ബെംഗളൂരു: അടുത്തിടെ രാമമൂർത്തിനഗറിൽ നിന്ന് തന്റെ മെഴ്സിഡസ് ബെൻസ് മോഷ്ടിച്ചതായി 47 കാരനായ വ്യവസായി അജയ് കുമാർ പോലീസിൽ പരാതിപ്പെട്ടു. ഐപിസി സെക്ഷൻ 381 പ്രകാരം ഡ്രൈവർ രവികുമാറിനെതിരെ പോലീസ് കേസെടുത്തട്ടുണ്ട്. ടൈൽസ് വ്യവസായിയായ അജയ് കോലാർ ജില്ലയിലെ മുൽബാഗൽ സ്വദേശിയാണ്. 2021 ഓഗസ്റ്റിലാണ് ആന്ധ്രാപ്രദേശിലെ അനന്തപൂർ സ്വദേശിയായ രവികുമാറിനെ ഡ്രൈവറായി അജയ് നിയമിച്ചിത്.
2021 ഡിസംബർ 23ന് ഒരു സുഹൃത്തിനെ കാണാൻ ആർആർ നഗറിലെ ഒരു ഹോട്ടലിൽ പോയെന്നും രവികുമാറിനോട് ഹോട്ടലിന് സമീപം കാത്തിരിക്കാൻ ആവശ്യപ്പെട്ടതായും അജയ് പോലീസിനോട് പറഞ്ഞു. എന്നാൽ പ്രതിയായ രവികുമാർ കാറുമായി കടന്നുകളയുകയായിരുന്നു.
ഭാര്യക്ക് അസുഖമാണെന്നും വേഗം വീട്ടിലേക്ക് പോകാമെന്നും രവികുമാറിനെ ഫോണിൽ അറിയിച്ചെങ്കിലും
പ്രതി കാറുമായി തിരിച്ചെത്തിയില്ല, പിന്നീട് രവികുമാർ തന്റെ വാഹനം വിറ്റതായി അറിഞ്ഞെന്നും അതുകൊണ്ടാണ് ജനുവരി 23 ന് പോലീസിനെ സമീപിക്കാൻ തീരുമാനിച്ചതെന്നും അജയ് കുമാർ പറഞ്ഞു.
