ബെംഗളൂരു: കർണാടക നിയമസഭാ സ്പീക്കർ തിരഞ്ഞെടുപ്പ് ഇന്ന് നടക്കും. കോൺഗ്രസിൻ്റെ ഔദ്യോഗിക സ്ഥാനാർഥിയും മുൻ മന്ത്രിയും മംഗളുരുവിൽ നിന്നുള്ള നിയമസഭാംഗവുമായ യു. ടി. ഖാദർ ഇന്നലെ നാമനിർദേശ പത്രിക സമർപ്പിച്ചിരുന്നു. കർണാടകയിലെ പതിനാറാം നിയമസഭയുടെ സ്പീക്കർ സ്ഥാനത്തെക്കാണ് അദ്ദേഹം നാമനിർദേശ പത്രിക സമർപ്പിച്ചത്.
ഏകകണ്ഠമായി തിരഞ്ഞെടുത്താൽ കർണാടകയിൽ സ്പീക്കർ പദവിയിലെത്തുന്ന ആദ്യ മലയാളി മുസ്ലീം നേതാവാകും യു. ടി.ഖാദർ. മുൻ ബിജെപി സർക്കാരിന്റെ കാലത്ത് പ്രതിപക്ഷ ഉപനേതാവായിരുന്നു യു. ടി. ഖാദർ. 2013ലെ സിദ്ധരാമയ്യയുടെ നേതൃത്വത്തിലുള്ള സർക്കാരിൽ ആദ്യം ആരോഗ്യവകുപ്പും പിന്നീട് ഭക്ഷ്യ സിവിൽ സപ്ലൈസ് വകുപ്പും കൈകാര്യം ചെയ്തിട്ടുണ്ട്. മംഗളുരു മണ്ഡലത്തിൽ നിന്ന് ഖാദർ 22,977 വോട്ടുകൾക്കാണ് വിജയിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
