Year: 2026

ബെംഗളൂരു: ബെംഗളൂരു മെട്രോയുടെ പിങ്ക് ലൈനിലെ ഉയർത്തിയ (എലവേറ്റഡ്) പാതയിൽ സർവീസ് നടത്തുന്നതിനായി നിർമ്മിച്ച പുതിയ ബി.ഇ.എം.എൽ (BEML) ട്രെയിനുകൾക്ക് റെയിൽവേ ബോർഡിന്റെ അംഗീകാരം ലഭിച്ചു. കാളേന അഗ്രഹാര മുതൽ താവരക്കര വരെയുള്ള 7.5 കിലോമീറ്റർ നീളമുള്ള പാതയിൽ യാത്രാസേവനം ആരംഭിക്കുന്നതിനുള്ള സുപ്രധാന നാഴികക്കല്ലാണിത്. മെട്രോ റെയിൽവേ സേഫ്റ്റി കമ്മീഷണറുടെ (CMRS) അന്തിമ പരിശോധനയ്ക്കായി സമർപ്പിക്കുന്ന രേഖകളിൽ ഈ അനുമതി പത്രവും ഉൾപ്പെടുത്തുമെന്ന് ബംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (BMRCL) വാർത്താക്കുറിപ്പിൽ അറിയിച്ചു. സി.എം.ആർ.എസിന്റെ പരിശോധനയ്ക്കും ഔദ്യോഗിക അനുമതിക്കും ശേഷമേ പാത പൊതുജനങ്ങൾക്കായി…

ബെംഗളൂരു : കർണാടകയിലെ കോലാറിലും റായ്ച്ചൂരിലുമുണ്ടായ വ്യത്യസ്ത വാഹനാപകടങ്ങളിൽ ആറു പേർ മരിച്ചു. നിരവധി പേർക്ക് ഗുരുതരമായി പരിക്കേറ്റു. ചെന്നൈ-ബെംഗളൂരു എക്‌സ്പ്രസ് വേയിൽ കാർ ഡിവൈഡറിലിടിച്ച് മറിഞ്ഞുണ്ടായ അപകടത്തിൽ നാലു പേരാണ് മരിച്ചത്. കോലാർ ജില്ലയിലെ ബംഗാർപേട്ട് താലൂക്കിൽ മരഗലിന് സമീപമായിരുന്നു അപകടം. മൂന്ന് പേർ സംഭവസ്ഥലത്തും ഒരാൾ ആശുപത്രിയിലേക്കുള്ള വഴിയിലുമാണ് മരിച്ചത്. കാറിലുണ്ടായിരുന്ന അഞ്ചുപേരിൽ ഒരാളുടെ നില ഗുരുതരമായി തുടരുകയാണ്. ഇയാളെ കോലാറിലെ ആശുപത്രിയിൽ പ്രവേശിപ്പിച്ചു. മരിച്ചവരും പരിക്കേറ്റവരും പൂനെ സ്വദേശികളാണെന്നാണ് പ്രാഥമിക നിഗമനം. സംഭവത്തിൽ ബംഗാർപേട്ട് പോലീസ് കേസെടുത്തിട്ടുണ്ട്. അതേസമയം, കോലാറിലെ…

ബെംഗളൂരു: ലോകപ്രശസ്തമായ മൈസൂരു ദസറ ആഘോഷങ്ങളുടെ സമാപന പരിപാടികൾക്കുള്ള ഗോൾഡ് കാർഡുകളുടെയും ടിക്കറ്റുകളുടെയും ഓൺലൈൻ വിൽപ്പന ആരംഭിച്ചു. ജംബൂ സവാരി, ടോർച്ച്‌ലൈറ്റ് പരേഡ്, ഡ്രോൺ ഷോ എന്നീ പ്രധാന ആകർഷണങ്ങൾക്കുള്ള ടിക്കറ്റുകളാണ് ഔദ്യോഗിക മൈസൂരു ദസറ വെബ്‌സൈറ്റ് വഴി ലഭ്യമാക്കിയിരിക്കുന്നത്. തിങ്കളാഴ്ച രാവിലെ 11.30 മുതലാണ് ടിക്കറ്റ് വിൽപ്പന ആരംഭിച്ചതെന്ന് ജില്ലാ ഭരണകൂടം അറിയിച്ചു. കഴിഞ്ഞ വർഷത്തെ ടിക്കറ്റ് നിരക്കുകൾ തന്നെയാണ് ഇത്തവണയും തുടരുന്നത്. ടിക്കറ്റ് നിരക്കിൽ വർധനവൊന്നും വരുത്തിയിട്ടില്ലെന്ന് ഡെപ്യൂട്ടി കമ്മീഷണറുടെയും ദസറ സ്പെഷ്യൽ ഓഫീസറുടെയും കാര്യാലയം വ്യക്തമാക്കി. ഒരു ഗോൾഡ് കാർഡോ…

ബെംഗളൂരു: സാധാരണ ഡിജെ നൈറ്റുകൾക്കും ക്ലബ്ബുകൾക്കും അപ്പുറം തികച്ചും വ്യത്യസ്തവും വിചിത്രവുമായ തീം പാർട്ടികളിലേക്ക് ബെംഗളൂരുവിലെ യുവത്വം ചുവടുമാറുന്നു. എൻട്രി ഫീ നൽകി നൃത്തം ചെയ്യുന്ന പരമ്പരാഗത പാർട്ടി ശൈലിയിൽ നിന്ന് മാറി, വസ്ത്രധാരണത്തിലും പാർട്ടി വേദികളിലും പുത്തൻ പരീക്ഷണങ്ങൾക്കാണ് നഗരം ഇപ്പോൾ സാക്ഷ്യം വഹിക്കുന്നത്. കൊട്ടാര സദസ്സുകളെ ഓർമ്മിപ്പിക്കുന്ന രാജ്കീയ പാർട്ടികൾ, പുലർച്ചെ ആറ് മണിക്ക് ജിമ്മുകളിൽ നടക്കുന്ന റീമിക്സ് പാർട്ടികൾ, ആശുപത്രി സമുച്ചയങ്ങളിൽ സംഘടിപ്പിക്കുന്ന സംഗീത സായാഹ്നങ്ങൾ എന്നിവ ഇവിടുത്തെ രാത്രിജീവിതത്തെ ആകെ മാറ്റിമറിച്ചിരിക്കുകയാണ്. ബ്രിഡ്ജർട്ടൺ ബോളും അണ്ടർഗ്രൗണ്ട് റാവുകളും തരംഗമായി…

ബെംഗളൂരു: ബെംഗളൂരുവിലെ സ്വത്ത് നികുതി അടവുകൾക്ക് പുറമെ, ഇ-ഖാത, ബി-ഖാതയിൽ നിന്ന് എ-ഖാതയിലേക്കുള്ള മാറ്റം, പുതിയ ഖാത, ലേഔട്ട് ഖാത തുടങ്ങിയ വിവിധ തദ്ദേശീയ സേവനങ്ങൾക്കും ഉപയോക്താക്കളിൽ നിന്ന് സോഫ്റ്റ്‌വെയർ സേവന ഫീസ് ഈടാക്കാൻ അഞ്ച് സിറ്റി കോർപ്പറേഷനുകളും തീരുമാനിച്ചു. ഡിജിറ്റൽ സേവനങ്ങൾക്കായി നിശ്ചയിച്ചിട്ടുള്ള ഈ തുക ഗ്രേറ്റർ ബെംഗളൂരു അതോറിറ്റിയുടെയും (ജി.ബി.എ) കോർപ്പറേഷനുകളുടെയും സാങ്കേതിക സൗകര്യങ്ങളുടെ പരിപാലനത്തിനും നവീകരണത്തിനുമായാണ് ഉപയോഗിക്കുക. നേരത്തെ പുറത്തുവന്ന വിവരങ്ങളനുസരിച്ച് സ്വത്ത് നികുതി ഇടപാടുകൾക്ക് റസിഡൻഷ്യൽ കെട്ടിടങ്ങൾക്ക് 200 രൂപയും നോൺ-റസിഡൻഷ്യൽ അല്ലെങ്കിൽ മിക്സഡ് കെട്ടിടങ്ങൾക്ക് 1000 രൂപയുമാണ്…

ബെംഗളൂരു : ഹനൂർ വനമേഖലയിൽ വനംവകുപ്പിന്റെ വെടിവെപ്പിൽ മൂന്ന് വേട്ടക്കാർ കൊല്ലപ്പെട്ട സംഭവത്തിന് ശേഷവും കാടുകളിൽ വേട്ടയാടൽ തുടരുന്നതായി റിപ്പോർട്ട്. ചാമരാജനഗർ ജില്ലയിൽ നാൽപ്പതിലധികം വേട്ടക്കാർ ഇപ്പോഴും സജീവമാണെന്ന വിവര പുറത്തുവന്നതോടെ വന്യജീവി വേട്ടയും അനധികൃത മരംമുറിക്കലും തടയാൻ വനംവകുപ്പ് വൻ പദ്ധതി തയ്യാറാക്കി. ഇതിന്റെ ഭാഗമായി വനമേഖലകളിൽ പ്രത്യേക പരിശീലനം ലഭിച്ച ‘ബെൽജിയൻ സ്നിഫർ നായ്ക്കളുടെ’ നിരയെ വിന്യസിക്കാൻ തീരുമാനിച്ചു. സംസ്ഥാനത്ത് വർദ്ധിച്ചുവരുന്ന വന്യജീവി വേട്ടയും പ്രത്യേകിച്ച് കാട്ടാനകളെ ലക്ഷ്യമിട്ടുള്ള അക്രമങ്ങളും തടയാൻ പുതിയ സാങ്കേതികവിദ്യകളും വനംവകുപ്പ് പ്രയോജനപ്പെടുത്തുന്നുണ്ട്. ഇതിന്റെ മുന്നോടിയായി ബന്ദിപ്പൂരിലെ…