Month: April 2024

ബെംഗളൂരു : മണ്ഡ്യയിൽ മുൻ മുഖ്യമന്ത്രിയും ജെ.ഡി.എസ്. നേതാവുമായ എച്ച്.ഡി.കുമാരസ്വാമി വിജയിച്ചാൽ കേന്ദ്രമന്ത്രിയാകുമെന്ന് ബി.ജെ.പി. സംസ്ഥാന അധ്യക്ഷൻ ബി.വൈ.വിജയേന്ദ്ര. മണ്ഡ്യ മണ്ഡലത്തിലെ മലവള്ളിയിൽ എൻ.ഡി.എ. പ്രചാരണറാലിയിൽ സംസാരിക്കുമ്പോഴാണ് അദ്ദേഹം ഈ ഉറപ്പുനൽകിയത്. മുഖ്യമന്ത്രി സിദ്ധരാമയ്യയോ ഉപമുഖ്യമന്ത്രി ഡി.കെ. ശിവകുമാറോ വിചാരിച്ചാൽ കുമാരസ്വാമിയുടെ വിജയം തടയാനാവില്ലെന്നും വിജയേന്ദ്ര പറഞ്ഞു. പണത്തിന്റെ ശക്തിയിൽ മണ്ഡലം പിടിച്ചെടുക്കാമെന്ന വ്യാമോഹമാണ് കോൺഗ്രസിന്. പക്ഷേ, ജനങ്ങളുടെ അനുഗ്രഹമില്ലാതെ തിരഞ്ഞെടുപ്പിൽ വിജയിക്കാനാകില്ലെന്നും വിജയേന്ദ്ര പറഞ്ഞു. വിജയേന്ദ്രയുടെ നേതൃത്വത്തിൽ റോഡ് ഷോയും നടന്നു. കുമാരസ്വാമി അദ്ദേഹത്തെ അനുഗമിച്ചു.

ബെംഗളൂരു : ബെംഗളൂരു സൗത്ത് മണ്ഡലത്തിലെ ബി.ജെ.പി. സ്ഥാനാർഥിയും സിറ്റിങ് എം.പി. യുമായ തേജസ്വി സൂര്യയുടെ പ്രചാരണപരിപാടി ബഹളത്തിൽ മുങ്ങി അലങ്കോലപ്പെട്ടു. ഗുരു രാഘവേന്ദ്ര സഹകരണബാങ്കിൽ നടന്ന തട്ടിപ്പിനിരയായവരുടെ പ്രതിഷേധമാണ് പരിപാടി അലങ്കോലപ്പെടുത്തിയത്. സൗത്ത് മണ്ഡലത്തിൽ പെടുന്ന ബസവനഗുഡിയിലാണ് തട്ടിപ്പുനടന്ന ബാങ്ക്. ബാങ്കിൽ നിക്ഷേപിച്ച തുക തിരിച്ചുകിട്ടാത്തവർ യോഗത്തിനെത്തിയിരുന്നു. തുക തിരിച്ചുനൽകുന്നത് വൈകുന്നതിനെപ്പറ്റി ഇവർ ചോദ്യങ്ങളുന്നയിച്ചതാണ് പ്രശ്നമായത്. തുടർന്ന് യോഗം ബഹളത്തിൽ മുങ്ങി. തേജസ്വി സൂര്യയെ കൂടെയുള്ളവർ സുരക്ഷ നൽകി വേദിയിൽനിന്നു മാറ്റി. ചോദ്യങ്ങൾ ഉയർത്തിയവരോട് തേജസ്വി സൂര്യ തർക്കിക്കുകയും ചെയ്തു. ഞായറാഴ്ചയായിരുന്നു സംഭവം.…

ബെംഗളൂരു: ബാർബർ ഷോപ്പിലെ രാഷ്ട്രീയം പറച്ചില്‍ കലാശിച്ചത് കത്തിക്കുത്തിൽ. മംഗളൂരു ബോളാറില്‍ ബാർബർ ഷോപ്പ് നടത്തുന്ന എഡ്വിൻ വിനയ് കുമാറിനെ (65) നെഞ്ചില്‍ കുത്തേറ്റ പരിക്കുകളോടെ ആശുപത്രിയില്‍ പ്രവേശിപ്പിച്ചു. സംഭവത്തില്‍ ബണ്ട്വാള്‍ ബരിമറയിലെ അനന്ത സപല്യയെ (49) പോലീസ് അറസ്റ്റ് ചെയ്തു. കേരളത്തില്‍ നിന്ന് വർഷങ്ങള്‍ മുമ്പ് മംഗളൂരുവിലെത്തി ബോളാറില്‍ ഗവ. സ്കൂളിനടുത്ത് കാന്തി ഹെയർ ഡ്രസസ് എന്ന സ്ഥാപനം നടത്തുകയാണ് എഡ്വിൻ. ബാർബർ ഷോപ്പില്‍ വന്ന അക്രമിയും എഡ്വിനും തെരഞ്ഞെടുപ്പ് രാഷ്ട്രീയം പറഞ്ഞു. ഭിന്ന ആശയക്കാരായ ഇരുവരും തമ്മില്‍ നടന്ന സംസാരത്തിനിടയില്‍ അനന്ത…

ബെംഗളൂരു: ദക്ഷിണ കന്നട ജില്ലയില്‍ അഡ്യാർ വളച്ചില്‍ മേഖലയിലെ ബോണ്ഡ ഫാക്ടറി വിറ്റ ഇളനീർ വെള്ളം കുടിച്ച പതിനഞ്ചോളം പേർ ആശുപത്രിയില്‍. രണ്ട് സ്ത്രീകളും 12 വയസ്സുള്ള കുട്ടിയും മംഗളൂരു സ്വകാര്യ ആശുപത്രിയില്‍ ചികിത്സയിലാണ്. 12 പേരെ ഒ.പി വിഭാഗത്തില്‍ ചികിത്സ നല്‍കി വിട്ടയച്ചു. മംഗളൂരുവിനടുത്ത കണ്ണൂർ, തുംബെ സ്വദേശികളാണ് അതിസാരം ബാധിച്ച്‌ ആശുപത്രിയിലുള്ളത്. തിങ്കളാഴ്ച ഫാക്ടറിയില്‍ നിന്ന് വാങ്ങിയ ഇളനീർ വെള്ളം ചൊവ്വാഴ്ച കഴിച്ചതിനെത്തുടർന്ന് വയറിളക്കവും ഛർദിയും അനുഭവപ്പെടുകയായിരുന്നു. ആരോഗ്യപ്രശ്നം ബാധിച്ചവർ വാങ്ങിയ എല്ലാ ഇനം സാധനങ്ങളുടേയും സാമ്പിളുകള്‍ ശേഖരിച്ചു. ഇവ പരിശോധന…