Author: News Desk

ന്യൂഡൽഹി: സ്വാതന്ത്ര്യദിന പ്രസംഗത്തിൽ പ്രധാനമന്ത്രി നരേന്ദ്ര മോദി ഉപയോഗിച്ചത് കടലാസ് കുറിപ്പുകൾ. മോദി സാധാരണയായി തന്‍റെ പ്രസംഗങ്ങൾക്ക് ടെലിപ്രോംപ്റ്റർ ഉപയോഗിക്കാറുണ്ട്. എന്നാൽ, ഇന്ന് ചെങ്കോട്ടയിൽ രാജ്യത്തെ അഭിസംബോധന ചെയ്തപ്പോൾ അദ്ദേഹം കടലാസ് കുറിപ്പുകളാണ് ഉപയോഗിച്ചത്. 82 മിനിറ്റ് ദൈർഘ്യമുള്ള പ്രസംഗമാണ് മോദി ഇന്ന് നടത്തിയത്.

ന്യൂഡൽഹി: സ്വാതന്ത്ര്യത്തിന്‍റെ നൂറാം വാർഷികം പഞ്ചപ്രാണ ശക്തിയോടെ പൂർത്തിയാക്കണമെന്ന് പ്രധാനമന്ത്രി നരേന്ദ്ര മോദി. 25 വർഷം കൊണ്ട് രാജ്യം കൈവരിക്കേണ്ട അഞ്ച് ലക്ഷ്യങ്ങൾ പ്രധാനമന്ത്രി നരേന്ദ്ര മോദി തന്‍റെ പ്രസംഗത്തിൽ അനുസ്മരിച്ചു. വികസനത്തിൽ രാജ്യത്തെ ഒന്നാമതെത്തിക്കുക, ഏത് അടിമത്തവും അവസാനിപ്പിക്കും, രാജ്യത്തിന്റെ പൈതൃകത്തില്‍ പൗരന്മാര്‍ അഭിമാനിക്കണം, രാജ്യത്തിന്‍റെ ഐക്യം ശക്തിപ്പെടുത്തുക, പൗരന്മാര്‍ കടമ നിര്‍വഹിക്കണം എന്നീ അഞ്ച് ലക്ഷ്യങ്ങൾ പ്രധാനമന്ത്രി ഊന്നിപ്പറഞ്ഞു. വരാനിരിക്കുന്ന അഞ്ച് വർഷം രാജ്യത്തിന് നിർണായകമാണെന്ന് രാജ്യത്തെ അഭിസംബോധന ചെയ്യവേ മോദി പറഞ്ഞു. അടിമത്ത മനോഭാവത്തില്‍ നിന്നും പൂര്‍ണമായി മാറണമെന്നും രാജ്യത്തിന്‍റെ…

ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 14,917 പുതിയ കോവിഡ് കേസുകൾ റിപ്പോർട്ട് ചെയ്തു. ഇതോടെ ഇന്ത്യയിലെ ആക്ടീവ് കോവിഡ് -19 കേസുകൾ 1,16,861 ൽ നിന്ന് 1,17,508 ആയി ഉയർന്നതായി കേന്ദ്ര ആരോഗ്യ മന്ത്രാലയം അറിയിച്ചു. 32 പേർ മരിച്ചതോടെ മരണസംഖ്യ 5,27,069 ആയി. പ്രതിദിന പോസിറ്റിവിറ്റി നിരക്ക് 7.52 ശതമാനവും, പ്രതിവാര പോസിറ്റിവിറ്റി നിരക്ക് 4.65 ശതമാനവുമാണെന്നും മന്ത്രാലയം അറിയിച്ചു. ഇന്ത്യയിലെ ആകെ കോവിഡ് കേസുകൾ 4,42,68,381 ആയി ഉയർന്നു.

ന്യൂഡല്‍ഹി: ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്റുവിനെ ‘ഹർ ഘർ തിരംഗ’ പ്രചാരണത്തിൽ നിന്ന് ഒഴിവാക്കിയതിനെതിരെ ആഞ്ഞടിച്ച് രാജസ്ഥാൻ സർക്കാർ. സ്വാതന്ത്ര്യദിനാഘോഷത്തിന്‍റെ ഭാഗമായി രാജസ്ഥാനിലെ ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് പുറത്തിറക്കിയ പോസ്റ്ററിൽ നെഹ്റുവിന്‍റെ ചിത്രം മാത്രമാണുള്ളത്. കോൺഗ്രസിന്റെ ലാഹോർ സമ്മേളനത്തിൽ ജവഹർലാൽ നെഹ്റു ത്രിവർണ പതാക കൈയിലേന്തി നിൽക്കുന്ന ചിത്രമാണ് പോസ്റ്ററിലുള്ളത്. സ്വാതന്ത്ര്യദിനാഘോഷത്തിന്‍റെ ഭാഗമായി പ്രൊഫൈൽ ചിത്രങ്ങൾക്ക് പകരം ത്രിവർണപതാകയാക്കാൻ പ്രധാനമന്ത്രി നരേന്ദ്ര മോദി ആഹ്വാനം ചെയ്തപ്പോൾ കോൺഗ്രസ് പ്രവർത്തകർ നെഹ്റുവിന്‍റെ ഇതേ ചിത്രമാണ് പ്രൊഫൈൽ പിക്ചർ ആക്കിയത്. കേരളത്തില്‍ നിന്നാണ്…

തെലങ്കാന: സ്വാതന്ത്ര്യദിനത്തിൽ തെലങ്കാന സൈബറാബാദ് മെട്രോപൊളിറ്റൻ പൊലീസിന്‍റെ വിശിഷ്ടാതിഥിയായി ദുൽഖർ സൽമാൻ. താരം തന്നെയാണ് വീഡിയോ സോഷ്യൽ മീഡിയയിൽ പങ്കുവച്ചത്. തെന്നിന്ത്യൻ താര ലോകത്തിന്റെ കേന്ദ്രമാണ് ഹൈദരാബാദിലെ ജൂബിലി ഹിൽസ്. നിരവധി ദക്ഷിണേന്ത്യൻ താരങ്ങൾ ഉണ്ടായിട്ടും സ്വാതന്ത്ര്യദിനത്തിൽ പതാക ഉയർത്താൻ ദുൽഖർ സൽമാനെ ക്ഷണിച്ചതിൽ മലയാളികൾക്കും അഭിമാനമുണ്ട്. വെള്ള കുർത്തയും പാന്‍റും ധരിച്ച് തുറന്ന ജീപ്പിൽ സൺഗ്ലാസ് ധരിച്ച് സ്റ്റൈലിൽ നിൽക്കുന്ന ദുൽഖറിന്‍റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. പോസ്റ്റ് ചെയ്ത് മിനിറ്റുകൾക്കുള്ളിൽ ആയിരക്കണക്കിന് ആളുകളാണ് വീഡിയോ ലൈക്ക് ചെയ്തത്.