ബെംഗളൂരു : കേരള ആർടിസിക്കും മുൻപേ വിഷു സ്പെഷൽ സർവീസുകൾ പ്രഖ്യാപിച്ച് കർണാടക ആർടിസി. ഏപ്രിൽ 13നു കോട്ടയം (1), എറണാകുളം (2), തൃശൂർ (2), പാലക്കാട് (2) എന്നിവിടങ്ങളിലേക്കായി ഏഴു സ്പെഷലാണ് ഇന്നലെ വരെ പ്രഖ്യാപിച്ചത്.
എന്നാൽ, ചാർജ് കൂടുതലുള്ള സ്പെഷൽ സർവീസുകളിലെ ടിക്കറ്റ് വിൽപന മന്ദഗതിയിലാണ്. 1650 രൂപ വരെയാണ് സ്പെഷൽ സർവീസുകളിലെ ടിക്കറ്റ് ചാർജ്. കേരള ആർടിസിയുടെ വിഷു സ്പെഷൽ ഉടൻ പ്രഖ്യാപിക്കുമെന്ന് അധികൃതർ അറിയിച്ചു.
