Month: August 2024

ബെംഗളൂരു : മൈസൂരു അർബൻ വികസന അതോറിറ്റിയുടെ ഭൂമികൈമാറ്റത്തിൽ ആരോപണവിധേയനായ മുഖ്യമന്ത്രി സിദ്ധരാമയ്യയുടെ രാജിയാവശ്യപ്പെട്ട് ബി.ജെ.പി.യും ജെ.ഡി.എസും ചേർന്നു നടത്തുന്ന പദയാത്ര തുടങ്ങുന്നതിനുമുൻപേ പ്രതിരോധവുമായി കോൺഗ്രസ്. ബി.ജെ.പി.യുടെ യാത്ര കടന്നുപോകുന്ന വഴിയിൽ വൻ റാലികൾ നടത്തിയാണ് പ്രതിരോധം. വെള്ളിയാഴ്ച ബിഡദിയിൽ നടന്ന ആദ്യറാലിയിൽ സിദ്ധരാമയ്യയെ പിന്തുണച്ച് ഉപമുഖ്യമന്ത്രി ഡി.കെ. ശിവകുമാർ കേന്ദ്രമന്ത്രി കുമാരസ്വാമിക്കെതിരേ ആരോപണമുയർത്തി. കുമാരസ്വാമിയുടെയും ബി.ജെ.പി. സംസ്ഥാന അധ്യക്ഷൻ ബി.വൈ. വിജയേന്ദ്രയുടെയും നേതൃത്വത്തിൽ പത്തുദിവസത്തെ പദയാത്ര ശനിയാഴ്ച ബെംഗളൂരുവിൽനിന്ന് ആരംഭിക്കാനിരിക്കെയാണിത്. ബി.ജെ.പി.യുടെയും ജെ.ഡി.എസിന്റെയും പദയാത്ര അഴിമതിക്കാർ, അഴിമതിക്കാർക്കായി നടത്തുന്നതാണെന്ന് ശിവകുമാർ കുറ്റപ്പെടുത്തി. എച്ച്.ഡി.…

ബെംഗളൂരു : റായ്ചൂരുവിൽ ഭക്ഷ്യവിഷബാധയുടെ ലക്ഷണത്തോടെ ആശുപത്രിയിൽ പ്രവേശിപ്പിച്ച ഒരു കുടുംബത്തിലെ നാലു പേർ മരിച്ചു. സിരവാര താലൂക്കിലെ കല്ലൂരു സ്വദേശി ഭീമണ്ണ ബാഗലി(70), ഭാര്യ ഏരമ്മ ബാഗലി(62), മക്കളായ മല്ലേഷ്(21), പാർവതി(19) എന്നിവരാണ് മരിച്ചത്. മറ്റൊരു മകൾ മല്ലമ്മ ഗുരുതരാവസ്ഥയിൽ ചികിത്സയിലാണ്. വീട്ടിൽനിന്ന് ഭക്ഷണം കഴിച്ച ഇവരെ ബുധനാഴ്ച രാവിലെ ഛർദിയും വയറിളക്കവും ബാധിച്ച്‌ അവശരായ നിലയിൽ ആശുപത്രിയിൽ പ്രവേശിപ്പിക്കുകയായിരുന്നു. ആട്ടിറച്ചി കൊണ്ടുള്ള ഭക്ഷണമാണ് കഴിച്ചതെന്ന് പറയുന്നു. മൂന്ന് പേർ റായ്ചൂരു ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലും ഒരാൾ സ്വകാര്യ ആശുപത്രിയിലും ചികിത്സയിലായിരുന്നു.…

ബെംഗളൂരു : ഹാസനിലെ സകലേശ്പുര ഭാഗത്തുണ്ടായ മണ്ണിടിച്ചിലിനെത്തുടർന്ന് കണ്ണൂരിൽനിന്ന് മംഗളൂരു വഴിയുള്ള കണ്ണൂർ-ബെംഗളൂരു എക്സ്പ്രസ് തീവണ്ടി (16512) റദ്ദാക്കിയത് ഓഗസ്റ്റ് ആറുവരെ നീട്ടി. ഇത് ഓഗസ്റ്റ് നാലുവരെ റദ്ദാക്കിയതായി നേരത്തേ ദക്ഷിണ പശ്ചിമ റെയിൽവേ അറിയിച്ചിരുന്നു. മംഗളൂരു വഴിയുള്ള കെ.എസ്.ആർ. ബെംഗളൂരു-കണ്ണൂർ എക്സ്‌പ്രസ് (16511) റദ്ദാക്കിയത് ഓഗസ്റ്റ് അഞ്ചുവരെയും നീട്ടി. നേരത്തേ ഇത് മൂന്നുവരെയായിരുന്നു റദ്ദാക്കിയത്. ഈ റൂട്ടിലോടുന്ന മറ്റ് പത്ത് തീവണ്ടികളും റദ്ദാക്കിയത് രണ്ടു ദിവസത്തേക്കുകൂടി നീട്ടി. യടകുമേറി-കടഗരവള്ളി സ്‌റ്റേഷനുകൾക്കിടയിൽ ജൂലായ് 26-ന് രാത്രിയാണ് മണ്ണിടിച്ചിലുണ്ടായത്. ഇതോടെ ഈ റൂട്ടിലുള്ള എല്ലാ തീവണ്ടിസർവീസുകളും…

ബംഗളുരു : മൂകാംബിക ദർശനം കഴഞ്ഞു രാത്രി മംഗളുരു ബസ് സ്റ്റാൻഡിൽ എത്തിയ ആലുവ സഹൃദയപുരം മോണ്ടപാടത്ത് ഷിബുവിനെ (46) രണ്ടു മലയാളികൾ ചേർന്നു മർദിച്ചു കൊള്ളയടിച്ച ശേഷം വഴിയിൽ തള്ളി. 2 പവന്റെ സ്വർണ മാല, ഒരു പവന്റെ കൈ ചെയ്യിൻ, അരപവന്റെ മോതിരം, സ്മാർട്ട്‌ വച്ച്, 20000 രൂപ, എ ടി എം കാർഡും സൂക്ഷിച്ചിരുന്ന പേഴ്സ് എന്നിവ നഷ്ടമായി. ജൂലൈ 27ന് മൂകാംബിക ക്ഷേത്രത്തിലും പിറ്റേന്ന് ഉഡുപ്പി ക്ഷേത്രത്തിലും ദർശനം നടത്തിയ ശേഷം രാത്രി 9 നാണ് ഷിബു ബസ്…

ബെംഗളൂരു: തിരക്ക് പരിഗണിച്ച്‌ ഓഗസ്റ്റ് മൂന്ന് ശനിയാഴ്ച മംഗളൂരുവില്‍ നിന്ന് കൊച്ചുവേളിയിലേക്ക് സ്പെഷ്യല്‍ ട്രെയിൻ സർവീസ് നടത്തും. 06041 മംഗളൂരു-കൊച്ചുവേളി സ്പെഷ്യല്‍ ട്രെയിൻ മംഗളൂരുവില്‍നിന്ന് വൈകീട്ട് 7.30-നാകും പുറപ്പെടുക. പിറ്റേന്ന് രാവിലെ എട്ടുമണിക്ക് കൊച്ചുവേളിയിലെത്തും. തിരിച്ച്‌ 06042 എന്ന നമ്ബറില്‍ നാലാം തീയതി, ഞായറാഴ്ച വൈകീട്ട് 6.40-ന് കൊച്ചുവേളിയില്‍നിന്ന് ഈ ട്രെയിൻ മംഗളൂരുവിലേക്കും സർവീസ് നടത്തും. പിറ്റേന്ന് രാവിലെ ഏഴു മണിയോടെയാകും മംഗളൂരുവിലെത്തുക. എട്ട് സ്ലീപ്പർ കോച്ചുകളും ഏഴ് സെക്കൻഡ് ക്ലാസ് ജനറല്‍ കോച്ചുകളുമാകും ട്രെയിനില്‍ യാത്രക്കാർക്കായി ഉണ്ടാകുക. മംഗളൂരു, കാസർകോട്, കാഞ്ഞങ്ങാട്, പയ്യന്നൂർ,…