Year: 2026

ബെംഗളൂരു: മഴക്കാലമായ സെപ്റ്റംബറിൽ കടുത്ത ചൂടും ഈർപ്പവും നിറഞ്ഞ അസാധാരണ കാലാവസ്ഥയിലൂടെ കടന്നുപോയി ബെംഗളൂരു നഗരം. കഴിഞ്ഞ ഒരാഴ്ചയ്ക്കിടെ നഗരത്തിൽ രേഖപ്പെടുത്തിയ പരമാവധി താപനില 31.22 ഡിഗ്രി സെൽഷ്യസാണ്. കഴിഞ്ഞ മൂന്ന് വർഷത്തിനിടയിലെ സെപ്റ്റംബർ മാസത്തിൽ രേഖപ്പെടുത്തുന്ന ഏറ്റവും ഉയർന്ന നിരക്കാണിത്. നിലവിൽ ശരാശരി 32 മുതൽ 33 ഡിഗ്രി സെൽഷ്യസ് വരെ ഉയരുന്ന ചൂട്, സ്വാഭാവികമായ താപനിലയേക്കാൾ 4 ഡിഗ്രി സെൽഷ്യസ് കൂടുതലാണെന്ന് കാലാവസ്ഥാ വിദഗ്ധർ ചൂണ്ടിക്കാണിക്കുന്നു. വരും ദിവസങ്ങളിൽ താപനില 33 ഡിഗ്രി സെൽഷ്യസായി തുടരുമെന്നാണ് ഇന്ത്യൻ കാലാവസ്ഥാ വകുപ്പിന്റെ (IMD)…

ബെംഗളൂരു : ഗണപതിചതുർത്ഥി തുടർച്ചയായ അവധിദിനങ്ങൾ പ്രമാണിച്ച് നാടുകളിലേക്ക് മടങ്ങുന്നവരുടെ വൻ തിരക്കിനെത്തുടർന്ന് വെള്ളിയാഴ്ച വൈകുന്നേരം ബംഗളൂരു നഗരത്തിലെ പ്രധാന പുറത്തേക്കുള്ള റോഡുകളിൽ കനത്ത ഗതാഗതക്കുരുക്ക് രൂപപ്പെട്ടു. നഗരത്തിന് പുറത്തേക്ക് പോകുന്ന തുമകൂരു റോഡ്, മൈസൂരു റോഡ്, ഹൊസൂർ റോഡ്, കെമ്പെഗൗഡ അന്താരാഷ്ട്ര വിമാനത്താവളത്തിലേക്കുള്ള ബെല്ലാരി റോഡ് എന്നീ പ്രധാന പാതകളിലാണ് സ്വകാര്യ ബസുകളും കെ.എസ്.ആർ.ടി.സി ബസുകളും കാറുകളും ഒരുമിച്ച് റോഡിലിറങ്ങിയതോടെ ഗതാഗതം പൂർണ്ണമായും തടസ്സപ്പെട്ടത്. വൈകുന്നേരം മുതൽ തന്നെ വാഹനങ്ങൾ ഇഴഞ്ഞുനീങ്ങുന്ന അവസ്ഥയായിരുന്നു. മണിക്കൂറുകളോളമാണ് യാത്രക്കാർ ഗതാഗതക്കുരുക്കിൽ പെട്ടുപോയത്. ഇലക്ട്രോണിക്‌സ് സിറ്റിയിൽ നിന്ന്…

ബെംഗളൂരു: വന്ദേമാതരം ഗാനം ആലപിക്കുന്നതുമായി ബന്ധപ്പെട്ട കേന്ദ്ര സർക്കാർ നിർദ്ദേശത്തിൽ മാറ്റം വരുത്തി കർണാടക സർക്കാർ. ഇനി മുതൽ സംസ്ഥാന സർക്കാർ സംഘടിപ്പിക്കുന്ന ഔദ്യോഗിക ചടങ്ങുകളിൽ വന്ദേമാതരത്തിന്റെ ആറ് ഖണ്ഡികകൾക്ക് പകരം ആദ്യത്തെ രണ്ട് ഖണ്ഡികകൾ മാത്രമേ ആലപിക്കുകയുള്ളൂ എന്ന് സർക്കാർ ഉത്തരവിറക്കി. 1937-ലെ പ്രമേയം അനുസരിച്ച് ഗാനത്തിന്റെ ആദ്യ രണ്ടു ഖണ്ഡികകൾ മാത്രം ആലപിച്ചാൽ മതിയെന്ന കോൺഗ്രസ് ഹൈക്കമാൻഡ് നിലപാടിന് പിന്നാലെയാണ് ഈ നിർണായക നീക്കം. വന്ദേമാതരത്തിലെ ആറ് ഖണ്ഡികകളും പൂർണ്ണമായി ആലപിക്കുന്നതിനെ കെ.പി.സി.സി പ്രസിഡന്റ് ബി.കെ. ഹരിപ്രസാദും നേരത്തെ എതിർത്തിരുന്നു. ഏകീകൃത…

ബെംഗളൂരു: ഡ്രൈവർ കേന്ദ്രീകൃത സേവനങ്ങൾ വിപുലീകരിക്കുന്നതിന്റെ ഭാഗമായി നമ യാത്രി (Namma Yatri), കീസ്റ്റോൺസുമായി (Keystones) സഹകരിച്ച് ‘നമ ചന്ത’ (Namma Santhe) എന്ന പേരിൽ പുതിയ ഷോപ്പിംഗ് പ്ലാറ്റ്‌ഫോം ആരംഭിച്ചു. റൈഡ്-ഹെയ്‌ലിംഗ് മേഖലയ്ക്കപ്പുറത്തേക്ക് സേവനം വ്യാപിപ്പിച്ച്, ഡ്രൈവർമാർക്ക് ആവശ്യമായ ഉൽപ്പന്നങ്ങൾ കുറഞ്ഞ നിരക്കിൽ ലഭ്യമാക്കുകയാണ് ഇതിലൂടെ ലക്ഷ്യമിടുന്നത്. ബെംഗളൂരു കോരമംഗലയിലുള്ള നമ യാത്രി ഓഫീസിലെ ഫിസിക്കൽ സ്റ്റോറിലൂടെയും ഓൺ‌ലൈൻ വഴിയും ഡ്രൈവർമാർക്ക് ഉൽപ്പന്നങ്ങൾ വാങ്ങാം. ബംഗളൂരു നഗരത്തിനുള്ളിലെ ഡ്രൈവർമാരുടെ വീടുകളിലേക്ക് ഉൽപ്പന്നങ്ങൾ എത്തിച്ചുനൽകുന്ന രീതിയിലാണ് ഓൺ‌ലൈൻ സംവിധാനം ക്രമീകരിച്ചിരിക്കുന്നത്. പ്ലാറ്റ്‌ഫോമിൽ രജിസ്റ്റർ ചെയ്തിട്ടുള്ള 7.71…

ബെംഗളൂരു: റോഡരികിൽ മാലിന്യം എറിയരുതെന്നും ചവറ്റുകുട്ടയിൽ ഇടണമെന്നും ആവശ്യപ്പെട്ട ജിബിഎ പൗര ഉദ്യോഗസ്ഥനെ കല്ലുകൊണ്ട് ആക്രമിച്ച സംഭവത്തിൽ മലയാളി യുവതി ഉൾപ്പെടെ രണ്ടുപേർ ബെംഗളൂരുവിൽ പോലീസ് കസ്റ്റഡിയിലായി. ബെംഗളൂരു വൈറ്റ്ഫീൽഡ് പട്ടണ്ടൂർ അഗ്രഹാരയിലെ കുവേംപു റോഡിൽ വ്യാഴാഴ്ച രാവിലെയോടെയായിരുന്നു സംഭവം. സുഹൃത്തിനൊപ്പം റോഡരികിൽനിന്ന് ചായ കുടിച്ചശേഷം യുവതിയും യുവാവും ചേർന്ന് പേപ്പർ കപ്പ് റോഡിലേക്ക് വലിച്ചെറിയുകയായിരുന്നു. ഇത് ശ്രദ്ധയിൽപ്പെട്ട പൗര ഉദ്യോഗസ്ഥൻ മാലിന്യം റോഡിലിടാതെ ചവറ്റുകുട്ടയിൽ നിക്ഷേപിക്കാൻ ഇവരോട് അഭ്യർത്ഥിച്ചു. എന്നാൽ ഇതിൽ പ്രകോപിതയായ യുവതി ഉദ്യോഗസ്ഥന് നേരെ മോശം വാക്കുകൾ ഉപയോഗിച്ച് അധിക്ഷേപിക്കുകയും…

ബെംഗളൂരു: കേന്ദ്ര സർക്കാരിന്റെ ‘നിർഭയ പദ്ധതി’ പ്രകാരം നിർബന്ധമാക്കിയ ജിപിഎസും പാനിക് ബട്ടണും ഘടിപ്പിക്കുന്നത് ഒഴിവാക്കാൻ കർണാടകയിലെ വാണിജ്യ വാഹന ഉടമകൾ അയൽ സംസ്ഥാനമായ ആന്ധ്രാപ്രദേശിലേക്ക് കടക്കുന്നു. വാഹനങ്ങളുടെ ഫിറ്റ്നസ് സർട്ടിഫിക്കറ്റ് (എഫ്‌സി) നേടുന്നതിന് ആന്ധ്രയിലെ ആർടിഒ ഓഫീസുകളെ ആശ്രയിക്കുന്ന ഈ നിയമവിരുദ്ധ പ്രവർത്തനം കർണാടക ഗതാഗത വകുപ്പിന് വലിയ തലവേദനയായി മാറിയിരിക്കുകയാണ്. അടിയന്തര സാഹചര്യത്തിൽ സ്ത്രീകൾ ഉൾപ്പെടെയുള്ള യാത്രക്കാരുടെയും ഡ്രൈവർമാരുടെയും സുരക്ഷ ഉറപ്പാക്കാനും വാഹനങ്ങളുടെ സ്ഥാനം തത്സമയം ട്രാക്ക് ചെയ്യാനുമാണ് നിയമം കർശനമാക്കിയത്. എന്നാൽ അതിർത്തി കടന്നുള്ള എഫ്‌സി വിതരണം ഉടൻ അവസാനിപ്പിക്കണമെന്ന്…

ബെംഗളൂരു: ശ്വാസതരംഗങ്ങളിൽ നിന്ന് രോഗലക്ഷണങ്ങൾ തിരിച്ചറിഞ്ഞ് കാൻസർ നിർണ്ണയം സാധ്യമാക്കുന്ന വേറിട്ട പരീക്ഷണവുമായി ബെംഗളൂരു അധിഷ്ഠിത സ്റ്റാർട്ടപ്പായ ‘ഡോഗ്നോസിസ്’. മനുഷ്യന്റെ ശ്വാസത്തിലെ സങ്കീർണ്ണമായ രാസമാറ്റങ്ങൾ നായകളുടെ ഘ്രാണശക്തി ഉപയോഗിച്ച് തിരിച്ചറിയുകയും, ഈ പ്രതികരണങ്ങളെ കൃത്രിമബുദ്ധി (എഐ) സാങ്കേതികവിദ്യയിലൂടെ വിശകലനം ചെയ്ത് കൃത്യമായ ഡാറ്റയാക്കി മാറ്റുകയുമാണ് ഈ പദ്ധതിയിലൂടെ ചെയ്യുന്നത്. സൂചികളോ സ്കാനിംഗോ ഇല്ലാതെ, ലളിതമായ ശ്വാസപരിശോധനയിലൂടെ രോഗ സാധ്യത മുൻകൂട്ടി കണ്ടെത്താൻ കഴിയുമെന്നതാണ് ഇതിന്റെ പ്രധാന പ്രത്യേകത. ശ്വാസമാസ്കും അതിശയകരമായ ഘ്രാണശക്തിയും പരിശോധനയ്ക്ക് വിധേയനാകുന്ന വ്യക്തി പ്രത്യേകമായി രൂപകൽപ്പന ചെയ്ത മാസ്കിലേക്ക് ഏകദേശം 10…

ഗുവാഹത്തി: അസം തലസ്ഥാനമായ ഗുവാഹത്തിയിൽ ഭാര്യ റിയ താലൂക്ദാറിനെ (25) ക്രൂരമായി കൊലപ്പെടുത്തിയ കേസിൽ അറസ്റ്റിലായ രാമാനുജ് ഗോ സ്വാമിയുടെ ഞെട്ടിക്കുന്ന വെളിപ്പെടുത്തൽ. കേസിൽ ഏഴ് ദിവസത്തെ പോലീസ് കസ്റ്റഡിയിലുള്ള പ്രതിയെ ചൊവ്വാഴ്ച കോടതിയിൽ ഹാജരാക്കാൻ കൊണ്ടുപോകുന്നതിനിടെയാണ് മാധ്യമപ്രവർത്തകർക്ക് മുന്നിൽ ഭീഷണിയുമായി രംഗത്തെത്തിയത്. ശിക്ഷാകാലാവധി പൂർത്തിയാക്കി ജയിലിൽ നിന്ന് പുറത്തിറങ്ങിയ ശേഷം ഭാര്യയുടെ ‘ഷുഗർ ഡാഡി’ എന്ന് വിശേഷിപ്പിച്ച വ്യക്തിയെ വധിക്കുമെന്നാണ് ഗോസ്വാമി അസമീസ് ഭാഷയിൽ മാധ്യമങ്ങളോട് പറഞ്ഞത്. ആ വ്യക്തി ആരാണെന്ന് കൂടുതൽ വ്യക്തമാക്കാൻ ആവശ്യപ്പെട്ട മാധ്യമപ്രവർത്തകരോട് പ്രതി ക്ഷുഭിതനാവുകയും മോശമായി പെരുമാറുകയും…