Month: June 2026

ബെംഗളൂരു: അന്തരിച്ച അധോലോക നായകനും വ്യവസായിയുമായിരുന്ന മുത്തപ്പ റായിയുടെ മകൻ റിക്കി റായിയുടെ ഉടമസ്ഥതയിലുള്ള ആഡംബര കാറായ ലാംബോർഗിനിയിൽ തീപ്പൊരി ചിതറിച്ചും അപകടകരമായ രീതിയിലും അഭ്യാസപ്രകടനം നടത്തുന്ന പഴയ വീഡിയോ ദൃശ്യങ്ങൾ വീണ്ടും സമൂഹമാധ്യമങ്ങളിൽ പ്രചരിച്ചതോടെ പോലീസ് അന്വേഷണം ഊർജ്ജിതമാക്കി. മേയ് 20-ന് അർദ്ധരാത്രിക്ക് ശേഷം കെംപെഗൗഡ അന്താരാഷ്ട്ര വിമാനത്താവളത്തിലേക്കുള്ള (കെ.ഐ.എ) റോഡിൽ മറ്റ് യാത്രക്കാരുടെ ജീവന് ഭീഷണിയാകുംവിധം ഈ വാഹനം ഓടിച്ചതായാണ് പോലീസ് കണ്ടെത്തിയിരിക്കുന്നത്. സാദഹള്ളി ടോൾ പ്ലാസയിൽ നിന്ന് ശേഖരിച്ച സിസിടിവി ദൃശ്യങ്ങൾ പരിശോധിച്ചതിൽ നിന്നും, ഈ ലാംബോർഗിനി കാർ നിർദ്ദിഷ്ട…

ബെംഗളൂരു: നഗരത്തിലെ കനത്ത ഗതാഗതക്കുരുക്കുള്ള റോഡുകൾക്ക് സമീപം ഒഴിഞ്ഞുകിടക്കുന്ന പറമ്പുകൾ വാഹന പാർക്കിംഗിനായും മറ്റ് പൊതു ആവശ്യങ്ങൾക്കായും ഉപയോഗപ്പെടുത്താൻ ബംഗളൂരു സൗത്ത് സിറ്റി കോർപ്പറേഷൻ (ബി.എസ്.സി.സി) പദ്ധതിയിടുന്നു. കോർപ്പറേഷൻ പരിധിയിൽ ഇത്തരത്തിൽ ഒഴിഞ്ഞുകിടക്കുന്ന സ്ഥലങ്ങൾ അടിയന്തരമായി കണ്ടെത്താൻ ബി.എസ്.സി.സി കമ്മീഷണർ കെ.എൻ. രമേശ് ഉദ്യോഗസ്ഥർക്ക് നിർദ്ദേശം നൽകി. ഇത്തരം സ്ഥലങ്ങൾ കണ്ടെത്തിയ ശേഷം ഭൂവുടമകളുമായി ഔദ്യോഗികമായി കരാറിലേർപ്പെടാനാണ് കോർപ്പറേഷന്റെ തീരുമാനം. കോർപ്പറേഷൻ പരിധിയിലെ തിരക്കേറിയ റോഡുകളിലെ ഗതാഗതക്കുരുക്ക് ലഘൂകരിക്കുന്നതിനായി, റോഡരികിലുള്ള പൊതു-സ്വകാര്യ ഉടമസ്ഥതയിലുള്ള ഒഴിഞ്ഞ ഭൂമി കണ്ടെത്താൻ കമ്മീഷണർ എഞ്ചിനീയർമാർക്ക് നിർദ്ദേശം നൽകിയിട്ടുണ്ട്. ഈ…

ബെംഗളൂരു: കഴിഞ്ഞ മൂന്ന് വർഷത്തിലേറെയായി മുടങ്ങിക്കിടന്ന ഹൊസപേട്ട ഫ്രീഡം പാർക്കിന്റെ മറുഭാഗത്തെ വികസന പ്രവർത്തനങ്ങൾ പൂർത്തിയാകുന്നു. റെയിൽവേ സ്റ്റേഷൻ റോഡിന് സമീപം സ്ഥിതി ചെയ്യുന്ന ഈ പാർക്ക് ഉടൻ തന്നെ പൊതുജനങ്ങൾക്കായി തുറന്നുകൊടുക്കും. ആളുകളിൽ യോഗാ ശീലം പ്രോത്സാഹിപ്പിക്കുന്നതിനായി നിർമ്മിച്ച, സൂര്യനമസ്കാരത്തിന്റെ വിവിധ ഭാവങ്ങളിലുള്ള 12 വെങ്കല പ്രതിമകളാണ് ഈ പാർക്കിന്റെ പ്രധാന ആകർഷണം. അതുകൊണ്ടുതന്നെ ഇതൊരു ‘യോഗാ പാർക്ക്’ എന്ന നിലയിലാണ് പൊതുജനങ്ങൾക്കിടയിൽ ശ്രദ്ധനേടുന്നത്. സാധാരണ കോൺക്രീറ്റ് പാതകൾക്ക് പകരം ഇന്റർലോക്ക് കട്ടകൾ പാകിയാണ് പാർക്കിന്റെ സൗന്ദര്യവൽക്കരണം നടത്തിയിരിക്കുന്നത്. ഇതുകൂടാതെ കാർഗിൽ വിജയത്തെ…

ബെംഗളൂരു: ഹൊസ്‌കോട്ട് സാറ്റലൈറ്റ് ടൗൺ റിംഗ് റോഡിൽ (STRR) വെള്ളിയാഴ്ച അർധരാത്രിക്ക് ശേഷം മെഴ്‌സിഡസ് ബെൻസ് എസ്‌യുവി റോഡ് ഡിവൈഡറിലിടിച്ച് തകർന്ന് യുവതിയുൾപ്പെടെ രണ്ട് പേർ മരിച്ചു. സെക്കൻഡ് ഹാൻഡ് കാർ ഡീലറായ റിസ്‌വാൻ (30), സുഹൃത്ത് സാജിയ (23) എന്നിവരാണ് മരിച്ചത്. അപകടത്തിന്റെ ആഘാതത്തിൽ വാഹനത്തിൽ നിന്ന് പുറത്തേക്ക് തെറിച്ചുവീണ റിസ്‌വാന്റെ മൃതദേഹം മേൽപ്പാലത്തിന് താഴെയുള്ള വെള്ളക്കെട്ടിൽ നിന്നാണ് കണ്ടെടുത്തത്. കമ്മനഹള്ളി സ്വദേശിനിയായ സാജിയ സംഭവസ്ഥലത്തുതന്നെ മരിച്ചു. ഉപഭോക്താവ് വിൽക്കാൻ ഏൽപ്പിച്ച ആഡംബര വാഹനമാണ് അപകടത്തിൽപ്പെട്ടതെന്ന് പൊലീസ് അറിയിച്ചു. മൊത്തക്കച്ചവടക്കാരനായ റിസ്‌വാൻ സുഹൃത്തായ…

ബെംഗളൂരു: സംസ്ഥാനത്തെ നാല് പൊതുഗതാഗത കോർപ്പറേഷനുകൾ വഴി ആൺകുട്ടികളായ വിദ്യാർത്ഥികൾക്കും സൗജന്യ ബസ് പാസ് അനുവദിക്കാൻ സർക്കാർ തീരുമാനിച്ചതിന് പിന്നാലെ വൻ പ്രതികരണം. പദ്ധതി വ്യാപിപ്പിച്ച് രണ്ട് ദിവസത്തിനകം തന്നെ സംസ്ഥാനത്തുടനീളം 2700-ലധികം സൌജന്യ വിദ്യാർത്ഥി ബസ് പാസുകളാണ് വിതരണം ചെയ്തത്. ഗതാഗത വകുപ്പ് പങ്കുവെച്ച കണക്കുകൾ പ്രകാരം, പുതിയ മാർഗ്ഗനിർദ്ദേശങ്ങൾ നിലവിൽ വന്ന ജൂൺ 12 മുതൽ രണ്ടുദിവസത്തിനിടെ നാല് കോർപ്പറേഷനുകളിലുമായി ആകെ 2,764 സൗജന്യ ബസ് പാസുകൾ ആൺകുട്ടികൾക്ക് വിതരണം ചെയ്തു കഴിഞ്ഞു. ജൂൺ 12-ന് 821 പാസുകൾ നൽകിയ സ്ഥാനത്ത്…

ബെംഗളൂരു: മെഡിക്കൽ പ്രവേശന പരീക്ഷയായ ‘നീറ്റ്’ (NEET) ചോദ്യപേപ്പർ ചോർച്ചയിലും, സിബിഎസ്ഇയുടെ ഓൺ-സ്‌ക്രീൻ മാർക്കിംഗ് സംവിധാനത്തിലെ ക്രമക്കേടുകളിലും പ്രതിഷേധിച്ച് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാനിന്റെ രാജി ആവശ്യപ്പെട്ട് കോക്രോച്ച് ജനതാ പാർട്ടി (CJP) ബെംഗളൂരു ഫ്രീഡം പാർക്കിൽ വൻ പ്രതിഷേധം സംഘടിപ്പിച്ചു. രാജ്യവ്യാപകമായി നടത്തുന്ന കാമ്പെയ്ന്റെ ഭാഗമായി ഞായറാഴ്ച വൈകുന്നേരമായിരുന്നു പ്രതിഷേധം. കനത്ത മഴയെപ്പോലും അവഗണിച്ച് നടന്ന സമരത്തിൽ സി.ജെ.പി സ്ഥാപകൻ അഭിജീത് ദിപ്കെ, പ്രമുഖ പരിസ്ഥിതി പ്രവർത്തകൻ സോനം വാങ്ചുക്ക്, ചലച്ചിത്ര താരം പ്രകാശ് രാജ് എന്നിവർ പങ്കെടുത്തു. കേന്ദ്രത്തിലെ ബിജെപി…