ബെംഗളൂരു ∙ രാജ്യാന്തര വെബ് ടാക്സി ഓപ്പറേറ്റർമാരായ ഊബറിന്റെ ഭക്ഷണ ആപ്പിന് ‘ഭാര്യയെ അംഗീകരിക്കാനൊരു ദിനം’ എന്നു നൽകിയ പരസ്യവാചകം സ്ത്രീവിരുദ്ധമെന്ന് സമൂഹമാധ്യമങ്ങളിൽ പരക്കെ ആക്ഷേപം ഉയർന്നതിനെത്തുടർന്നു കമ്പനി ഖേദം പ്രകടിപ്പിച്ചു തലയൂരി. ഒരുമാസം മുൻപ് വിപണിയിലിറക്കിയ ഊബർ ഈറ്റ്സ് എന്ന ആപ്പിനായി ഞായറാഴ്ച പുറത്തിറക്കിയ പരസ്യവാചകമാണു തലവേദനയായത്.
‘പ്രിയ ഭർത്താക്കന്മാരേ, ഭാര്യയെ അംഗീകരിക്കാനൊരു ദിനം. ഊബർ ഈറ്റ്സിൽ ഓർഡർ ചെയ്യൂ അടുക്കളയിൽനിന്ന് ഒരുദിനം ഭാര്യയ്ക്ക് അവധി നൽകൂ’… എന്നു നീളുന്ന വാചകമാണു സ്ത്രീകൾ ഉൾപ്പെടെയുള്ളവരെ ചൊടിപ്പിച്ചത്. സംഭവം വിവാദമായതിനെത്തുടർന്നു പരസ്യവാചകം നീക്കിയതായും ഖേദിക്കുന്നതായും ഊബർ അധികൃതർ ട്വീറ്റ് ചെയ്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
Related
