ബെംഗളൂരു: മണ്ഡ്യയിൽ അനധികൃതമായി സ്ഥാപിച്ച ഹനുമാൻ പതാക പോലീസ് നീക്കിയതിനെതിരെ സംഘ്പരിവാർ സംഘടനകൾ നടത്തിയ പ്രതിഷേധം മണ്ഡ്യയിലും ബംഗളൂരുവിലും സംഘർഷാവസ്ഥയ്ക്ക് വഴിതെളിച്ചു.
ബെംഗളൂരുവിലെ പ്രതിഷേധക്കാരെ പോലീസ് അറസ്റ്റ് ചെയ്തു നീക്കുകയായിരുന്നു.
മണ്ഡ്യ ഡെപ്യൂട്ടി കമീഷണർ ഓഫിസിലേക്ക് നടത്തിയ മാർച്ച് പോലീസ് തടഞ്ഞു.
തുടർന്ന് പ്രതിഷേധക്കാരെ പിരിച്ചുവിടാൻ നടത്തിയ ലാത്തിച്ചാർജിൽ രണ്ടുപേർക്ക് പരിക്കേൽക്കുകയും ചെയ്തു.
പ്രതിപക്ഷ നേതാവ് ആർ. അശോക, ബി.ജെ.പി നേതാക്കളായ സി.ടി. രവി, ഡോ. സി.എൻ. അശ്വത് നാരായൺ, ജെ.ഡി-എസ് നേതാവ് എച്ച്.ഡി. കുമാരസ്വാമി തുടങ്ങിയവർ പ്രതിഷേധത്തിൽ പങ്കെടുത്തു.
കുമാരസ്വാമി കാവി ഷാൾ അണിഞ്ഞാണ് പ്രതിഷേധത്തിനെത്തിയത്. ‘ജയ് ശ്രീറാം’വിളിയോടെയായിരുന്നു അദ്ദേഹം പ്രസംഗം ആരംഭിച്ചത്.
ജനങ്ങളുടെ പ്രതിഷേധത്തിന് സർക്കാറാണ് വഴിവെച്ചതെന്നും പ്രശ്നങ്ങൾ പരിഹരിക്കുന്നതിന് പകരം അധികാരം ദുരുപയോഗം ചെയ്ത് സംഘർഷങ്ങൾ സൃഷ്ടിക്കുകയാണെന്നും അദ്ദേഹം കുറ്റപ്പെടുത്തി.
സംഭവത്തിൽ പ്രതിഷേധിച്ച് ഫെബ്രുവരി ഒമ്പതിന് മണ്ഡ്യയിൽ ബന്ദ് ആചരിക്കാൻ തീരുമാനിച്ചിട്ടുണ്ട്.
കരഗൊഡു വില്ലേജ് ഗ്രാമപഞ്ചായത്ത് പരിധിയിലെ 108 അടിയുള്ള കൊടിമരത്തിൽ ഹനുമാൻ പതാക സ്ഥാപിച്ചതാണ് വിവാദത്തിന്റെ തുടക്കമിട്ടത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
