Month: September 2025

ബെംഗളൂരു: ബെംഗളൂരു ഉൾപ്പെടെ സംസ്ഥാനത്തിന്റെ വിവിധ ഭാഗങ്ങളിൽ ബുധനാഴ്ച കനത്ത മഴ പെയ്തു. അതുപോലെ, ഇന്നും (സെപ്റ്റംബർ 4) ഇടിമിന്നലോഡ് കൂടിയ മഴ തുടരാൻ ആണ് സാധ്യത, അതിനാൽ, തീരദേശ ജില്ലകൾ ഒഴികെയുള്ള സംസ്ഥാനത്തെ എല്ലാ ജില്ലകൾക്കും കാലാവസ്ഥാ വകുപ്പ് യെല്ലോ അലേർട്ട് പ്രഖ്യാപിച്ചു, . ബെംഗളൂരുവിലും പരിസര പ്രദേശങ്ങളിലും അടുത്ത 24 മണിക്കൂറിനുള്ളിൽ പൊതുവെ മേഘാവൃതമായ കാലാവസ്ഥയായിരിക്കും, നേരിയതോ മിതമായതോ ആയ മഴയോ ഇടിമിന്നലോ ഉണ്ടാകാൻ സാധ്യതയുണ്ട്. മണിക്കൂറിൽ 40-50 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ട്. പരമാവധി താപനില 27°C…

ബെംഗളൂരു : രണ്ടുമലയാളികളടക്കം അന്താരാഷ്ട്ര ലഹരിക്കടത്തു സംഘത്തിൽ ഉൾപ്പെട്ട ആറുപേർ അറസ്റ്റിൽ. ബെംഗളൂരു കേന്ദ്രമായി പ്രവർത്തിക്കുന്ന സംഘമാണ് പിടിയിലായത്. ഇവരിൽനിന്ന് 21 കോടി വിലമതിക്കുന്ന ലഹരിമരുന്നുകൾ പിടിച്ചെടുത്തു. മലയാളികളായ എ.എം. സുഹൈൽ (31), കെ.എസ്. സുജിൻ (32), ബെംഗളൂരുവിലുള്ള ദമ്പതിമാരായ എം.ഡി. സഹീദ് (29), സുഹ ഫാത്തിമ (29) എന്നിവരും രണ്ട് നൈജീരിയ സ്വദേശികളുമാണ് പിടിയിലായത്. രഹസ്യവിവരത്തിന്റെ അടിസ്ഥാനത്തിൽ ഡൽഹി പോലീസ് നടത്തിയ അന്വേഷണത്തിലാണ് ഡൽഹി, ബെംഗളൂരു എന്നിവിടങ്ങളിൽനിന്നായി പ്രതികൾ പിടിയിലായത്. മലയാളികളിൽ സുഹൈൽ അന്താരാഷ്ട്ര ലഹരിക്കടത്തലിലെ സുപ്രധാന കണ്ണിയാണെന്ന് പോലീസ് പറഞ്ഞു .…

ബെംഗളൂരു : ഗുണ്ടൽപേട്ടിൽ ബന്ദിപ്പുർ -ഊട്ടി റൂട്ടിൽ വാഹനങ്ങൾക്കു മുൻപിൽ നിലയുറപ്പി‌ച്ച് പരിഭ്രാന്തി പരത്തി കൊമ്പനാന. ബുധനാഴ്ച രാവിലെ 11ഓടെയാണ് സംഭവം. തരകാരി രാജയെന്ന ആനയാണ് വാഹന യാത്രക്കാരിൽ പരിഭ്രാന്തി പരത്തിയത്. റോഡിലൂടെ പോയികൊണ്ടിരിക്കുന്ന പച്ചക്കറി ട്രക്കിന് മുൻപിലാണ് ആനയെത്തിയത്. തുടർന്ന് ലോറിയിൽനിന്ന് ഒരു ചാക്ക് അരി ആന തുമ്പിക്കൈകൊണ്ട് റോഡിൽ വലിച്ചിട്ടു. പത്തു മിനിറ്റിനടുത്ത് ആന റോഡിൽ തന്നെ നിലയുറപ്പിച്ചത് ഗതാഗത തടസ്സത്തിനും യാത്രക്കാരിൽ പരിഭ്രാന്തി പരത്താനും കാരണമായി. പിന്നീട് ആന അരിച്ചാക്കുമായി കാട്ടിലേക്ക് നീങ്ങുകയായിരുന്നു.

ബെംഗളൂരു: ധര്‍മസ്ഥല വെളിപ്പെടുത്തല്‍ നടത്തിയ മുന്‍ ശുചീകരണ തൊഴിലാളി ചിന്നയ്യയെ മൂന്നുദിവസത്തേക്ക് കൂടി എസ്‌ഐടി കസ്റ്റഡിയില്‍ വിട്ടു. ചിന്നയ്യയുടെ ഫോണ്‍ ഉള്‍പ്പെടെ ആറ് മൊബൈല്‍ ഫോണുകള്‍ എസ്‌ഐടി പിടിച്ചെടുത്തിരുന്നു. കൂടുതല്‍ ചോദ്യം ചെയ്യേണ്ടതുണ്ടെന്ന എസ്‌ഐടി വാദം പരിഗണിച്ചാണ് കസ്റ്റഡി കാലാവധി നീട്ടിയത്. വെളിപ്പെടുത്തലിന് പിന്നില്‍ ആസൂത്രിതമായ ഗൂഢാലോചനയുണ്ടെന്ന സംശയത്തിലാണ് എസ്‌ഐടി അന്വേഷണം പുരോഗമിക്കുന്നത്. സെപ്തംബര്‍ 6 വരെയാണ് കസ്റ്റഡിയില്‍ വിട്ടിരിക്കുന്നത്. ഫോണിൽ നിന്ന് ഗൂഢാലോചനയെ സൂചിപ്പിക്കുന്ന വിവരങ്ങള്‍ ലഭിച്ചതായി അന്വേഷണ സംഘം വിലയിരുത്തുന്നു. ചിന്നയ്യക്ക് അഭയം നല്‍കിയ മഹേഷ് ഷെട്ടി തിമരോടിയുടെയും അദ്ദേഹത്തിന്റെ സഹോദരൻ…