ബെംഗളൂരു: പൊതുഗതാഗതവും സൈക്കിളുകളും ഉപയോഗിക്കാൻ പൗരന്മാരെ പ്രോത്സാഹിപ്പിക്കുന്നതിനു ‘സൈക്കിൾ ബെംഗളൂരു സൈക്കിൾ’ ഞായറാഴ്ച രാവിലെ 7 മുതൽ 9 വരെ 16 കി.മീ. ദൂരത്തിൽ സിൽക്ക് ബോർഡിലെ ബസ് ഡിപ്പോയ്ക്കും ലോറി അഡ്വെൻറിസ്റ്റ് കോളേജ് കെആർ പുരത്തിനും ഇടയിൽ നടക്കും. ഒആർആർ ഇവന്റിൽ ഡയറക്ടറേറ്റ് ഓഫ് അർബൻ ലാൻഡ് ട്രാൻസ്പോർട്ട് (ഡിയുഎൽടി ), ബിബിഎംപി , ബെംഗളൂരു ട്രാഫിക് പോലീസ് (ബിടിപി ) എന്നിവ റോട്ടറി ബാംഗ്ലൂർ ഐടി കോറിഡോറുമായി (ആർബിഐടിസി) സഹകരിച്ച് സൈക്ലിംഗ് സംഘടിപ്പിക്കുന്നു. 700-ലധികം സൈക്ലിസ്റ്റുകൾ പരിപാടിയിൽ പങ്കെടുക്കുമെന്നാണ് പ്രതീക്ഷിക്കുന്നത്
ഈ പരിപാടിയുടെ ഭാഗമായി ആർബിഐടിസിയുടെ പിന്തുണയുള്ള സർക്കാർ സ്കൂളുകളിലെ പെൺകുട്ടികൾക്ക് 50 പ്രീ-ഓൺഡ് സൈക്കിളുകൾ യുലു സമ്മാനിക്കും. പങ്കെടുക്കാൻ, രജിസ്റ്റർ ചെയ്യുക https://rbitc.org/
