ബെംഗളൂരു : സ്റ്റേറ്റ് ബാങ്ക് ഓഫ് ഇന്ത്യയുടെ കോലാറിലെ എടിഎമ്മിൽ നിന്ന് 27.62 ലക്ഷം രൂപ കവർന്നു. ഗുൽപേട്ട് പോലീസ് സ്റ്റേഷൻ പരിധിയിലെ എടിഎമ്മിലാണ് തിങ്കളാഴ്ച പുലർച്ചെ നാലരയോടെ കവർച്ച നടന്നത്.
ഗ്യാസ് കട്ടർ ഉപയോഗിച്ചാണ് കാഷ് ബോക്സ് തകർത്തത്. സുരക്ഷാ ജീവനക്കാർ ഇല്ലാത്ത എടിഎമ്മായിരുന്നെന്ന് പോലീസ് പറഞ്ഞു.
സിസിടിവി ക്യാമറ കറുത്ത ചായമൊഴിച്ച് പ്രവർത്തനരഹിതമാക്കിയ ശേഷമായിരുന്നു കവർച്ച.
എടിഎമ്മിലെ അലാറം സിസ്റ്റവും പ്രവർത്തിച്ചില്ല. സംഭവത്തിൽ കേസെടുത്ത് അന്വേഷണം തുടങ്ങിയതായി കോലാർ ജില്ലാ പോലീസ് മേധാവി ബി. നിഖിൽ പറഞ്ഞു.
