Month: January 2026

ബെംഗളുരു: നഗരത്തില്‍ ഗതാഗത നിയമ ലംഘനം നടത്തുന്ന വാഹന ഉടമകള്‍ക്കെതിരെ ട്രാഫിക് പൊലീസ് കേസെടുത്തു തുടങ്ങി. സിഗ്‌നല്‍ തെറ്റിക്കല്‍, വണ്‍വേ തെറ്റിക്കല്‍, തിരക്കേറിയ റോഡുകളിലെ അനധികൃത പാര്‍ക്കിങ് തുടങ്ങിയ ലംഘനങ്ങള്‍ക്കാണ് കേസെടുക്കുന്നത്. കാറുകളും ഭാരവാഹനങ്ങളും വണ്‍വേ തെറ്റിച്ചാല്‍ ബിഎന്‍എസ് 285-ാം വകുപ്പു പ്രകാരം കേസെടുക്കും. നേരത്തേ പിഴ ഈടാക്കുകയും താക്കീത് നല്‍കുകയും മാത്രമാണ് ചെയ്തിരുന്നത്. കേസ് റജിസ്റ്റര്‍ ചെയ്താല്‍ വാഹനം പിടിച്ചെടുക്കും. വാഹനം തിരിച്ചു കിട്ടാന്‍ കോടതിയില്‍ പിഴ അടയ്ക്കണം.

ബെംഗളുരു: നമ്മ മെട്രോ യെലോ ലൈനില്‍ (ആര്‍വി റോഡ് – ബൊമ്മസാന്ദ്ര) ഏഴാമത്തെ ട്രെയിന്‍ നാളെ സര്‍വീസ് തുടങ്ങും. ഇതോടെ തിങ്കള്‍ മുതല്‍ ശനി വരെ തിരക്കേറിയ സമയങ്ങളില്‍ ട്രെയിനുകളുടെ ഇടവേളസമയം 10 മിനിറ്റായി ചുരുങ്ങും. നിലവില്‍ 13 മിനിറ്റാണ് ഇടവേള. ഞായറാഴ്ചകളില്‍ തിരക്കേറിയ സമയങ്ങളില്‍ ഇടവേള 15 മിനിറ്റില്‍ നിന്ന് 14 ആകുമെന്ന് ബിഎംആര്‍സി അറിയിച്ചു. ആദ്യത്തെയും അവസാനത്തെയും ട്രെയിനുകളുടെ സമയത്തില്‍റ്റമുണ്ടാകില്ല.  

ബെംഗളുരു: രാത്രിയാത്രാ നിരോധനം നിലനില്‍ക്കുന്ന ബന്ദിപ്പൂര്‍ വനപാതയില്‍ കേരള, കര്‍ണാടക ആര്‍ടിസികളുടെ കൂടുതല്‍ ബസുകള്‍ക്ക് യാത്രാ ഇളവ് നല്‍കുമെന്ന കര്‍ണാടകയുടെ പ്രഖ്യാപനം നടപ്പിലായില്ല. നിലവില്‍ ഇരുആര്‍ടി സികളുടെയും 8 വീതം ബസു കള്‍ക്കാണ് രാത്രി യാത്രയ്ക്ക് അനുമതിയുള്ളത്. ഇത് 16 ആക്കി ഉയര്‍ത്തണമെന്നായിരുന്നു കേരളത്തിന്റെ ആവശ്യം. നിലവിലെ സാഹചര്യം തുടരണമെന്ന വനംവകുപ്പിന്റെ നിലപാടാണ് ഇരു ആര്‍ടിസികള്‍ക്കും തിരിച്ചടിയായത്. വാരാന്ത്യങ്ങളിലും ഉത്സവസീസണുകളിലും ബെംഗളുരുവില്‍ നിന്ന് കൂടുതല്‍ സ്‌പെഷല്‍ ബസുകള്‍ കേരള, കര്‍ണാടക ആര്‍ടിസികള്‍ അനുവദിച്ചിട്ടും ബന്ദിപ്പൂര്‍ വഴി കടന്നുപോകാന്‍ ഇവയ്ക്ക് അനുമതിയില്ല. മൈസുരുവില്‍ നിന്ന് ഹുന്‍സൂര്‍-ഗോണി…

ബെംഗളൂരു: അഗറിനടുത്ത് മെട്രോ ബ്ലൂ ലൈനിന്റെ നിർമ്മാണത്തിനിടെ വലിയ ദുരന്തം സംഭവിച്ചു . ഒരു വലിയ ക്രെയിൻ വാഹനം നിയന്ത്രണം നഷ്ടപ്പെട്ട് മറിഞ്ഞു, പക്ഷേ ഭാഗ്യവശാൽ ആർക്കും പരിക്കേറ്റില്ല. പിന്നിൽ ഭാരമുള്ള വസ്തു വയ്ക്കാതെ മുന്നിൽ നിന്ന് ഗിർഡർ ഉയർത്താൻ ശ്രമിച്ചപ്പോഴാണ് ക്രെയിൻ ബാലൻസ് തെറ്റിയത്. ഈ സമയത്ത്, ഓപ്പറേറ്റർ ക്രെയിൻ വാഹനത്തിൽ നിന്ന് ചാടിയത് കൊണ്ട് ജീവൻ രക്ഷിപ്പെട്ടു. പുലർച്ചെ 3.45 ഓടെയാണ് സംഭവം നടന്നത്, എച്ച്എസ്ആർ ട്രാഫിക് പോലീസ് സ്ഥലത്തെത്തി പരിശോധന നടത്തി.

ബെം​ഗളൂരു: കർണാടകയിലെ ശബരിമല തീർത്ഥാടകർക്ക് കേരളത്തിലെ ചെക്ക് പോസ്റ്റുകളിൽ നിയന്ത്രണങ്ങൾ ഏർപ്പെടുത്തിയതായി ആരോപണങ്ങൾ ഉയർന്നിരുന്നു. ഇതിനെത്തുടർന്ന് തമിഴ്‌നാട്ടിൽ സ്വാമി അയ്യപ്പ ഭക്തർക്കെതിരെ അതിക്രമങ്ങൾ നടന്നതായി ആരോപണങ്ങൾ ഉയർന്നിട്ടുണ്ട്. തമിഴ്നാട്ടിലെ മധുരയ്ക്ക് സമീപം ശബരിമലയിലേക്ക് പോകുന്ന ഭക്തരെ തടഞ്ഞ അക്രമികൾ മോശം വാക്കുകളിൽ അധിക്ഷേപിച്ചു. വാഹനത്തിലെ കന്നഡ പതാക വലിച്ചുകീറി അതിക്രമങ്ങൾ നടത്തിയതായി ഭക്തർ ആരോപിച്ചു. കർണാടകയിൽ നിന്ന് മാല ധരിച്ച് ശബരിമലയിലേക്ക് പോയ കന്നഡിഗന്മാർ, തമിഴ്‌നാട്ടിലെ ചിലർ തിരികെ വരുമ്പോൾ തങ്ങൾക്കെതിരെ അതിക്രമങ്ങൾ നടത്തുന്നുണ്ടെന്ന് ആരോപിച്ചിട്ടുണ്ട്. ഗുണ്ടൽപേട്ട് താലൂക്കിലെ അന്നൂർകേരിയിൽ നിന്ന് ശബരിമലയിലേക്ക് പോയ…