ന്യൂഡൽഹി : ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉല്പന്നങ്ങള്ക്കുള്ള നിരോധനം ജൂലൈ ഒന്നു മുതൽ പ്രാബല്യത്തില് വരും.പ്ലാസ്റ്റിക് സ്ട്രോ, പ്ലേറ്റ്, കപ്പ് തുടങ്ങി ഒറ്റത്തവണ ഉപയോഗിക്കാവുന്ന ഉല്പന്നങ്ങളാണ് നിരോധിക്കുന്നത്. ഇവയുടെ വില്പന, സൂക്ഷിക്കല്, വിതരണം, കയറ്റുമതി എന്നിവയ്ക്കെല്ലാം നിരോധനം ബാധകമാണ്.
കഴിഞ്ഞ വര്ഷം സെപ്റ്റംബര് 30 ന് 75 മൈക്രോണില് കുറഞ്ഞ പ്ലാസ്റ്റിക് കാരി ബാഗുകള് നിരോധിച്ചിരുന്നു. ഡിസംബര് 31 ന് 120 മൈക്രോണിനു താഴെയുള്ള കാരി ബാഗുകള്ക്കുള്ള നിരോധനം നിലവില് വന്നു. ഇതിന്റെ തുടര്ച്ചയായാണ് ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉല്പന്നങ്ങള്ക്കും നിരോധം ഏര്പ്പെടുത്താൻ ഒരുങ്ങുന്നത്.
ഇത്തരം പ്ലാസ്റ്റിക് ഉല്പന്നങ്ങള് നിര്മിക്കുന്ന സ്ഥാപനങ്ങള്ക്ക് അസംസ്കൃത വസ്തുക്കള് നല്കരുതെന്നു പെട്രോകെമിക്കല് കമ്പനികള്ക്കു കേന്ദ്ര മലിനീകരണ നിയന്ത്രണ ബോര്ഡ് നിര്ദേശം നല്കി. ഇവ വില്ക്കുകയോ ഉപയോഗിക്കുകയോ ചെയ്യുന്ന വ്യാപാരകേന്ദ്രങ്ങൾക്കെതിരെ കർശന നടപടി കൈകൊള്ളുമെന്നും ലൈസന്സ് റദ്ദാക്കണമെന്നും നിര്ദേശം നല്കിയിട്ടുണ്ട്.
നിരോധനം ഏര്പ്പെടുത്തിയവ ഇവയാണ് ;
പ്ലാസ്റ്റിക് സ്റ്റിക് ഉപയോഗിച്ചുള്ള ഇയര് ബഡ്, ബലൂണ് സ്റ്റിക്, പ്ലാസ്റ്റിക് കൊടികള്, മിഠായി സ്റ്റിക്, ഐസ്ക്രീം സ്റ്റിക്, അലങ്കാരത്തിനുപയോഗിക്കുന്ന പോളിസ്റ്റൈറീന് (തെര്മോക്കോള്) ഉല്പന്നങ്ങള്, പ്ലേറ്റ്, കപ്പ്, പ്ലാസ്റ്റിക് ഗ്ലാസ്, ഫോര്ക്, സ്പൂണ്, പ്ലാസ്റ്റിക് കത്തി, ട്രേ, മിഠായി ബോക്സുകള് പൊതിയാനുള്ള പാക്കിങ് ഫിലിമുകള്, ക്ഷണക്കത്തുകളില് ഉപയോഗിക്കുന്ന പ്ലാസ്റ്റിക്, സിഗരറ്റ് പാക്കറ്റിനു പുറത്തുള്ള പ്ലാസ്റ്റിക് കവര്, 100 മൈക്രോണിനു താഴെയുള്ള പ്ലാസ്റ്റിക്/പിവിസി ബാനര്, കാപ്പിയും ചായയും മറ്റും ഇളക്കാനുള്ള പ്ലാസ്റ്റിക് സ്റ്റിക് എന്നിവയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
