സെനഗലിനെ ക്വാർട്ടർ വരെ നയിച്ച അലിയോ സിസെയാണ് സെനഗൽ ടീമിന്റെ പരിശീലകൻ. ആഫ്രിക്കൻ ടീമിന്റെ രണ്ടാം ഗോളിൽ വിവാദമുണ്ടായിരുന്നു.
ആദ്യം പിറന്നത് ഒരു സെല്ഫ് ഗോളായിരുന്നു. തിയോഗോ ക്ലോനെക്കിന്റെ ഡിഫ്ളക്ഷനില് 37ാം മിനിറ്റില് തന്നെ സെനഗല് ഒരു ഗോളിന് മുന്നിലെത്തി. 61ാം മിനിറ്റില് എംബായെ നിയാങിലൂടെ ലീഡ് സെനഗല് രണ്ടായി ഉയര്ത്തി.പോളണ്ട് പ്രതിരോധത്തില് വന്ന പിഴവുകളില് നിന്നു തന്നെയായിരുന്നു രണ്ടു ഗോളുകളും പിറന്നത്. കാമില് ഗ്രോസിക്കിയുടെ ഫ്രീകിക്കില് ക്രെയ്ച്ചോവിയാക്കിന്റെ ഹെഡ്ഡറില് നിന്നായിരുന്നു പോളണ്ടിന്റെ ആശ്വാസഗോള്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
