Month: April 2018

ന്യൂഡല്‍ഹി: കാശ്മീരിലെ കത്വയില്‍ എട്ടുവയസുകാരി ക്രൂരബലാത്സംഗത്തിനിരയായി കൊല്ലപ്പെട്ട സംഭവത്തില്‍ രാജ്യമെങ്ങും പ്രതിഷേധം അലയടിക്കവേ കൊല്ലപ്പെട്ട കുട്ടിയ്ക്ക് നീതി ലഭിക്കണമെന്നാവശ്യപ്പെട്ട് എഐഎസ്എഫ് നേതാവ് കനയ്യകുമാര്‍ രംഗത്തെത്തി. ക്രൂരമായി പീഡിപ്പിച്ച പ്രതികളെ സംരക്ഷിക്കാന്‍ ദേശീയപതാകയേന്തി പ്രതിഷേധിച്ച ബിജെപി നേതാക്കന്മാര്‍ക്കെതിരെ കടുത്ത വിമര്‍ശനമാണ് കനയ്യകുമാര്‍ ഉയര്‍ത്തുന്നത്. പെണ്‍കുട്ടികളെ ആക്രമിക്കുന്നവരേയും ത്രിവര്‍ണ പതാകയുടെ മറവില്‍ സംരക്ഷിക്കാന്‍ ശ്രമിക്കുന്നവരേയും കര്‍ശനമായി ശിക്ഷിക്കണമെന്ന്‍ അദ്ദേഹം ആവശ്യപ്പെടുന്നു. രാജ്യത്ത് വേരുപിടിക്കുന്ന വെറുപ്പിന്‍റെ രാഷ്ട്രീയത്തെ തുടച്ചു നീക്കി പെണ്‍കുട്ടികള്‍ക്ക് നീതി ഉറപ്പാക്കണമെന്നും അദ്ദേഹം കൂട്ടിച്ചേര്‍ത്തു.

ഷാജാപൂര്‍ (മധ്യപ്രദേശ്): രണ്ടായിരം രൂപ നോട്ടുകള്‍ വിപണിയില്‍ നിന്ന് അപ്രത്യക്ഷമാകുന്നതായി മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍. സംഭവത്തിന് പിന്നില്‍ ഗൂഢാലോചനയുണ്ടെന്നും ഇക്കാര്യം കേന്ദ്രത്തെ അറിയിക്കുമെന്നും അദ്ദേഹം പറഞ്ഞു. ഷാജാപൂരില്‍ കര്‍ഷകരുടെ ഒരു പരിപാടിയില്‍ പങ്കെടുത്ത് സംസാരിക്കുകയായിരുന്നു  ശിവരാജ് സിംഗ് ചൗഹാന്‍. നോട്ടുനിരോധനത്തിന് മുന്‍പ് 15,00,000 കോടി മൂല്യമുള്ള കറന്‍സി വിപണിയിലുണ്ടായിരുന്നു. നോട്ടുനിരോധനത്തിന് ശേഷം ഇത് 16,50,000 കോടിയായി ഉയര്‍ന്നു. എന്നാല്‍ പുതുതായി ഇറക്കിയ രണ്ടായിരം നോട്ട് വിപണിയില്‍ നിന്ന് അപ്രത്യക്ഷമാകുന്നതായി അദ്ദേഹം ചൂണ്ടിക്കാട്ടി. ചില സംഘടിത ശക്തികള്‍ വിപണിയില്‍ രണ്ടായിരത്തിന്‍റെ കൃത്രിമ ക്ഷാമം…