ബെംഗളൂരു: സംസ്ഥാനത്തെ മുഴുവൻ വിദ്യാർത്ഥികളുടെയും പോഷകാഹാര നിലവാരം മെച്ചപ്പെടുത്തുന്ന പദ്ധതിയുമായി കർണാടക സർക്കാർ. പ്രധാനമന്ത്രി പോഷൻ ശക്തി നിർമാൺ യോജനയുടെ ഉച്ചഭക്ഷണ പദ്ധതി പ്രകാരം 1 മുതൽ 8 വരെ ക്ലാസുകളിലെ സ്കൂൾ വിദ്യാർത്ഥികൾക്ക് 46 ദിവസത്തേക്ക് മുട്ട വാഴപ്പഴം തുടങ്ങിയവ വിതരണം ചെയ്യാൻ സംസ്ഥാന സർക്കാർ ഉത്തരവിട്ടു.
ഇത് സംബന്ധിച്ച് സർക്കാർ സ്കൂൾ , സാക്ഷരതാ വകുപ്പ് സെക്രട്ടറി മെമ്മോറാണ്ടം പുറപ്പെടുവിച്ചു. 2022-23 വർഷത്തിൽ, പ്രധാനമന്ത്രി പോഷൻ ശക്തി നിർമാൻ യോജനയുടെ ഉച്ചഭക്ഷണ പദ്ധതി പ്രകാരം, സംസ്ഥാനത്തെ എല്ലാ ജില്ലകളിലും 1 മുതൽ 8 വരെ ക്ലാസുകളിൽ പഠിക്കുന്ന വിദ്യാർത്ഥികൾക്ക് മുട്ടയോ വാഴപ്പഴമോ വിതരണം ചെയ്യാൻ ഉത്തരവിൽ പറയുന്നു. ഒരു വിദ്യാർത്ഥിക്ക് 6 രൂപ നിരക്കിൽ ഭക്ഷണം വിതരണം ചെയ്യാൻ ആണ് ഉത്തരവിൽ പറയുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
