ബെംഗലൂരു : കാമുകന്റെ വഞ്ചനയില്‍ മാസം തികയാതെ പ്രസവിച്ച കൌമാരക്കാരിയെ ഉടന്‍ ആശുപത്രിയില്‍ പ്രവേശിപ്പിച്ചെങ്കിലും കുഞ്ഞിനു ദാരുണാന്ത്യം ..യെലഹങ്ക വിദ്യാരണ്യ പുര സ്വദേശിയായ പെണ്‍കുട്ടിയെയാണ് ഗുരുതരാവസ്ഥയില്‍ വെള്ളിയാഴ്ച ഉച്ചയോടെ വീട്ടിലെ കുളി മുറിയില്‍ പ്രസവിച്ച നിലയില്‍ കണ്ടെത്തിയത്… രക്തം വാര്‍ന്നു അവശ നിലയിലായ പത്തൊന്‍പതുകാരിയെ സഹോദരിയാണ് ഉടന്‍ ആശുപത്രിയില്‍ എത്തിച്ചത് ..എന്നാല്‍ പൂര്‍ണ്ണവളര്‍ച്ചയെത്തിയിട്ടില്ലാത്ത കുഞ്ഞു ആശുപത്രിയിലെത്തിക്കുന്നതിന് മുന്‍പേ മരണപ്പെട്ടു ..!
ഇരുവരുടെയും മാതാപിതാക്കള്‍ രണ്ടു വര്ഷം മുന്‍പേ മരിച്ചിരുന്നു ..തുടര്‍ന്ന് വീട്ടു ജോലിയെടുത്താണ് രണ്ടും പേരും കഴിഞ്ഞിരുന്നത് ..പോലീസിന്റെ അന്വേഷണത്തില്‍ കുട്ടി മുന്പ് ജോലി ചെയ്തിരുന്ന വീട്ടിലെ ഡ്രൈവര്‍ ജോലി ചെയ്തിരുന്ന യുവാവുമായി അടുപ്പത്തിലായിരുന്നു..ശേഷം പെണ്‍കുട്ടി ഗര്‍ഭിണിയാവുകയും ചെയ്തു …ഇതോടെ വിവാഹാഭ്യര്‍ഥന നടത്തി കൃതൃമ പ്രണയം നടിച്ച യുവാവിന്റെ മട്ടു മാറി ..അബോര്‍ഷനു നിരന്തരമായി അയാള്‍ പ്രേരിപ്പിച്ചു കൊണ്ടിരുന്നു ..എന്നാല്‍ സംഭവത്തിന്റെ ഗൌരവത്തെകുറിച്ച് അഞ്ജയായിരുന്നതും കൊണ്ടും ഭയം നിമിത്തവും കൊണ്ട് അവള്‍ രഹസ്യമായി ദിവസങ്ങള്‍ തള്ളി നീക്കുകയായിരുന്നു ..
യാതൊരു മുന്നറിയിപ്പുമില്ലാതെ മൊബൈല്‍ സ്വിച്ച് ഓഫ്‌ ചെയ്ത് സ്ഥലം കാലിയാക്കിയ അയാളെ കുറിച്ച് പെണ്‍കുട്ടിക്ക് കൂടുതല്‍ വിവരങ്ങള്‍ അറിയില്ല എന്നാണ് പോലീസ് പറയുന്നത് …മൊബൈല്‍ നമ്പര്‍ ഉപയോഗിച്ച് ആളെ കസ്റ്റഡിയിലെടുക്കാമെന്നു തന്നെയുറച്ചാണ് പോലീസ് നീങ്ങുന്നത് ..അന്വേഷണത്തില്‍ യുവാവ് ഹുബ്ലി സ്വദേശിയാണെന്ന് വിവരം ലഭിച്ചിട്ടുണ്ട് …
ഗര്‍ഭിണിയാണെന്ന വസ്തുത സഹോദരിയോടടക്കം മറച്ചു വെച്ച പെണ്‍കുട്ടി, ഇടയ്ക്ക് ഒരു തവണ വീട്ടില്‍ വെച്ച് ആത്മഹത്യ പ്രവണത കാട്ടിയിരുന്നുവെന്ന് മൊഴിയില്‍ പറയുന്നുണ്ട് ….
