Day: 28 April 2025

ഇടുക്കി: ഉപ്പുതറയില്‍ അപകടത്തില്‍പ്പെട്ട കാറില്‍നിന്ന് ഭാര്യയെ ഉപേക്ഷിച്ച് കടന്നുകളഞ്ഞ ഭർത്താവ് പോലീസ് കസ്റ്റഡിയിൽ. ആലടി സ്വദേശി സുരേഷാണ് ഭാര്യയെ ഉപേക്ഷിച്ച് കടന്നുകളഞ്ഞത്. അപകടത്തിൽ ഗുരുതരമായി പരിക്കേറ്റ ഭാര്യ നവീനയെ കോട്ടയം മെഡിക്കൽ കോളജിലേക്കു മാറ്റി. മദ്യലഹരിയിലായിരുന്ന സുരേഷ് അപകടം ഉണ്ടാകുന്നതിനു മുൻപ് വാഹനത്തിൽനിന്നു ചാടുകയായിരുന്നുവെന്ന് പോലീസ് പറഞ്ഞു. കഴിഞ്ഞ ദിവസം രാത്രിയാണ് അപകടം ഉണ്ടാവുന്നത്. ഞായറാഴ്ച രാവിലെയാണ് കാറില്‍ സ്ത്രീ കുടുങ്ങിക്കിടക്കുന്ന കാര്യം നാട്ടുകാർ അറിയുന്നത്. നാട്ടുകാർ വിവരമറിയിച്ചതിനെ തുടർന്ന് ഉപ്പുതുറ പോലീസ് സ്ഥലത്തെത്തിയാണ് നവീനയെ ആശുപത്രിയിൽ എത്തിച്ചത്. സുരേഷ് ഭാര്യയെ അപായപ്പെടുത്തുന്നതിനായി മനഃപൂർവം…

ബെംഗളൂരു : വരുമാനം വർധിപ്പിക്കുന്നതിനായി ബെംഗളൂരു മെട്രോപോളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) ബസുകളിൽ പരസ്യങ്ങൾ കൂടുതലായി പ്രദർശിപ്പിക്കാൻ തുടങ്ങിയതോടെ സ്വകാര്യബസും ബിഎംടിസി ബസും തിരിച്ചറിയാൻ ബുദ്ധിമുട്ടായതായി യാത്രക്കാർ. പ്രത്യേകിച്ചും പ്രായമായവർക്കാണ് ആശയക്കുഴപ്പമുണ്ടാകുന്നത്. മുമ്പൊക്കെ ബിഎംടിസി ബസിനെ തിരിച്ചറിയാൻ എളുപ്പമുണ്ടായിരുന്നുവെന്നും ഇപ്പോൾ ആശയക്കുഴപ്പമുണ്ടാകുന്നുവെന്നും സ്ഥിരം യാത്രക്കാർ പറയുന്നു. ബസിനെ പൊതിഞ്ഞ് പരസ്യം പ്രദർശിപ്പിക്കുന്നതാണ് ആശയക്കുഴപ്പത്തിനിടയാക്കുന്നത്. പരസ്യംകാരണം ഏത്‌ ബസാണെന്ന് തിരിച്ചറിയാൻ സാധിക്കുന്നില്ല. സ്ഥിരമായി യാത്രചെയ്യുന്ന 60 വയസ്സിനുമുകളിലുള്ളവരാണ് കൂടുതലും പരാതികൾ ഉന്നയിച്ചിരിക്കുന്നത്. മുമ്പൊക്കെ ബസിന്റെ പിൻവശത്ത് മാത്രമായിരുന്നു പരസ്യം പ്രദർശിപ്പിച്ചിരുന്നത്. ബെംഗളൂരു പോലുള്ള നഗരങ്ങളിൽ സർക്കാർബസുകളിൽ…